Saanˈˈ ˗dho ɲën ˗ee?

BIBLÖ ˗YA ˗PÖ:

“Atanna [˗Zlan] [...] ˗dho ö ˗kɔ ziö˗ ˗nu ˈˈyan ˈˈdhiʋ̈ ˈö ˗nu ˈˈyanyi ꞊gban bho mü ˈˈpɛɛpɛdhö. Ga ˈyii ˈdho bhɔ ˈzü ˈˈɛɛn ˗wëë ˗ya wo ˗sü ˈbha ˈyii ˈdho kë ˈzü; ˗wëëwʋ ˈkpɔ ˗sü waa˗ pë ma mɛ ˈka ˗sü ꞊gban yën.”—˗Dhɛkpaɔ dhiaˈˈ ˈsëëdhɛ 21:3, 4, Naɔ ˗së ˈsëëdhɛ.

˗A ꞊TRƆƆN ˈTƆ ˗MËN KA ˗BHA ˈKA?

Ka zuʋ̈ˈˈ ˗dho kë ˗saa ꞊dhɛ ˗Zlan ˈyaa ˈwɔnyaa kë kwa ˈka.—Zakö 1:13.

Ka ˗zo ˗dho ꞊gban ꞊dhɛ kwa bɔ ˗ni ˈwɔn ˈˈgbɩɩ˗ ˈgü, ˗yö ˗mën ˗Zlan ˈka.—Zekaria 2:8.

˗Zoyödhe ˈö ˗kë ꞊dhɛ saanˈˈ ˈˈpɛpɛ ˗dho ɲën bhë, ˗yö ˗dho kë˗ ka ˗gɔ.—Psaume 37:9-11.

PË ˈÖ BIBLÖ ˗YA PÖ, KWA ꞊MƆƆN˗ ˗BHA ˈKWA KWA ˗ZO YÖ ˗A ˗DHƐ ˗EE?

꞊Ii, kwa ꞊mɔɔn˗ ˗bha. ˗A ˗gɛn ˗yö ꞊va, ˈˈkɛɛ ˗a ˗gɛn ꞊plɛ ˗wɔn ˈgü.

• Saanˈˈ waa ˈwɔn ˈö ˈyaa kpɛngdhö ˗an ˗san ˗yö ˗Zlan ˗kë. ˗Dhɛ ˈö ˈwo˗ ˗bha ˈˈsɛgümɛn ˗nu ˗wëëdhɛ bho, ˗kɔ ˈö mën Zoova ˗Zlan ˈka ˗a ˗bha, ka ꞊dede ˗kaa ˗ga. Biblö ˗ya ˗pö ꞊dhɛ ˗a zuʋ̈ˈˈ ˈˈklʋʋ ˗yö ˗bhɔ “mɛn ˗nu ˈö ˈwo ˗kë ˗an ˈˈnënŋ˗ ˗kë wo ˗ni ˗an ˗wɔn ˈgü.”—Juges 2:18, Traduction du monde nouveau.

  Mɛn ˗nu ˈö ˈwo mɛn ˈˈwɛɛ ˗nu ˗wëë ˗kë wo bhë, ˗an ˗san ˗yö ˗Zlan ˗kë ꞊dedewo. ˗A ˈwɔn ˗zɔn ˈka ˈtɔ ꞊dhɛ, Biblö ˗ya ˗pö: “˗Kɔ ˗nu ˈö ˈwo mɛn ˗nu ˈö wo ˈti ˈwɔn ˈbha kë, ˈö ˗an ꞊ɲɔɔn ꞊wɛnŋ bhë,” ˗an ˗san ˗yö ˗Zlan kë.—Proverbes 6:16, 17.

• ˗Zlan ˗zo ˗yö mɛn ˈö ˈdhö ˗a ˈˈpiʋ̈. ˗Zlan ˗ya ˈˈpiʋ kö ˈkwa kwa ˗ta bho kwa ˗bha ˗zogɔndhe ˗nu ˗kwɛɛ ˈka ˗a ˗ta, ˗a ˗gɛn ˗mü ꞊dhɛ ˗a ˈˈtʋ̈ŋ ˗yö kwa ˈgü.—1 Piɛdhö 5:7.

  ˗A ˗bha ˗Gblüdëdhɛ ˈsaa˗ ˈgü, ˗a yi ˈyaa ꞊gblɛnŋ kö Zoova ˗yö mɛn ˈö ˈdhö ˗ya bho saanˈˈ ˈgü. (Matiö 6:9, 10) ˈˈKɛɛ ˈˈtʋ̈ŋ ˈö yö ˗a ˈgü, mɛn ˗nu ˈö ˈwo˗ ˗mɛɛn zuʋ̈ga ˈˈpuu ˈka, ˗yö ˗an ˗zo ˗gban.—Këwɔn ˗nu 17:27; 2 Kodhɛngtö 1:3, 4.