˗Zlan ˗Wo ꞊faan ˗ya kwa ˗bha ˗tosɛta kë ˗kɔ ˈö yi ꞊gban ˈka˗ slëëˈˈ ˈgü ˗ee?

Biblö ˗wo pö ˗sü ˈö yi ꞊gban ˈˈpɛpɛ ˈka ˗yö ꞊mɔɔn˗ ˗bha kö ˗ya kë kö kwa “yun ˗yö ˈˈsɛ ˈkun,” kö ˈkwa “dɔ gbɛnngdhö ˗zʋ ˗yö ˗Zlan ˗dhɛ ˗sü ˈgü.” (Kodh. 2:6, 7) ˈˈKɛɛ, ꞊ya kë ꞊dhɛ kwa˗ ˈˈpiʋ̈ kö ˗Zlan ˗Wo ꞊faan ˗yö kwa ˗bha ˗tosɛta kë ˗kɔ slëëˈˈ ˈgü, kwa dua ˗mü kö ˈkwa kwa ˗zota ˗a ˗bha ˈtɔŋ˗ ˗nu ˈgü kö ˈkwa ˗an ˗ya ꞊bhlëë ˈgü. (Eb. 4:12; Zak. 1:22-25) Josué 1:8 ˗yö Biblö ˗wo pö ˗kɔ ˗së ˗yaaga ˗zɔn. ˗Wo ˈnën ˈwo yö: (1) ˗Zlan ˗Wo ˗wo pö ˗sü ˈö “ˈˈɲënŋ˗ ˈgü waa gbeŋ ˈgü.” (2) ˗Zlan ˗Wo ˗wo pö ˗sü ˈö ö “˗wo ꞊löö”. ˗Zlan ˗Wo ˗wo pö ˗sü ˈö ö ˗wo ꞊löö yö ˈnën ˗tɔ Biblö ˗wo pö ˗kɔ ˈö ˗dho kwa ˗takun kö ˈkwa kwa ˗zota pë ˈö ˈkwa˗ ˗wo pö ˗ni ˈgü, ˗a ˈgü. (3) Pë ˈö ˈkwa ˗a ˗wo pö bhë, “ˈˈta ˈsü ˗a ˗ta” ˗sü. ꞊Ya kë ꞊dhɛ ˗dhioo ˗nu ˈwo bhë ˈkwa ˗an ˗ya ꞊bhlëë ˈgü, ‘kwa ˗bha ˗ʒiaan ˗dho dhi kwa ˗gɔ’, ˈyö ˈkwa “ˈwɔn ˗nu ˗kë ꞊kpɔɔdhɛ ˗bha” yi ꞊gban ˈˈpɛpɛ ˈka.