˗Kɔ ˈˈpian 1 zübhodhɛ

Biblö ˈgü ˈsëëdhɛ ˗be ˗blɛɛsü ˗nu ˗wo ˗kwɛzlan ˈö ˗gban pë ˗da ˗sü ˗bha, ˗a ˗gɛn ˗bho. ˗Yö pë ˗sɛŋbɔ ˗nu ˈö Zoova ˗yö ˗an ˗da ˈˈsɛ ˗ta waa dhaŋ˗ ˈgü ˗an ˗zɔn kwa ˗dhɛ ˗së ˈka ꞊dedewo. ꞊Ya kë ꞊dhɛ ˈnënmɛn ˗mü ü ˈka, ˗bhö ü ˗bha ˈnën ˗takun kö pë ˗sɛŋbɔ ˗nu ˈö Zoova ˗yö ˗an ˗da bhë ˗yö ˗an dɔ. ꞊Ya ˈgo mü, ˗bhö ˗a ˗zɔn ˗a ˗dhɛ ꞊dhɛ ˗Zlan ˗yö mɛnbhɩɩdhe ˗nu ˗da ꞊bhlëësü wü ˗nu ˗ta, ˈö ˗kɔmɔnwɔnbhasü ˗nu ˗an ˗dhɛ kö ˗wo ˈwɔn blɛɛˈˈ, ˗wo wo ˗zota, ˗wo pë ˗nu yö ˗kë, ˗wo ˈˈtan bho, ˗wo bhɛɛˈˈ ˗a ˗dhɛ. ˗Bhö ˗a kë kö ˗yö Zoova ˈˈnuɛ bho ˗a ˗bha ˈˈpiigbɩɩdhɛ, ˗a ˗bha ꞊kpɔɔdhɛ waa ˗dhɔ ˈö˗ ˗zɔn ö ˗dapë ˈˈpɛpɛ ˗dhɛ, ˈö˗ ˗zɔn ˈpö kwa ˗dhɛ do do ˈka bhë, ˗a ˗wɔn ˈgü.