˗Zlan ˗bha ˈtɔŋ˗ ˗dhɔ ˗yö Ʒoziasö ˗kë

Ʒoziasö ˗yö ˗kë Zuda ˗gblüdë ˈka kö ˗a ˗kwɛ ˗yö ˈˈsaaga. ˗A ˈˈtʋ̈ŋ ˈö ˈˈdhʋ̈ ˗a ˈka, kö ˈˈsɛgümɛn ˗nu ˗kɔ ˗yö dükësü waa ꞊geebɔ ˗nu ˗gbasü ˈgü. ˈDhɛ ˈö˗ ˗kwɛ ˗yö ˗kë 16, ˈyö ˗ya Zoova ˗dhɔkë ˗kɔ ˗së draanˈˈ ˗sü ˗bha. ˈDhɛ ˈö˗ ˗kwɛ ˗yö yö 20 ˗bha, ˗yö ˗ya ꞊geebhɔ ˗nu waa ꞊sua ˗zlan ˗dhɔkëdhɛ ˗nu ꞊gban ˈgüshiʋ̈ ˗sü ˗bha. ꞊Taabha ˈdhɛ ˈö˗ ˗kwɛ ˗yö ˗kë 26, ˗yö ˗ya ˗Zlan ˗dhɔkëgükɔ baaˈˈ ˗sü ˗bha.

ˈˈSaabhomɛn ˈkpii˗ Iikia ˗yö ˗kpan ˈtɔŋ˗ ˈsëëdhɛ ˗bha ˗Zlan ˗dhɔkëgükɔ ˈgü. ˗A ˈbha ˗ya kë kö ˗a ˗dhɛ ˈö Moizö ˗ya ˗bɛnzë yö ˗mü. ˗Gblüdë Ʒoziasö ˗bha ˈsëëdhɛ ˗bɛnzëmɛn Shafanö ˗yö ˗nu ˈtɔŋ˗ ˈsëëdhɛ bhë ˗a ˈka˗ ˗dhɛ, ˈyö˗ ˗wo pö ˗a ˗dhɛ ö ˗wo ˗ta. ˈDhɛ ˈö Ʒoziasö ˈˈtʋ ˗yö ˗da ˈsëëdhɛ ˈö˗ wo pö bhë ˗a ˈgü, ˈyö˗ yö ꞊dhɛ ˈˈsɛgümɛn ˗nu ˈwaa ˗wo ˗gɔ ˈdho ˗ni ˈgü Zoova ˗bha ˈtɔŋ˗ ˗nu ˗dhɛ ˈˈshia˗ ˗a ˗kwɛ ˗ya kë ꞊va. ˈYö ˗gblüdë Ʒoziasö ˗ya pö Iikia ˗dhɛ: ‹ˈKwa ˈwɔn ꞊shiö ꞊dedewo Zoova ˗dhɛ. ˗Bhö ˈdho ˈü ˗a dhɛɛˈˈ ˈkpɔ. ˈPë ˈkwa dho ˗a kë ˗yö ˗dho ˗a pö ü ˗dhɛ.› Zoova ˗yö ˗bɔ ö ˗wodhiʋ̈loodhe Uda ˗ta ˈö˗ pö: ‹Zuda ˈˈsɛgümɛn ˗nu ˗wa wo ˗ta yö n ˗bha. A ˗dho ˈwɔn bho ˗an ˈgü kö Ʒoziasö ˗bha ˗gblüdëdhɛkësü ˗ya ɲën. ˗A ˈklɔɔ˗ ˗mü ꞊dhɛ ˗yö ö ˗desütɩtɩ.

ˈDhɛ ˈö ˗gblüdë Ʒoziasö ˗yö ˗wo ˈö bhë ˗a ˗man, ˈyö dho ˗Zlan ˗dhɔkëgükɔ ˈgü, ˈyö ˈˈsɛgümɛn ˗nu ꞊gban ˗dhɛ mü. ˈYö ˈtɔŋ˗ ˈsëëdhɛ bhë ˗a ˗wo pö ö ˗wo ˗ta ˈˈsɛgümɛn ˗nu ˗dhɛ. Ʒoziasö waa ˈˈsɛgümɛn ˗nu ˗wa ˈˈplünŋ ˗bho Zoova ˗dhɛ ꞊dhɛ ˗wo ˗dho ˈwɔn man ˗a ˗ta wo zuʋ̈ga ꞊gban ˈka.

˗A ˗kwɛ ˗ya ˗kë ꞊va ˈö Zuda ˈˈsɛgümɛn ˗nu wo ˈti Pakö ˈwlaan˗ kë. ˈˈKɛɛ ˗dhɛ ˈö Ʒoziasö ˗ya yö ˈtɔŋ˗ ˈsëëdhɛ ˈgü ꞊dhɛ ˗an dua ˗mü kö ˗wo Pakö ˈwlaan˗ kë ˗kwɛ ꞊gban ˈka bhë, ˈyö˗ pö ˈˈsɛgümɛn ˗nu ˗dhɛ: ‹Kwa ˗dho Pakö ˈwlaan˗ do kë Zoova ˗bha ˈka.› ˈYö Ʒoziasö ˗yö ꞊tuë ꞊va ˗nu ˈˈsaa˗ pë ˈka. ˈYö˗ pö ˗wo ˈˈtanbhomɛn ˗nu ˗ya ˗Zlan ˗dhɔkëgükɔ ˈgü. ˗Wo Pakö waa ˈbluu˗ ˈö ˈˈsɛkɛ ˈyaa˗ ˈˈpiʋ̈ ˗a ˈwlaan˗ ˗kë ˗dhɛkpaɔyi ˈˈsɔɔplɛ ˈˈpiʋ̈. ˈÖ go Samiɛ ˗bha ˈˈtʋ̈ŋ ˗bha ˈö yö ˗a ˈka ˈˈtʋ̈ŋ ˈö bhë ˗a ˗bha, ˈwlaan˗ suu ˈö ˈˈdhʋ̈ yö ˈti kë do. Zoova ˗bha ˈtɔŋ˗ ˗dhɔ ˗yö Ʒoziasö ˗kë ꞊dedewo. ˈYö bhi ˗zë ꞊wɛ, Zoova dɔ ˗sü ˗dhɔ ˗yö ü ˗kë ˗ee?