ˈˈPian do ˈˈpiʋ̈ ˗maankëmɛn ˗nu ˗bha yö ˈnën ˗tɔ ˗mën?

Biblö ˈˈpian ˈwo˗ ˗ya Glɛkö ˗wo ˈgü, ˈyö Baanabasö waa bɔmɛn Pɔdhö ˈwo ˗kun ˈˈpian do ˈˈpiʋ̈ ˗maankëmɛn ˗nu ˈka bhë, ˗an ˗wɔn ꞊blɛɛ. ˗Wo ˗bɔ ˗zlanwokɔdhigumɛn ˗nu ˈwo kun ˗kwɛ këŋ do ˗blɛɛsü ˈgü, ˗an ˈˈpiʋ̈ dɔɔndhö. ˈMën ˗kë ˈwo˗ ˗kë ˈˈdhʋ̈? ˗Wo ˗bɔ ˗an ꞊dhegblü ˈˈpiʋ̈, ˈyö ˗tɔ ꞊dhɛ ˗wo wo ˗zota ꞊dedewo ˗an ˗wɔn ˈgü. Pɔdhö ˗ya ˗pö ꞊dhɛ ˗ya ˈˈpiʋ̈ kö ‘˗wo wo yee kë ˈwo bɔ [...] ˗an dheebhang ˗nu [...] ˈˈpiʋ̈’ kö ˗kɔ ˈwo˗ ˗bha ˗wa dɔ. ˗Wo ˗we ˗a ˗bha kö ˗wo ˈˈkidhʋŋ ꞊va kë kö ˗wo ˈdho ˗an ˗zogban. (Këwɔn ˗nu 15:36) Pë ˈö ˈˈpian do ˈˈpiʋ̈ ˗maankëmɛn ˗nu ˈwo˗ ˗kë ˈpö ꞊dɛɛ ˈyö bhë!

˗Wo yi ꞊faan ˗mën. ˈˈPian do ˈˈpiʋ̈ ˗maankëmɛn ˗dhɛ ˈö ˈdhö ˗yö ö ˈˈtʋ̈ŋ ˗kë ˗zlanwokɔdhi ˈö ꞊mɔɔn ˗zlanwokɔdhi 20 ˗bha, ˗an ˈgü. ˈˈDhoogɔ do ˈnën ˈö˗ ˗kë ˗zlanwokɔdhi do ˈgü. ˗Ya ˗kë ˈˈdhʋ̈ ˗gɛnɲan ˈka ꞊plɛ ˗kwɛ do ˈgü. Kwa ꞊dhegblü ˗nu ˈwo bhë, waa ˗an ˗bha dhebɔ ˗nu ˗wo ꞊mɔɔn˗ ˗bha ꞊dedewo kö ˗wo ˗gleŋ ˗da kwa ˗bha. ˗Wo wo ˈgü dɔ ˈˈgbɩɩ˗ kö ˗wo ˗zlanwokɔdhigümɛn ˗nu ꞊gban dɔ. ˗Zlanwopö yi ˈˈpiʋ̈ ˗sü waa mɛn ˗nu ꞊klaŋ ˗kë yi piʋ̈ ˗sü ˗dhɔ ˗yö ˗an ˗kë. ˗Wo wo ˈˈtʋ̈ŋ ˗kë mɛn ˈö ˈdhö ˗a ˈgü, ˗wo ˗a ˗dhɛ ˗sü ˈka. ˈˈDhɛɛtadhiaŋ˗ ˗nu ˈwo ˗dho yi ꞊faan ˈmën, ˗wo ˗an ˗zë ˗bhɔkwëë ˗nu waa ˗bhɔkwëë ˈˈgblʋ̈gblʋ̈ ˗nu ˗ta.—Këwɔn ˗nu 15:35.

˗Wo wo ˈˈtʋ̈ŋ ˗kë mɛn ꞊gban ˈgü. ˈˈPian do ˈˈpiʋ̈ ˗maankëmɛn ˗nu ˗wo ˗zlanwokɔdhigümɛn ꞊gban ˈˈpɛpɛ ˗takun kö ˗wo ꞊ɲɔɔn Zoova ˈˈsuee. Waa mɛn zii ˗nu, mɛn zii ˗kɔ ꞊löö ˗nu ˗wo ˈdho wo ˈkwëëdhö kö ˗wo ˗zlanwokɔdhigümɛn ˗nu ˗gɛn ˗bha ˗dho ˈˈdhiʋ̈ ˗kɔ ˗wɔn blɛɛˈˈ. ˈGo mü ˈzü, ˗yö ˗dhioo ˗nu ˈwo ˗dho ˗an ˗takun kö ˗an ˗kɔ ˗yö ꞊mɔɔn wo ˗bha yö ˗bha, ˗an dɔ ˗an ˗ta. ˗Wo ˗yödhiʋ̈ ˗nu ˗takun kö ˗zlanwopösü ˗yö dhi ˗an ˗gɔ. Mɛn ˗dɛɛ ˗nu dɔ ˗sü ˗dhɔ ˗yö ˗an ˗kë. ˗An ˗bha ˗dho ˈˈdhiʋ̈ ˗sü ˗wɔn ˗yö ˗an ˗gɔ ˈˈgbɩɩ˗. ˗An ꞊gban ˈˈpɛpɛ ˗wo “yuö ˗kë [yi] ˗dhë.” (2 Kodhɛngtö 8:23) Kwa dua ˗mü kö ˈkwa ˗ʒiö ˗an ˗bha ˗zoyödhe waa ˗an ˗bha ˗klu ˗Zlan ˗bha ˗sü ˗nu ˗bha ˈwɔnzuan ˈˈpiʋ̈.—Eblö 13:7.

• ˗Mën ˈö ˗kë ˈö ˈˈpian do ˈˈpiʋ̈ ˗maankëmɛn ˗nu ˈwo bɔ ˗zlanwokɔdhigümɛn ˗nu ˈˈpiʋ̈?

• Ü ˗dho ꞊trɔɔn ꞊slɔɔ ˗an ˗bha womɛndhɛsü ˈgü ˗kɔ ˗kë ꞊dhɛ?