˗Mën ˈö ˗kë ˈyi sɔ ˗da ˗së ˈka ˈyi dho ˗bhɔkwëë ˗ta?

Zoova ˗bha ꞊Gbɛkiö ˗nu ˈwo pë ˈˈbin ˗nu yö ˗an ˗ta, wo baaˈˈ ˈwo˗ wo së ˈka kö ˗wo ˈdho ˗bhɔkwëë ˗ta bhë, ü˗ ˗yö ˗ee? ˗Mën ˈö ˗kë ˈö ˈyi yi ˗baa ˗së ˈka ˈˈdhʋ̈ kö ˈyi ˈdho ˗bhɔkwëë ˗ta?

Yi sɔ ˗da ˗së ˈka kö ˈyi ˗Zlan ꞊bhlëë ˗ya. Gagade ˗mü ꞊dhɛ ˗Zlan ˈyaa mɛn ˗ga mɛn sɔ ˗da ˗kɔ ˗bha. (1 Samuel 16:7) ˈˈKɛɛ ˈyi˗ ˗dhɔkë ˗ni ˈgü yi ˈkwëëdhö, ˗yö ˗kë yi ˈˈpiʋ̈ ꞊dedewo ꞊dhɛ ˈyi ˗a ꞊bhlëë ˗ya, kö ˈyi yi ꞊dhegblü ˗nu ꞊bhlëë ˗ya ˈpö. ꞊Ya kë ꞊dhɛ ˈkwa˗ pö kwa ˈdho zadɔmɛn ˈbha ˗kuu ˈˈdhiʋ̈, kwa sɔ ˗da ˗së ˈka ˗a ˗bha ꞊duɛ ˗bha ˗kë ˈkpiisü ˗wɔn ˈgü. ˗Kɔ do bhë˗ ˈka pö, yi sɔ ˗da ˗kɔ ˈö ˗bhɔkwëë ˗nu ˗ta ˗ya ˗zɔn ꞊dhɛ yi Zoova ˗Zlan ˈö “zadɔ ˈkpongtaamɛ ˗nu ˈkpɛkpɛ ˗bha,” waa˗ ˗dhɔkëdhɛ ˗an ꞊bhlëë ˗ya.—ˈWunzüdɔdhɛ 18:25.

Yi sɔ ˗da ˗së ˈka kö ˈyi ˈto ˈtɔŋ˗ ˗nu ˈwo Biblö ˈgü, ˗an ˈˈpiʋ̈. Biblö ˗yö Kletiɛn ˗nu ꞊faan ˗mën kö ˗an ˗bha “sɔ ˗da ˗kɔ ˗yö dhi.” (1 Timote 2:9, 10) Mɛn ˈö ˈˈpiʋ̈ kö ˗yö ˈto ˈtɔŋ˗ bhë ˗a ˈˈpiʋ̈, ˈyaa sɔ ˈö ˗dho mɛn ˈˈɲan bɔ ˗a ˗ta, ˗a ˗da ö ˗bha. ˈTɔŋ˗ ˈö bhë ˗yö kwa ˗takun ˈpö ˈö ˈkwaa sɔ yaa, ˈö ˗dhiisü ˗a ˗da kwa ˗bha. ˈˈKɛɛ ˈtɔŋ˗ bhë ˗a ˗gɛn ˈyaa ˈnën ˈtɔ ꞊dhɛ sɔ ˗dhɛ ˈö ˗an ˗dhɔ kwa ˗kë ˈkwaa ꞊mɔɔn˗ ˗bha kö ˈkwa ˗an ˗da. ˈKwa sɔ ˗da ˗së ˈka, mɛn ˗nu ˗wo ‘mɛ draan ˗wʋ ˈö go kwa Dhamɛ, kwa ˗bha ˗Zlan ˈˈpiʋ̈ bha˗ ˗dhiang ˗së ˗zë’ ˈö ˈwo˗ “ˈtɔ bhɔ.” (Titö 2:10; 1 Piɛdhö 2:12) ˗Dhɛ ˈö ˈˈdhʋ̈, yi sɔ ˗da ˗së ˈka kö ˈyi ˈdho ˗bhɔkwëë ˗nu ˗ta kö mɛn ˗nu ˗wo yi ˗bha ˗Zlan ˗dhɔkëkɔ ˗wɔn ˗së blɛɛˈˈ.

ˈKö kë ꞊dhɛ sɔ sɔnŋ ˈˈgbɩɩsü ˈyaa ü ˗gɔ, ü ˗bha ˗nu ˗bhɔkwëë ˗ta ˗sü ˈˈyi ˗dho ˈˈkan yi ˈˈdhi. Kwa ˗dasɔ ꞊mɔɔn˗ ˗bha ˈö ˗kë ˈˈslʋ̈ʋ̈slʋ̈, ˈö ˗kë ˗së ˈˈkɛɛ kö ˗a sɔnŋ ˈyaa ˈˈgbɩɩ˗.

• ˗Mën ˈö ˗kë ˈö ˈyi yi ˗baa ˗së ˈka kö ˈyi ˈdho ˗Zlan ˗dhɔkë?

• Biblö ˗bha ˈtɔŋ˗ ˗mɛɛn ˈyi to ˗an ˈˈpiʋ̈ yi ˗bha sɔ ˗da ˗kɔ ˈgü?