˗Zlan ˗bha ˈsëëdhɛ ˗be ˗yö pë ꞊bhlëësü ˈka

1. ˈSëëdhɛ ˗be do ˗yö ˗dhɛ ꞊gban ˈgü ˈˈkpɔnŋ ꞊taa ꞊dɛɛ,

ˈÖ˗ ˈgü ˗wo ˗nu ˗wo mɛn ꞊vadhɛ ˗zogban.

˗A ˈˈpii ˗yö ˈˈgbɩɩ˗, ˈö ˈˈɲɛɛntiimɛn ˗nu ˈˈɲan ˗pʋ.

˗Yö ˈwɔndɔdhe ˗nu ˗desütɩɩmɛn ˗dhɛ.

ˈSëëdhe ˗be ꞊bhlëësü ˈö ˈˈdhʋ̈ ˈyö ˗tɔ Biblö.

˗A ˈgü ˗wo ˗nu ˗wo ˗go kwa Dë ˗Zlan ˈpiö,

˗A ˗bha ˗zuu ˈˈslʋ̈ʋ̈slʋ̈ ˈnën ʒiaan bho mɛn ˗nu ˈka,

ˈYö ˈwo ˗a ˗zopiʋ̈wɔn dɔ, ˈö ˈwo˗ ˗ya.

2. ˗Wa ˗zɔn ꞊dhɛ ˗Zlan ˈnën dhaŋgüpë ˈsaadhö ˗da,

ˈÖ ˈˈkpɔnŋtaadhɛ waa˗ ˗tapë ˗nu ꞊gban ˗da.

ˈDhɛ ˈkwa ꞊ɲɔɔn mü, ˈyö mɛn ˗nu ˗wo ˗gban ˗Zlan ˗gɔ,

ˈYö ˗kë kwa ˗bha ˈwɔn ˈˈgbɩɩ˗ züdɔdhɛ ˈka.

ˈˈKɛɛ ˗Zlan ˗bha ˈˈkiö do ˈnën mɛnbhɩɩdhe ˗nu ˗blü

Kö ˗wo ˗gban Zoova ˗Zlan ˗gɔ ꞊dhɛ ö ˈdhö.

ˈÖ ˗bhɔ ˈˈdhʋ̈, ˈˈkpɔnŋtaamɛn ˗nu ꞊gban ˈˈklʋʋ bhɔ ˗ni.

ˈˈKɛɛ Zoova ˈdho˗ ö ˗de ˗zɔn ˗an ˗dhɛ.

3. ˗Zlan ˗dhɔkëmɛn ˗nu ˗kwa zuʋ̈gblüdhi kë ꞊dɛɛ,

˗Zlan ˗ya Yesu kë kwa ˗bha ˗Gblüdë ˈka.

˗A yi ˗ya ˗lo kö ˈkwa ˈdho ˗dhɛ ˈsaadhö ˈgü,

Kö ˈkwa ˗Zlan ˗bha ˗Gblüdëdhɛ nɔɔn˗ ˗së pö.

ˈPë Biblö kwa ꞊faanmën ˗a kë ˗sü ˗bha ꞊dɛɛ,

ˈYö ˗tɔ ˈkwa ˗Zlan ˗Wo kë kwa ˗bhöpë ˈka,

Kö ˗yö zuʋ̈ˈˈ ˈwaannu ˗sü ꞊dede nu kwa ˗dhɛ;

Kö ˈkwa ˗yadeflëëgüsü ꞊dede ꞊slɔɔ.