ˈWɔn ˈsuanbhomɛn ˗nu 12

Izraɛdhömɛn ˗nu ˗wo ˗go Sinai ˗tɔn ˗ta ˈwo ʒiö Paran ˈˈyɛɛta, ˈwo ˗lo Kadɛshö. ˈYö Zoova ˗ya pö Moizö ˗dhɛ: ‹˗Bhö gɔɔn˗ do do ˈwo go ˈˈkwɛngɔ 12 ˈgü bhë ˗an bɔ Kanaan ˗sɛ ˈa dho˗ nu Izraɛdhömɛn ˗nu ˗dhɛ bhë˗ ˈgü, kö ˗wa ˗dhɛ ˈsuan˗ bho.› Moizö ˗yö ö ˗kɔ ˗yɛ ˗an ˗bha ˈö˗ pö: ‹˗Ka ˈdho Kanaan ˗sɛ ˈgü, kö ˗ya kë ꞊dhɛ tapë ˗nu ˈwo ˗dhi mü, ꞊faan ˗yö ˗an ˗gɔ ɛɛnˈˈ ˈyaa ˗an ˗gɔ, ˗wo ˗wɔ sɔ ˈkɔ ˗lö ɛɛnˈˈ ˈˈkwipö ˈkpii˗ ˈgü, ˈka˗ ˈwɔn dɔ.› ˈYö mɛn 12 ˗nu ˈö Ʒozue waa Kalɛbö ˈwo kun ˗an kpö ˈgü bhë, ˈwo dho Kanaan ˗sɛ ˈgü.

ˈDhɛ ˗dhɛkpɔayi 40 ˗yö ˗ʒiö, ˈwo wo yɛɛkë figö, glenadö waa ꞊drɔɔnga ˗an ˈka ˈwo˗ pö: ‹ˈˈSɛ bhë ˗yö ˗së, ˈˈkɛɛ mɛn ˗nu ˈwo mü ˗wo ˈˈgbɩɩ˗ ˈö ˗an ˗bha ˈˈkwipö ˈˈkplʋʋ ˗nu ˈwo ˈˈgblʋ̈gblʋ̈.› ˈYö Kalɛbö ˗ya pö: ‹Kwa ˗kɔ ˗dho ꞊mɔɔn ˗an ˗bha. ˗Kwa ˈdho ˗an ˗gɔ ˈˈvaandhö!› ˈPë ˗kë ˈö˗ ˈˈdhʋ̈ ü˗ ˗dɔ ˗ee? ˗A ˗gɛn ˗mü ꞊dhɛ waa Ʒozue ˗wo ˗kun wo ˗zoyö ˗ni ˈgü Zoova ˗dhɛ. ˈYö ˗a mɛn ˗kɔŋ do ˈwo to ˈwo˗ pö: ‹Abin! ˈˈSɛ bhë ˗a ˈgümɛn ˗nu ˗wo ꞊faansü ˈwo ꞊gblɛnŋgblɛnŋ. ˈKwa kë ˗an ˈˈsuee, kwa kë ꞊dhɛ ˗kpaanën ˗nu ˈdhö.›

Izraɛdhömɛn ˗nu ˈgü ˗yö ga ꞊dedewo. ˗A ˗wɔn ˈgü, ˈwo˗ ˗ya ˗dɔn ˗bho ˗sü ˗bha wo ɲundhö ˈwo˗ pö: ‹˗Kwa ˈˈdhiʋ̈sümɛn ˗dɛɛ mɛɛnˈˈ kö ˗yö yɛɛkë kwa ˈka Ezitö. ˈMën ˗kë ˈkwa dho ˈdho ˗dhɛ ˈö bhë ˗a ˈgü kö ˗wo kwa zë?› ˈÖ Ʒozue waa Kalɛbö ˈwo˗ pö: ‹ˈKwaa ˈdho ˗gban Zoova ˗gɔ. ˈˈSuʋ̈ ˈyaa dho kwa kë ˈyö ˗tɔ ꞊dhɛ ˗yö ˗dho kwa ˗takpa. ˈˈKɛɛ Izraɛdhömɛn ˗nu ˈwaa kun ˗a ˈˈpiʋ̈ kö ˗wo wo ˈˈtʋ ˈto ˗an ˗wo ˗bha, ˗a ˗de ʒiaan ˗wo kun ˗a ˈˈpiʋ̈ kö ˈwo Ʒozue waa Kalɛbö ˗an zë.

ˈMën Zoova ˗ya ˗kë? ˗Ya pö Moizö ˗dhɛ: ‹Pë ˈˈpɛpɛ ˈa˗ ˗kë Izraɛdhömɛn ˗nu ˗dhɛ bhë, ˈwaa ˈwɔn man ˗ni ˈgü n ˗ta ˗kplawo. ˗A ˗wɔn ˈgü, ˗wo dho to ˈˈyɛɛta ˗dhɛ ˈö yö ˗a ˈgü ˗kwɛ 40 ˈˈpiʋ̈ ˈwo ga. Ʒozue waa Kalɛbö ˗an suugünën ˗nu dosɛnŋ ˈnën ˈwo dho ˈto ˈˈsɛ ˈa ˈˈplüünŋ bho ˗an ˗dhɛ bhë, ˗a ˈgü.›