ˈˈSɔdha ˈgügbɩɩsü waa ˈnëndhe ˈˈtɩtɩ do

Izraɛdhö ˈnën dhebɔ ˈˈtɩtɩ do ˈö kun Siidhi ˗sɛ ˈgü, ˗yö ˗kun ö ˗bha ˈˈsɛ ˈka ꞊gblɛɛn. Siidhi ˈˈsɔdha ˗nu ˈnën ˈwo˗ bho ˗a ˗bha ˈkɔdhigümɛn ˗nu ˗bha, ˈyö ˈwo˗ ˗kë ꞊dhuëŋ ˈka ˈˈsɔdha ˗gɔmɛn do ˈwo˗ ˗dhɛ Naamanö ˗a ˗gɔ ˈkɔɔ. ˈKö ˗kë ꞊dhɛ mɛn ˗nu ˈwo kun ˗a ˗züzü ˈwaa kun Zoova ˗dhɔkëmɛn ˗nu ˈka, yö ˗zë ˗yö ˗to ˗klu ˗sü ˈka Zoova ˗dhɔkësü ˗bha.

Mɛn kwi ˗bha ˗yua ˈö ˗kë ꞊weeyua ˈka bhë, ˗yö ˗kun Naamanö ꞊sëëbho ˗ni ˈgü ꞊dedewo ˈˈtʋ̈ŋ ꞊gban ˈgü. Naamanö ˗takun ˗dhɔ ˗kun ˈnëndhiëŋnën bhë ˗a ˗bha. ˗Ya ˗pö Naamanö ˗bha dhebɔ ˗dhɛ: ‹Mɛn ˈbha ˈö ꞊mɔɔn˗ ˗bha ˈö ü ꞊gɔn ˈˈdhɛkë a˗ ˗dɔ. ˗Wa ˗dhɛ Edhize. Zoova ˗wodhiʋ̈lomɛn do mü, ˗yö Izraɛdhö ˗sɛ ˈgü.›

ˈWɔn ˈö ˈnëndhiëŋnën ˗ya ꞊blɛɛ ˗a ˗dhɛ bhë, Naamanö ˗bha dhebɔ ˗ya ˗pö ö ꞊gɔn ˗dhɛ. ˈDhɛ ˗kë ꞊dhɛ Naamanö ˗kun ˗a ˈˈpiʋ̈ ˈö dha bhë, ˗yö ˗dhö Edhize ˗gɔ ˈkɔɔ Izraɛdhö ˗sɛ ˈgü. Naamanö ˗ya ˗ga be ꞊dhɛ Edhize ˗dho ö ˗kɔ ˗ya ˗a ˗gɔ ꞊dhɛ mɛn ꞊bhlëësü ˈdhö. ˈˈKɛɛ Edhize yö ꞊dede yö ˈti ˈdho ˗a ˗gɔ ʒiaan˗. ˗Yö ö ˗bha yökëmɛn ꞊nën˗ bɔ kö ˗ya pö ˗a ˗dhɛ: ‹˗Bhö ˈdho kö ˈü ü ˈˈzu Zuudɛn ga ꞊bhaa kö ü ˗bha ˈˈyua ˗yö bo.›

ˈWɔn ˗yö ˗shiö Naamanö ˗dhɛ ꞊dedewo, ˈyö˗ pö: ‹N ˗bha ˈka ˗be ˗Zlan ˗wodhiʋ̈lomɛn ˈö bhë ˗yö ˗dho bhɛɛˈˈ ö ˗bha ˗Zlan ˗dhɛ ˈö ö ˗kɔ pa n ˈka kö ˈa dha. ˈˈKɛɛ ˗ya ˗pö n ˗dhɛ ꞊ʒian ˈa ˈdho n ˈˈzu ˈˈyiga ꞊bhaa Izraɛdhö yö. ˈˈYiga ˗tiaandhö ꞊va ˗wo Siidhi ˗sɛ ˈgü. ˈMën ˗kë ˈmaan ˈdho ˗a do ꞊bhaa kö ˗a n ˈˈzu mü ˈsa? ˈDhɛ ˗kë ˈˈdhʋ̈, ˈwɔn ˗yö ˗shiö Naamanö ˗dhɛ ˈö ˗ʒiö ˈö go Edhize ˗gɔ ˈkɔɔ.

ˈDhɛ ˗kë ˈˈdhʋ̈, ˈyö Naamanö ˗bha yökëmɛn ˗nu ˗wa ˗takun kö ˗yö ö ˗bha ˈwɔn yö ˗kɔ ˗nu bho ˈˈgblʋʋ. ˗Wa ˗pö ˗a ˗dhɛ: ‹ˈBhaa˗ ˈˈpiʋ̈ ˈü pë ꞊gban kë kö ˈü dha ˗ee? ˈPë ˈö ˗Zlan ˗wodhiʋ̈lomɛn ˗ya pö ˈü˗ kë bhë ˈyaa ˈˈgbɩɩ˗. ˈMën ˗kë ˈbhaa˗ kë ˗sü ˈgüdan kö ˈü˗ ˗ga? Naamanö ˗yö ö ˈˈtʋ ˗to ˗an ˗wo ˗bha, ˈö dho ˈö ö ˗zu Zuudɛn ga ꞊bhaa ˗gɛnɲan ˈka ˈˈsɔɔplɛ. ˗A ˈˈsɔɔplɛ ˗naan ˈka, ˈdhɛ Naamanö ˗yö go ˈˈyi ꞊löö kö ˗bha ˈˈyua ˗ya bo ˈˈpapadhö. ˗A zuʋ̈ˈˈ ˗nii ˗yö ˗da ꞊dedewo ˈö ö ˗yɛɛkë ˈö dho Edhize ˈˈnuɛ bho, ˈyö˗ pö˗ ˗dhɛ: ‹ˈMan˗ ˈwɔn dɔ ꞊dɛɛ ꞊dhɛ ˗Zlan ꞊dede ˈnën˗ ˗tɔ Zoova.› Ü ˗bha ˈka, ˈdhɛ Naamanö ˗yö nu kö˗ ˗bha ˈˈyua ˗ya bo bhë, Izraɛdhö ˈnëndhiëŋnën bhë ˗yö kë ö ˗de ˈgü ˗kɔ ˗kë ꞊dhɛ?