ˈˈTAN 161
Ü ˗dhɔkësü n zuʋ̈ˈˈ ꞊nii ˗da
(Psaume 40:8)
1. ˈDhɛ ü Gbö ˗yö go Zuudɛn ga ꞊bhaa
ˈö ü ˗wo ˗së ˗nu ˗a zuʋ̈ˈˈ pa,
Ü dhɔɔbhaawɔn ˗yö ˗a zuʋ̈ˈˈ ꞊nii ˗da,
ˈÖ˗ kë ˗sü ˈˈshiʋ̈ ˗kë ˗a ˗ta.
˗Yö ˗dɔ ˈˈgbɩɩ˗ ˈö ˗gban ˈgüdandhe ˗gɔ.
˗Yö ü ˗gba ö ꞊faan ꞊gban ˈka.
˗Yö ü ˈtɔ bhɔ ˗sü ˈwɔnzuan ˗së ˗zɔn.
A ˗dho ʒiö Dëmɛn ˈˈgblʋʋ ˈˈpiʋ̈.
(˗A ˈKUN ˗KƆ)
Ü ˗dhɔkësü n zuʋ̈ˈˈ ꞊nii ˗da.
N ˗man ˗tosɛta ü ˗bha ˈka.
Zuʋ̈niidadhe ꞊dede n ˗gɔ.
N Dë ˗Zlan ˗dhɛ ˈˈpʋ n ˗ta.
Ü ˗dhɔkësü n zuʋ̈ˈˈ ꞊nii ˗da.
˗Zoyödhe ꞊dede ˗yö n ˗gɔ.
A˗ ˈwɔn ˗dɔ ꞊dhɛ n ˗dhɔ ü ˗kë.
Ü gba ˗sü ˈö ˈˈtʋ̈ŋ ˈˈplɛ ˈka,
˗Yö n ꞊nii ˗da.
2. N Dëmɛn ˗Zlan ü dɔ ˗sü draansü,
˗Ya zuʋ̈niidadhe nu n ˗dhɛ.
A ˗dho ü ˈtɔ bhɔ zuʋ̈gblüdhi ˈka,
A ˗dho ü ˗wɔn blɛɛˈˈ ˗kplawo.
Yaa n ꞊dhegblü ˗nu ˈya ü ˈtɔ bhɔ,
˗Yö ꞊bhlëëwɔn ˈka n ˗bha ˈka.
A ˗dho ü ˈtɔ ˗bha ˗kë n ˗bha ˗sü
꞊Bhlëë bhë ˗a ˗zɔn ˈˈtʋ̈ŋ ˈˈplɛ ˈka.
(˗A ˈKUN ˗KƆ)
Ü ˗dhɔkësü n zuʋ̈ˈˈ ꞊nii ˗da.
N ˗man ˗tosɛta ü ˗bha ˈka.
Zuʋ̈niidadhe ꞊dede n ˗gɔ.
N Dë ˗Zlan ˗dhɛ ˈˈpʋ n ˗ta.
Ü ˗dhɔkësü n zuʋ̈ˈˈ ꞊nii ˗da.
˗Zoyödhe ꞊dede ˗yö n ˗gɔ.
A˗ ˈwɔn ˗dɔ ꞊dhɛ n ˗dhɔ ü ˗kë.
Ü gba ˗sü ˈö ˈˈtʋ̈ŋ ˈˈplɛ ˈka,
˗Yö n ꞊nii ˗da.
Yö ˈnën n zuʋ̈ˈˈ ꞊nii ˗da.
(Kpɔɔˈˈ ˈzü Ps. 40:3, 10 ˗bha.)