ˈˈTAN 151
ˈMɛn ˈö ꞊wa ga, Zoova ˗dho ˗an ˗dhɛ
(Job 14:13-15)
1. Kwa ˗bha ˗tosɛta ˗yö ꞊dhɛ ꞊blëë ˈˈbin ˈdhö.
˗Yö kwa ˗dhɛ ˗së ˈˈkɛɛ ˈyaa ꞊gwëë.
Ga ˗ya mɛn ˈsü, ˗yö ˗wëë ˗wɔn ꞊dede ˈka.
ˈPë˗ to kwa ˗gɔ ˈyö ˗tɔ ˈˈgbʋ.
Mɛnbhɩɩdhe ˗ya ga, ˈmën ˗Zlan ˗dho ˗a kë?
ˈMën ˗dho kë gamɛn ˗nu ˗dhɛ?
(˗A ˈKUN ˗KƆ)
Yi do ˈka, kwa Dëmɛn ˗Zlan ˗dho
Kwa ˗bha mɛn ˗nu ˈö ˗wa ga
˗An ˗dhɛ kö ˗wo nu ˈˈkpɔnŋ ꞊taa.
˗A ˗kë ˈˈdhʋ̈ ˗sü ˈˈshiʋ̈ ˗ya ˗ta.
˗Zoyödhe ˗yö kë kwa ˗gɔ ꞊dɛɛ,
Kö ˈkwa ga ˈˈtʋ̈ŋ yö ˗a ˈgü,
Zoova, kwa Dëmɛn ˗Zlan ˗yö
˗dho ˗këdhösü nu kwa ˗dhɛ.
2. ˈMɛn ˗Zlan ˗dhɔkë, ˈö ˗klu ˗a ˗bha ˈö ga,
˗A ˈtɔ ˗së ˗yö ˗Zlan ˈˈɲaan ˈka.
Dëmɛn ˗zo ˈˈpiʋ̈, ˈmɛn ˈwo yi zë ˗ni ˈgü,
˗Yö ˗dho ˗an ˗dhɛ kö ˗wo nu.
ˈˈKpɔnŋtaadhɛ ˗dɛɛ ˈgü, kwa ˗dho ˗kpan ˗an ˗bha,
ˈÖ ˈkwa ˗kë mü ˗toëpö ˈka.
(˗A ˈKUN ˗KƆ)
Yi do ˈka, kwa Dëmɛn ˗Zlan ˗dho
Kwa ˗bha mɛn ˗nu ˈö ˗wa ga
˗An ˗dhɛ kö ˗wo nu ˈˈkpɔnŋ ꞊taa.
˗A ˗kë ˈˈdhʋ̈ ˗sü ˈˈshiʋ̈ ˗ya ˗ta.
˗Zoyödhe ˗yö kë kwa ˗gɔ ꞊dɛɛ,
Kö ˈkwa ga ˈˈtʋ̈ŋ yö ˗a ˈgü,
Zoova, kwa Dëmɛn ˗Zlan ˗yö
˗dho ˗këdhösü nu kwa ˗dhɛ.