Zoova ˗dhɔkëgükɔ do

ˈDhɛ Sadhomɔn ˗yö ˗kë ˗gblüdë ˈka, Zoova ˗ya dhɛɛˈˈ ˗kpɔ ˈö˗ pö: ‹ˈMën ˈü˗ ˈˈpiʋ̈ kö ˈa˗ nu ü ˗dhɛ?› ˈÖ Sadhomɔn ˗ya pö: ‹A ꞊tun wlüünën ˈka, ˈwɔn ˗nu ˈa ˗da ˗an ˗ʒiaan ˗ta ˈmaan˗ ˗bho ˈˈkoo dɔ. Dɔ ˈˈgbɩɩ˗ kö ˈü ꞊kpɔɔdhɛ nu n ˗dhɛ, kö ˈa ˈˈdhiʋ̈sü ü ˗bha ˈˈsɛgümɛn ˗nu ˈka.› ˈYö Zoova ˗ya pö: ‹ˈDhɛ ˈö ˗kë ꞊dhɛ ꞊kpɔɔdhɛ ˈnën ˈü˗ ˗dhɛ n ˗gɔ bhë, a ˗dhö ü gba ꞊kpɔɔdhɛ ˈö suu ˈyaa mɛn ˈbhaa ˗gɔ ˈˈsɛ ˗ta ˗a ˈka. ˈGo ˗mu a ˗dho ü ˗kë ꞊nɔɔnmɛn ˈkpii˗ ˈka. ˈBha ˈwɔn man n ˗ta, ü ˗dho ꞊gwëë ˈˈsɛ ˈta.›

Sadhomɔn ˗yö ˗ya ˗Zlan ˗dhɔkëgükɔ dɔ ˗sü ˗bha ˈˈsënŋ, ˈwëëga, ˈˈdhü, waa ˗gwö ꞊bhlëëbhlësü ˗nu ˈka. Mɛn ˈˈgblü ꞊va ꞊dede ˈwo dɔ yökë ˗dhɛ ˈka, ˈnën ˈwo ˈkɔ bhë ˗a dɔ. ˈKɔ bhë ˗a dɔ ˗sü ˗yö ˗ɲën ˗kwɛ ˈˈsɔɔplɛ ˈˈpiʋ̈, ˈyö˗ ˈˈklɔnŋbho Zoova ˗bha ˗sü ˈˈtʋ̈ŋ ˗yö ˗wo. ˈˈSaabhotapë do ˗kun mü ˈö ˈˈsaapë ˗nu ˈwo kun ˗a ˗ta. ˈYö Sadhomɔn ˗yö yö ö kpɔn ˈgü ˈˈsaabhotapë ˈˈdhiʋ̈, ˈö ꞊bhɛɛ ˈö˗ pö: ‹ˈAa Zoova, ü ˗dhɔkëgükɔ ˈö yö ˈyaa ˈkpii˗ ɛɛnˈˈ ˗sëdhɛ ˈyaa ˗bha ü ˈˈɲan ˈˈdhiʋ̈. ˈˈKɛɛ dɔ ˈˈgbɩɩ˗ ˈü ˈˈwɩ ü ˗dhɔkësü waa yi ˗bha bhɛɛwo ˗nu ˗bha.› Zoova ˗yö ö ˗dhɔkëgükɔ waa bhɛɛwo ˈö bhë ˗an ˗yö ˗kɔ ˗kë ꞊dhɛ? ˈDhɛ ˈö Sadhomɔn ˗bha bhɛɛwo ˗yö ɲën, ˈyö ˈˈwo ˗yö go dhaŋ˗ ˈgü ˈö ˈˈsaapë ˗nu ꞊gban ˗gʋ̈. ˗A kë ˈˈdhʋ̈ ˗sü ˗ya ˗zɔn ꞊dhɛ ˈkɔ ˈö˗ dɔ bhë, ˗yö ˗kë Zoova ˗dhɛ ˗së. ˈDhɛ ˈö Izraɛdhömɛn ˗nu ˗wa yö ˈˈdhʋ̈, ˗an zuʋ̈gblü ˗yö ˗dhi.

˗Wo ˗gblüdë Sadhomɔn ˗dɔ ˗a ˗bha ꞊kpɔɔdhɛ ˗bha Izraɛdhö ˗sɛ waa ˈˈsɛ ˗nu ˈwo˗ ˗züzü ˗an ꞊gban ˈgü. ˗Wo ˗kun nu ˗ni ˈgü Sadhomɔn ˈˈpiʋ̈ kö ˗yö ˗an ˗bha ˈwɔn ˈˈgbɩɩ˗ ˗nu ˈˈɲan bhɔ. ˗A ˗de ˗ʒiaan ˗gblüdhe ˈö go Saba ˗yö ˗nu ˈö dhɛɛˈˈ ˈˈgbɩɩ˗ ˗nu kpɔ ˗a ˗gɔ. ˈDhɛ ˈö˗ ˗bha dhɛɛˈˈ ˗yɔ ˗nu ˈman, ˈyö ˗gblüdhe ˈö bhë ˗ya pö: ‹Pë ˈˈpɛpɛ ˈwo˗ pö n ˗dhɛ ˈö ˗gban ü ˗bha bhë, ˈmaan kun ˈdhaŋ bho ˗ni ˈgü ˗an ˈˈdhiʋ̈. Mɛn ˈö dhö ˗kë ꞊kpɔɔsü ˈö ˗ʒiö ˗a ˈka ü ta ˈyaa ˈdhö. Zoova ü ˗bha ˗Zlan ˗ya ˈdhuëë˗ ˈkpɔ ü ˗bha.› ˗Tosɛta ˗kun ˗së Izraɛdhömɛn ˗nu ˗bha ˈka, ˈwo ˗kun zuʋ̈niidhadhe ˈgü. ˈˈKɛɛ ˈwɔn ˗nu dho ˗go ˈˈgblʋʋ.