˗Bhö ˗a ˈwɔn dɔ ꞊dhɛ ü ˗dhɔ ꞊dede Zoova ˗kë

Ü ꞊bhlëë ˗yö ˗dhö Zoova wëëdhö. (Is 43:4) ˗Yö ü ˗gan waa ö ˗bha ˗kɔlokota ˗an ˗bha. ˈDhɛ ˈü ü ˗de nu Zoova ˗dhɛ ˈü bɔ ˈˈyi ꞊bhaa, ü ˗kë ˗a ˗bhaa ˈka. Ü bɔ ˗ni ˈgü ˈwɔn ˈˈgbɩɩ˗ ˈgü, ˗yö ˗dho ö ˗zokë ü ˈˈpiʋ̈ ꞊dhɛ ö dhɔɔbhaapë ˈdhö. ˗Yö ˗dho bɔ ö ˗bha ˗kɔlokota ˗ta ˈö ˗dhɔ ꞊dede ˗zɔn ü ˗dhɛ.​—Ps 25:10.

ˈWɔn ˈö Zoova ˗bha ˗kɔlokota ˗ya ˗kë kwa ˗dhɛ ˈwɔn ˈˈgbɩɩ˗ ˗nu ˈwo ʒiö yö ˗an ˈˈtʋ̈ŋ ˈka ˈkwa kwa ˗zota ˗an ˈgü, kwa ˗dho Zoova ˈˈnuɛ bho ꞊dedewo ˗dhɔ ˈö˗ ˗zɔn kwa ˗dhɛ bhë, ˗a ˗wɔn ˈgü.

˗BHÖ VIDEO ˈWƆN ˈÖ ZA WAA ˈWƆN ˈˈGBƖƖ˗ ˗NU ˈˈƝANBHƆSÜ ˈWƆNYËË˗ ˗NU ˈWO˗ ˈˈKLƆƆN BHO 2019 ˈGÜ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  Kwa ˈˈdhiʋ̈ʒiöwomɛn ˗nu ˗bha ˈwɔnyëë˗ ˗nu ˗wo Betɛdhö ˗nu ˗takun ˗kɔ ˗kë ꞊dhɛ kö ˗wo ꞊mɔɔn kwa ˗takun ˗sü ˗bha ˈpö ˈwɔn ˈˈgbɩɩ˗ ˈˈtʋ̈ŋ ˈka?

• 

  Zoova ˗bha ˗kɔlokota ˗yö ˈˈdhiʋ̈sü kwa ꞊dhegblü ˗nu ˈwo Ɛndonezi waa Niʒeria ˗dhɛ ˗nu ˈgü ˗an ˈka ˗kɔ ˗kë ꞊dhɛ ˈö nu ˗an ˗dhɛ?

• 

  ˈWɔn ˈö Zoova ˗bha ˗kɔlokota ˗ya ˗kë kwa ˗dhɛ korona ˗yua ˈˈtʋ̈ŋ yö˗ ˈgü bhë, ˗a ˗mɛɛn ˈö ü ˗dhɛ ˗së ꞊dedewo?