Davi waa Godhiatö

Zoova ˗ya ˗pö Samiɛ ˗dhɛ: ‹˗Bhö ˈdho Ʒese ˗gɔ ˈkɔɔ. A dho ˗a gbö do ˗kë Izraɛdhö ˗gblüdë ˗dɛɛ ˈka.› ˈYö Samiɛ ˗yö dho Ʒese ˗gɔ ˈkɔɔ. ˈDhɛ ˗kpan ˗a gbö ˈkpiisü ˗bha, ˈyö˗ pö ö ˗de ꞊dhɛ: ‹ˈNëngɔɔnën ˈö dho kë ˗gblüdë ˈka ˈyö ꞊nɛn.› ˈYö Zoova ˗ya pö ˗a ˗dhɛ ˈmɛn ˈö ˈa n ˗kɔ ˗yɛ ˗a ˗bha ˈyaa mü. ˈÖ Zoova ˗ya pö: ‹Pë ꞊dede ˈö˗ ˗mɛn zuʋ̈ˈˈ ˈgü ˈnën˗ ˈa˗ ˗ga, ˈmaan ˗a kwibhadhɛ dosɛnŋ ˗ga.›

Ʒese ˗yö ˗nu ˈzü ö gbö ˈˈsɔɔdo ˗nu ˈˈwɛɛ ˈbha ˈka Samiɛ ˗dhɛ. ˈˈKɛɛ ˈyö Samiɛ ˗ya pö: ‹Zoova yö ˈti ö ˗kɔ ˈˈyɛ mɛn ˈwo bhë ˗a mɛn ˈˈwɛɛ ˈbha ˗bha, ˈnëngɔɔn˗ ˈbha ˗nu ˈwaa ü ˗gɔ ˈzü ˗ee?› ˈYö Ʒese ˗ya pö: ‹N gbö ˈtɩɩsü do ˗yö ˗dhö, ˗wa ˗dhɛ Davi. ˗Ya ˈdho ö ˗zokë n man ˈˈbhlaa ˗nu ˈˈpiʋ̈.› ˈDhɛ Davi ˗yö nu, ˈö Zoova ˗ya pö Samiɛ ˗dhɛ: ‹ˈMɛn ˈa n ˗kɔ ˗yɛ ˗a ˗bha, ˈyö bhë.› ˈYö Samiɛ ˗yö ˈˈɲɔɔn ˗lo Davi ꞊troo kö ˈö kë Izraɛdhömɛn ˗nu ˗bha ˗gblüdë ˗dɛɛ ˈka.

꞊Taabha, ˗gblü ˗yö ˗da Izraɛdhömɛn ˗nu waa Fidhitɛn ˗nu ꞊zinŋgü. Fidhitɛn ˗nu ˗bha ˗gblügɔnmɛn ˈˈgbɩɩ˗ do ˗kun ˗dhö, ˗yö ˗kun ꞊gblɛɛn ꞊dedewo, ˈwo kun ˗a ˗dhɛ ˗ni ˈgü Godhiatö. Yi ꞊gban ˈka ˗yö ˗kun ꞊wɛɛ dɔ ˗ni ˈgü Izraɛdhömɛn ˗nu ˗bha kö ˗ya pö ˗ni ˈgü: ‹˗Ka ka ˗kɔ ˈˈyɛ mɛn do ˗bha kö ˗yö nu ˈyi ˈkozë. ˗A ˗kɔ ˗ya ʒiö n ˗gɔ, yi dho kë ˈka ˗bha ꞊dhuëŋ ˗nu ˈka. ˈˈKɛɛ kö n ˗kɔ ˗ya ʒiö ˗a ˗gɔ, ka ˈnën ˈka dho kë yi ˗bha ꞊dhuëŋ ˗nu ˈka.›

Davi ˗yö ˗dho ˗bhöpë ˈka ö ꞊dhegblü ˗nu ˈwo kun ˈˈsɔdha ˈka Izraɛdhö ˗bha ꞊kanŋ ˈgü ˗an ˗dhɛ. ˈDhɛ ˈö Godhiatö ˗wo man, ˈö˗ pö: ‹˗A dho ˈkozë ˗a ˈka!› ˈYö ˗gblüdë Saidhö ˗ya pö ˗a ˗dhɛ: ‹Ü ꞊tun wlüünën ˈka.› ˈYö Davi ˗ya pö: ‹Zoova ˗dho n ˗takun.›

Saidhö ˗kun ˗a ˈˈpiʋ̈ kö ˈö ö bha ˗gblügɔn ˗a ˈka ꞊kwɛɛ˗ ˗nu da Davi ˗bha. ˈYö Davi ˗ya pö: ‹N ˗kɔ ˈti dho ꞊mɔɔn˗ ˗bha kö ˈa ˈkozë ˗gblügɔn ˗a ˈka sɔ ˈö bhë ˗a ˈka.› Davi ˗yö ö ˗bha ˈˈgbɔɔ˗ ˗sü ˈö dho yi ʒiödhɛ do ˈˈpian ˗ta, ˈyö ˗gwë kpö ˈˈglɔɔglɔ ˈˈsoodhu sü ˈö˗ ˗da ö ˗bha ˈˈkpɔɔ ˈgü. ˈYö ˗bialö ˈö dho Godhiatö ˗gɔ. ˈˈKplëëmi bhë ˗yö ˗gbla ˈö˗ pö: ‹ˈNëngɔɔnnën ˗bhö ꞊ɲɔɔn n ˗bha yö, a dho ü ˗wü nu ˗maannën ˗nu waa ˈˈblü wü ˗nu ˗dhɛ ˗bhöpë ˈka. ˈˈKɛɛ ˈˈsuʋ̈ ˈyaa kun Davi ˈgü. ˈYö˗ pö ˗a ˗dhɛ: ‹˗Blaandhaa waa ˈdüga ˈnën ˈü nu ˗a ˈka n ˗gɔ, ˈˈkɛɛ man ˗zë, Zoova ˈtɔ ˈnën˗ ˈa ˗nu ˗a ˈka. ˈKo bhë ü ˈti zë yi ˈka, ˗Zlan ˈnën ˈü ˈkozë ˗ni ˈgü ˗a ˈka bhë. Mɛn ꞊gban ˈˈpɛpɛ ˈwo yö, ˗wo ˗dho ˗a ˈwɔn dɔ ꞊dhɛ ˗blaandhaa waa ˈdüga ˈwaa ˗mɔn Zoova ˗bha ˈˈpiigbɩɩdhɛ ˗bha. ˗Yö ˗dho ˗gblü dhi yi ˗gɔ.›

Davi ˗yö ˗gwë ga do ˗da ö ˗bha ˈˈgbɔɔ˗ ˈgü ˈö˗ ˗zuö ꞊faan ˈka. Zoova ˈsaa˗ ˈgü ˗gwë bhë ˗yö ˗dho ˈö yö Godhiatö ˗kpoŋ ˈgü ˈö ˗da ˗a ˗gɔ ˈgü. ˈYö ˈˈkplëëmi bhë ˈö ˗pö ˈˈshia˗ ˈö ga. ˈYö Fidhitɛn ˗nu ˗wo ꞊duëë. Ü ü ˗zoyö Zoova ˗dhɛ ꞊dhɛ Davi ˈdhö ˈpö ˗ee?