Adan waa Ɛvö ˈwi ˈwɔnman Zoova ˗ta

˗Dhɛkpaɔyi do ˈka kö Ɛvö ˗yö ö do ˈka, ꞊mlɛɛn do ˗yö ˈwɔn ˗blɛɛ ˗a ˗dhɛ, ˈö˗ pö: ‹˗Zlan ˗ya ˗pö ꞊dedewo ꞊dhɛ ˈˈdhü ˈˈpɛpɛ ˈwo ˈˈdhüdhɛɛdhɛ yö˗ ˈgü bhë ˈkaa dho˗ bhɛ ˗bhö ˗ee?› Ɛvö ˗ya ˗yɔ ˗bɔ ˗a ˗gɔ ˈö˗ pö: «ˈˈDhü ˗nu ˈwo ˈˈdhüdhɛɛdhɛ yö˗ ˈgü, yi ꞊mɔɔn˗ ˗bha ˈyi ˗an bhɛ ˗bhö. ˈˈKɛɛ ˈˈdhü ˈö dɔ ˈˈdhee ꞊zinŋgü bhë, ˗Zlan ˗ya pö ꞊dhɛ: ‹Ka dua ˈyaa ˗mü kö ˈka˗ bhɛ ˗bhö, ˈyaa ˈˈdhʋ̈ ka ˗dho ga.›» ˈYö ꞊mlɛɛn ˗ya pö: ‹Ka ˈti ˗dho ga toŋtoŋdhö, ˗Zlan ˗ya ˈwɔn ˗dɔ ꞊dhɛ yi ꞊dede ˈka ˗dho ˗a ˗bhö ˗a ˈka, ka dho kë ꞊dhɛ ˗a ˈdhö.› Gagade ˈnën ꞊mlɛɛn ˗ya ꞊blɛɛ ˗ee? ˗Abin, ꞊sua ˗dede ˈnën˗ ˗kë, ˈˈkɛɛ Ɛvö ˗yö ˈdhaŋ ˗bho ˗a ˈˈdhiʋ̈ ˈyö ˈˈdhü bhɛ ˗nu bhë ˗an ˗ga ˈö˗ ˗bhö ˗dhɔ ˗yö ˗da ˗a ˈgü ꞊dedewo ˈö˗ ˗bhö, ˈö˗ ˈbha nu Adan ˗dhɛ. Adan ˗ya ˈwɔn ˗dɔ ꞊dhɛ yö ˈti ˈwɔnman ˗Zlan ˗ta ˗yö dho ga. ˈˈKɛɛ ˗yö ˈˈdhü bhɛ ˈö bhë ˗a ˗bhö.

Yi ꞊dede ˈö bhë ˗a ˈka Zoova ˗yö ˈwɔn ˗blɛɛ Adan waa Ɛvö ˗an ˗dhɛ, ˈö˗ pö ‹ˈMën ˗kë wo ˈti ˈwɔnman ö ˗ta?› ˈYö Ɛvö ˗ya pö ꞊mlɛɛn ˈnën˗ ˗kë, ˈyö Adan ˗ya pö Ɛvö ˗mü. ˈˈKɛɛ ˈdhɛ ˈö ˗kë ꞊dhɛ wo ˈti ˈwɔn ˈman ˗Zlan ˗ta bhë, Zoova ˗yö ˗an ˗kë ˈwo go ˈˈdhüdhɛɛdhɛ bhë ˗a ˈgü. Zoova ˗yö ˈˈkië ˗nu ˈö ˗blaan ˗dhaa ˈˈbhü bhɔ ˗sü ˈö kun ˗an ꞊kwɛɛ˗, ˈwo˗ ˗vunŋ ʒiö ˗ni ˈgü ˗a ˗nu ˗ya ˗dhɛ ˈö bhë ˗a ˈˈdhiʋ̈, ˈkë ˈˈdhʋ̈ kö Adan waa Ɛvö ˈwaa ˈdho wo ꞊yɛɛkë mü ˈzü.

Zoova ˗ya ˗pö ꞊dhɛ ö dho ˈwɔn bho mɛn ˈö ꞊sua ˗kë Ɛvö ˗dhɛ bhë ˗a ˈgü. ˈˈKɛɛ ꞊mlɛɛn ˈyaa ˈnën ˈö dhiaŋzë Ɛvö ˗dhɛ. Zoova yö ˈti ꞊mlɛɛn ˗nu ˗da kö ˈwo ˈwɔn blɛɛˈˈ. ˈˈKië zuʋ̈ˈˈ yaa do ˈnën˗ ˗kë ˈö ꞊mlɛɛn ˗yö ˈwɔn ꞊blɛɛ. ˗Yö ˗kun ˗a ˈˈpiʋ̈ kö ˈö ˈˈkpënŋ˗ kë Ɛvö ˗gɔ. ˗A ˈˈkië ˈö ˈˈdhʋ̈, ˗wa ˗dhɛ Sɔtraan Dügɔmɛn. ˗Dhɛkpaɔ dhiʋ̈ˈˈ ˈgü, Zoova ˗dho Sɔtraan ˈgü shiʋ̈ˈˈ kö ˈyaa ˈdho ˈˈkpënŋ˗ kë ˈzü mɛnbhɩɩdhe ˗nu ˗gɔ ˈö ˗an ˗blü ˈwɔn yaa kë ˗sü ˗bha.