ˈˈTAN 103
Kwa ˗maankëmɛn ˗nu ˈö ˗Zlan ˗yö ˗an nu kwa ˗dhɛ
(Efɛzö 4:8)
1. Mɛn ˗nu ˈwo ˗maankëmɛn ˗së ˗nu ˈka,
˗Zlan ˗an ˗ya ö ˗gɔ ˈkɔɔ.
˗An ˈˈta ˗kɔ ˗yö ˗gleŋ ˗së ˗da kwa ˗bha.
˗Wo kwa ˗takun ˗kplawo.
(˗A ˈKUN ˗KƆ)
˗Klu ˗Zlan ˗bha ˗mɛn ˗nu ˈö ˈwo kpɛnŋdhö,
ˈYö ˗Zlan kwa ˈˈklɔɔnbho ˗an ˗bha.
˗Wo wo ˗zo ˗së ˗kë kwa ˈˈpiʋ̈ ˗dhɔ ˈgü,
˗An ˗dhɔ ꞊dede ˗yö kwa ˗kë.
2. Pë ˈö kwa ˗maankëmɛn ˗nu ˗dhɛ ˗së,
ˈYö ˗tɔ kwa zuʋ̈ˈˈ ꞊nii ˗da.
˗Wo kwa ˗zogban ˈwɔn ˈˈgbɩɩ˗ ˈˈtʋ̈ŋ ˗nu ˈgü,
ˈÖ kwa zuʋ̈ˈˈ ˗yö ˗kë ˗saa.
(˗A ˈKUN ˗KƆ)
˗Klu ˗Zlan ˗bha ˗mɛn ˗nu ˈö ˈwo kpɛnŋdhö,
ˈYö ˗Zlan kwa ˈˈklɔɔnbho ˗an ˗bha.
˗Wo wo ˗zo ˗së ˗kë kwa ˈˈpiʋ̈ ˗dhɔ ˈgü,
˗An ˗dhɔ ꞊dede ˗yö kwa ˗kë.
3. ˗Maankëmɛn ˗nu ˗wo ˗bɔ ˗Zlan ˗Wo ˗ta,
ˈWo ʒiaan ˗së ˗zɔn kwa ˗dhɛ.
˗Wo kwa ˗takun ˗Zlan ˗dhɔkësü ˗bha,
Kö ˈkwa ˈto ˗a ˗gɔ ˈkɔɔ.
(˗A ˈKUN ˗KƆ)
˗Klu ˗Zlan ˗bha ˗mɛn ˗nu ˈö ˈwo kpɛnŋdhö,
ˈYö ˗Zlan kwa ˈˈklɔɔnbho ˗an ˗bha.
˗Wo wo ˗zo ˗së ˗kë kwa ˈˈpiʋ̈ ˗dhɔ ˈgü,
˗An ˗dhɔ ꞊dede ˗yö kwa ˗kë.
(Kpɔɔˈˈ Is. 32:1, 2; Jér. 3:15; Zan 21:15-17; Këw. 20:28 ˗bha.)