˗Kwa kwa ˗kɔ ˗ya ꞊dhɛŋ ˗nu ˗gɔ

Masö 23 ˈka, ꞊dhɛŋ ˗nu ˈö ˈkwa ˗dho kwa ˈˈɲan ˈto ˗an ˗gɔ kö ˗wo nu ˗zo ˗bo ˈwlaan˗ ˗ta ˗dho ꞊mɔɔn mɛn ˈˈmliɲɔn 12 ˗bha, ˈö˗ ˈbha ˗ya kë, ˗wo ˗dho ʒiö˗ ˗ta. ˈˈDhɛɛtadhiaŋzëmɛn ˗ya ˗zɔn ˗ni ˈgü ꞊dhɛ ˗gɔtadhɔpë ˈnën ˗tɔ gbɔɔ ˗së ˈö go Zoova ˈˈpiʋ̈, ꞊ya ˈgo mü ˈzü, ˈyö ˈwɔn ˗së ˗nu ˈwo ˗dho kë kwa ˗dhɛ ˈˈdhiʋ̈ ˗an ˈwɔn blɛɛˈˈ ˗ni ˈgü, ˗yö ˗dho kë ꞊gbɛkiödhɛ ꞊dede ˈka ˗an ˗bhaa ˈka. (Is 11:6-9; 35:5, 6; 65:21-23; Zn 3:16) ˈˈKɛɛ ˈˈdhɛɛtadhiaŋzëmɛn yöö dosɛnŋ ˈyaa ˈnën ˈö ˗dho ꞊gbɛkiödhɛ kë ˈwlaan˗ bhë˗ ˗ta. Mɛn ꞊gban ˈˈpɛpɛ kwa ꞊mɔɔn˗ ˗bha ˈö ˈkwa kwa ˗kɔ ˗ya ꞊dhɛŋ ˗nu ˗gɔ ˈˈwowosü ˈka. (Wlɔ 15:7) ˗A ˗gleŋ ˈbhaa ˗nu ˈnën ˈwo yö.

• ꞊Dhɛŋ ˗nu waa kwa dhegblü ˗nu ˈö ˈwaa ˗zlanwopö ˈzü ˈö ˈwo ˗dho nu bhë, ˗an ꞊tua bho ˈˈyɩɩ ˈka. ˈBha ˈdho ˈto ü ꞊duɛɛ ˈgü ˈˈsɛnŋdhö kö ˈü ˗bhɔkwëë züdɔsü ˈˈdhiʋ̈ ˈˈgan.

• Ü ˗zoto ü dɔmɛn ˗nu ˈö bhi ꞊dede ˈü ˗an ˗dhɛ ˈwo ˗nu bhë, ˗an ˈˈpiʋ̈. ˈˈKɛɛ ü ˗zo ˈya ˈdho bhɔ ˈpö mɛn ˈˈwɛɛ ˗nu ˈwo nu ˗an ˈka. ˗A pö ˗an ˗dhɛ ˗wo ˗ya ü ˈˈsuee. Ka ˗dhɛga ka ˈkwëë ü ˗bha Biblö ˈgü, kö ˈka ˈˈtan bho ˈka ˈkwëë.

• ˈˈDhɛɛtadhiaŋ˗ ˗ya ɲën, mɛn ˈbha ˗ya dhɛɛˈˈ ˈö ˗gban ˗a ˗bha ˗a ˈkpɔ ü ˗gɔ, ˗bhö ˗a ˗yɔ bɔ. ˈˈKɛɛ ꞊ya kë ꞊dhɛ ˈˈtʋ̈ŋ ˈyaa ˈdhö, ˈyö ˗tɔ ꞊dhɛ ˗zlanwokɔdhi ˈˈwɛɛ ˈbha ˗dho yö ka ˈˈgblʋʋ ˈgü ˗dhɛ do bhë˗ ˈgü, ˗bhö ˗a ˈˈslö mɛɛnˈˈ ˈü ˗wo ˗a ˗dhɛ ˈˈvaandhö yi ˈˈwɛɛ ˈka. ꞊Ya kë ꞊dhɛ ˗a ˗bha ˈˈnimlɔn ˈyaa ü ˗gɔ, ü ꞊mɔɔn˗ ˗bha ˈü˗ pö ˗a ˗dhɛ ꞊dhɛ: “˗Kɔ ˈö ˈü ˗bhɔkwëë bhë ˗a yö ˗a ˈka bhë, ˗yö n ˈˈpiʋ̈ ꞊dhɛ ˈü˗ blɛɛˈˈ n ˗dhɛ. ˗A ꞊mɔɔn˗ ˗bha ˈa ü ˗bha ˈˈnimlɔn ꞊slɔɔ ˗ee?”