Ü ˗dho ꞊ɲɔɔn˗ ˗Zlan ˈˈsuee ˗kɔ ˗kë ꞊dhɛ?

1. ˗Zlan ˗yö ö ˈˈtʋ ˗to mɛn ꞊gban ˗bha bhɛɛwo ˗bha ˗ee?

˗Zlan ˗ya ˗dhɛ mɛn ꞊suu ˈˈpɛpɛ ˗gɔ kö ˗wo ꞊ɲɔɔn ˈö ꞊suee bhɛɛsü ˈgü. (Psaume 65:2) ˈˈKɛɛ ˈyaa ö ˈˈtʋ ˈto bhɛɛwo ˈˈpɛpɛ ˗bha ɛɛnˈˈ ˈyaa ˗an ˗daakë. ˗A ˈwɔnzuan ˈnen ˈö ˗tɔ gɔɔn˗ ˈö ö ˗bha ˗dhebɔ kun yaa, ˈyaa ꞊mɔɔn˗ ˗bha kö ˗yö ö ˈˈtʋ ˈto ˗a ˗bha bhɛɛwo ˗bha. (1 Piɛdhö 3:7) Izraɛdhö ˗mɛn ˗nu ˗de ˈpö, ˈdhɛ ˈwo wo ˗gɔ ˗gban ˈwɔn yaa kë ˗sü ˈgü, ˗Zlan ö ˈˈtʋ ˗bho ˗an ˗bha bhɛɛwo ˗bha. ˈˈKɛɛ ˈsa mɛn ˗nu ˈwo ˈwɔn yaa ˈˈgblʋ̈gblʋ̈ ˗nu ˗kë, ˈö ˈwo go wo ˗bha ˈwɔn yaa ˗nu ˈgü, ˗Zlan ö ˈˈtʋ ˗to ˗an ˗bhaa ˗bha. ˈDhɛ ˈö ˗kë ˈˈdhʋ̈ kö bhɛɛsü ˈö bhë pë ꞊bhlëësü ꞊dede ˗mü.​—Isaïe 1:15; 55:7 ˗wo pö.

˗Bhö video ˗Zlan ˗yö ö ˈˈtʋ ˗to mɛn ꞊gban ˗bha bhɛɛwo ˗bha ˗ee? ˗ga.

2. Kwa ˗dho bhɛɛˈˈ ˗kɔ ˗kë ꞊dhɛ?

Bhɛɛsü ˈö bhë kwa ˗bha ˗Zlan ˗dhɔkësü ˈˈpian ˈbhaa ˗mü. ˈDhɛ ˈö ˗kë ˈˈdhʋ̈, kwa dua ˗mü kö ˈkwa bhɛɛˈˈ kwa ˗Damɛn Zoova yö dosɛnŋ ꞊nën˗ ˗dhɛ. (Matiö 4:10; 6:9) ˈDhɛ ˈö ˗kë ꞊dhɛ ˈwɔn yaa kë ˗dhii ˗yö kwa kwi ˈgü bhë, kwa dua ˗mü kö ˈkwa bhɛɛˈˈ Yesu ˈtɔ ˈgü, ˈyö ˗tɔ ꞊dhɛ ˗yö ˗ga kwa ˗bha ˈwɔn yaa ˗wɔn ˈgü. (Zan 14:6) Zoova ˈyaa˗ ˈˈpiʋ̈ kö ˈkwa ʒiö bhɛɛwo ˈö ˈkwa˗ ꞊draan ɛɛnˈˈ ˈö ˗ya ˗sü ˈka ˈsëëdhɛ ˗ta ˗a ˈˈpiʋ̈. ˗Ya ˈˈpiʋ̈ kö kwa ˗bha bhɛɛwo ˗yö ˈgo kwa zuʋ̈ˈˈ ˈˈpiʋ̈.​—Matiö 6:7; Fidhipö 4:6, 7 ˗wo pö.

Kwa ˗Damɛn ˗yö ꞊mɔɔn˗ ˗bha ˈö bhɛɛˈˈ ˈö ˈkwa˗ wo kwa zuʋ̈ˈˈ ˈˈpiʋ̈ ˈö˗ man. (1 Samuel 1:12, 13) ˗Ya ˗dhɛ kwa ˗gɔ kö ˈkwa bhɛɛˈˈ ˗a ˗dhɛ ˈˈtʋ̈ŋ ꞊gban ˈgü. ˗Kwa bhɛɛˈˈ dhiaˈˈ ˈˈpiʋ̈, ˈˈdooka, ˗bhöpë ˗bhö ˈˈtʋ̈ŋ ˗nu waa ˈwɔn ˈˈgbɩɩ˗ ˈˈtʋ̈ŋ ˗nu ˈgü.​—Psaume 55:22; Matiö 15:36 ˗wo pö.

3. ˗Mën ˈö ˗kë ˈö Kletiɛn ˗nu ˗bhɔkwëë ˗kë?

˗A pö ˈö ˗Zlan ˗ya wo ꞊dhɛ ˈˈsɛ ˗dho ˈwaannu bhë, mɛn ˗nu ˈö ˗zoyödhe ˈyaa ˗an ˗gɔ, ˗wa ˗sü ˈwlaawɔn ˈka. ˗A mɛn ˈwo ˈˈdhʋ̈ ˗wo ꞊klünŋ ˗sü ˈka kwa ˗zü. ˗A ˗wɔn ˈgü ˗ɲɔɔn ˗Zlan ˈˈsuee ˗sü ˈyaa ˈwɔn ˈˈplëëplë ˈka. (2 Timote 3:1, 4; 2 Piɛdhö 3:3, 13) ˗A ˗wɔn ˈgü, kwa ˗bhawɔn ˗yö ꞊faanmëndhe ˈö go ˗kë kwa ꞊dhegblü ˗nu ˈˈpiʋ̈ ˗sü ˈgü bhë ˗a ˗bha, ˈö wo ˗de ˈpö, ˗an ˗bhawɔn ˈdhö kwa ˗bha.​—Eblö 10:24, 25 ˗wo pö.

˗Nënŋ mɛn ˗nu ˈö Zoova ˗dhɔ ˗yö ˗an ˗kë ˗an ˗bha ˗sü ˗dho kwa ˗takun kö ˈkwa ꞊ɲɔɔn ˗Zlan ˗bha. Zoova ˗bha ꞊Gbɛkiö ˗nu ˗bha ˗bhɔkwëë ˗yö ˈˈtʋ̈ŋ ˗së ˈbhaa ˗nu ˈka kö ˈkwa kwa ˈko ˗nu ˗bha ˗zoyödhe ˗gɛn ˗gban.​—Wlɔmö 1:11, 12 ˗wo pö.

4. Ü ˗dho ꞊ɲɔɔn˗ ˗Zlan ˈˈsuee ˗kɔ ˗kë ꞊dhɛ?

Ü ˗dho ꞊mɔɔn˗ ˗bha ˈü ꞊ɲɔɔn Zoova ˈˈsuee pë ˗nu ˈü˗ ꞊draan ˗a ˗Wo ˈgü bhë ˗zota ˗an ˈgü ˗sü ˈka. Pë ˗nu ˈü ꞊mɔɔn˗ ˗bha ˈü ˗an ꞊draan ˗a këyö ˗nu, ˗a ˗bha ˗dhioo ˗nu waa pë ˗nu ˈö ˗an ˈˈplüün bho ˗an ˈgü bhë, ˗bhö ü ˗zota ˗an ˈgü. Bhɛɛsü waa ˗zo ˗ta pë ˗nu ˈo ˈkwa ˗an ꞊draan ˗an ˈgü ˗sü kwa ˗takun kö ˈkwa ˗Zlan ˗bha ˗dhɔ waa ˗a ˗bha ˈwɔndɔdhe ˗nu ꞊bhlëë dɔ.​—Josué 1:8; Psaume 1:1-3 ˗wo pö.

Ü ꞊mɔɔn˗ ˗bha ˈü ꞊ɲɔɔn ˗Zlan ˗bha ˈdhaŋ˗ ˗bho ˗a ˈˈdhiʋ̈sü waa ˗zo ˗yö ˗a ˗dhɛ ˗sü ˈka. ˗Zoyödhe kë ˗sü ˈka ꞊dhɛ ˈˈdhünën ˈwo˗ ta ˈö˗ ˗bhawɔn ˈdhö ˈˈyi ˗bha ˈˈtʋ̈ŋ ꞊gban ˈgü ˗a ˈdhö. Ü dua ˗mü kö ˈü ˈˈyi ˗lo ˗a ˗ta ˗zo ˗ta ü ˗bha ˗zoyödhe ˗gɛn ˗nu ˈgü ˗sü ˈka.​—Matiö 4:4; Eblö 11:1, 6 ˗wo pö.

5. ˗Mën ˈü ˗dho ˗a ꞊slɔɔ˗ ꞊ɲɔɔn ˗Zlan ˗bha ˗sü ˈgü?

Zoova ˗yö ö ˗zo ˗kë mɛn ˗nu ˈö ˗a ˗dhɔ ˗yö ˗an ˗kë ˗an ˈˈpiʋ̈. Yö ꞊mɔɔn˗ ˗bha ˈö ö ˗kɔ kpa ü ˗ta kö pë ˈbhaa ya ˈdho ü ˗bha ˗zoyödhe shiʋ̈ˈˈ, kö ü ˗bha ˗zo ˗yö ˗tosɛta ˈö ˈyaa ɲën ˗a ˗dhɛ ˗sü ˈö bhë ˗yö ˈto ü ˗gɔ. (Psaume 91:1, 2, 7-10) ˗Tosɛta kë ˗kɔ ˈö ˗dho kwa ˗bha ˗zoyödhe waa kwa ˗bha zuʋ̈gblüdhi ˈkun kwa ˗gɔ bhë, ˗yö kwa ˗zo ˗kpɔɔ ˗a ˈka. Zoova ˗yö ˗tosɛta kë ˗kɔ ˗së ꞊dede ˗zɔn kwa ˗dhɛ.​—Psaume 73:27, 28; Zakö 4:4, 8 ˗wo pö.