Nɔɔn˗ ˗nu

˗YƐƐZƆNMƐNDHƐMƐN ˗NU ˗Yɛɛzɔnmɛndhɛmɛn ˗nu ˗bha yö ˈnën ˗tɔ ka ˗takun ˗sü. ˈDhɛ ˈö ˈˈdhʋ̈, ˗ka dɔ ˈˈgbɩɩ˗ kö pë ˈˈpɛpɛ ˈwo ˗dho ˗an pö ka ˗dhɛ, ˈö ˗gban gɔdɔdhɛ ˗nu, kë mɛn ꞊zinŋ ˈgü ˗kɔ ˗nu, ka ˗yadhɛ ˗nu waa ˈwɔn ˈˈwɛɛ ˗nu ˈwo to ˗an ˗bha bhë, ˈka˗ man ˗an ˗ta.

˗BƆYIBHAASÜ ˗Dhɛ ˈˈwɛɛ ˈbha ˗zë wo ˈti˗ ˗zɔn, kö ˗bhɔyibhaamɛn ˗nu ˗yadhɛ ˗dho kë ˈˈdhiʋ̈ ˈˈdhɛɛtadhiaŋzëmɛn ˈwɔɔdhö. ˗Bɔyibhaamɛn ˗nu dua ˗mü kö ˗wo ˗ya ˈdhɛ bhë ˗a ˈgü ˈˈSɩyi dhiapiʋ̈ ˈka kö ˗bɔ ˈˈyi ꞊bhaa ˈˈdhɛɛtadhiaŋ˗ zü ˗yö ꞊kun dɔ ˗ni. ˗An ꞊gban ˈˈpɛpɛ dua ˗mü kö ˗wo nu wo ˗bha ˈˈzusɔ waa ˗bɔ yi ꞊bhaa˗ ˈgü ˗sɔ ˈö ˗tiaandhö ˗an ˈka.

GBƆƆDHE KË ˗SÜ ˈWëëga ꞊va ꞊dede ˈnën ˗da ˗bhɔkwëë ˈö yö ˗a ˗wɔn ˈgü kö ˗yɛɛ ˗nu, ˈˈwɩpë ˗nu, video ˗kwɛɛ ˗nu waa yö ˈˈwɛɛ ˗nu ˈwo to ˗wo kë, kö ˗a ˗bhɔkwëë ˗yö kë ˗së, kö ˗yö kwa ˗takun ˗ɲɔɔn Zoova ˗bha ˗sü ˗bha. Kwa ˗bha gbɔɔdhe ˈö ˈkwa˗ sü kwa ˗de ˈgü ˈkwa˗ ˗kë, ˗yö ˗dho kwa ˗takun ˈö ˈwëë˗ bhë ˈkwa˗ ꞊slɔɔ, ˈö ˈkwa kwa ˗kɔ ˗ya ˈpö ˗zlanwopö ˗yö ˈö ˈˈkpɔnŋtaadhɛ ˗todhʋ̈sü ˈgü ˗a ˗gɔ. ˈˈKɩsʋ ˗nu ˈö ˈka ꞊mɔɔn˗ ˗bha ˈka ka ˗bha gbɔɔpë ˗nu ˗da ˗an ˈgü, ˗wo ˗bhɔkwëëkëdhɛ ˈˈpian ꞊gban ˈgü, kö gbɔɔdhe kë ˗sü ˈya ˗dho kë ka ˗gɔ ˈˈgbɩɩ˗. Ka ꞊mɔɔn˗ ˗bha ˈpö ˈka gbɔɔdhe ˗kë donate.jw.org ˗ta. Ka ˗bha gbɔɔdhe ˈˈpɛpɛ ˗wɔn ˈˈyi ˗yö ˈˈkan ˗sü ˈka yi ˈˈdhi. Kwa ˈˈdhiʋ̈ʒiöwomɛn ˗nu ꞊wa ka ˈˈnuɛ bho ka ˗bha ˈˈgblü ˗së ˈö ˈka ka ˗kɔ ˗ya ˗a ˈka ˗Zlan ˗bha ˗Gblüdëdhɛ ˗yö ˗gɔ bhë, ˗a ˗wɔn ˈgü.

꞊BLƐƐDHƐ ˗BLƐƐSÜ ˗YA MƐN ˗BHA ˗SÜ ˗Yö kë ka ˈˈɲaan ꞊dhɛ ˗a ˈdhɛ bhë ˗yö ˗gban ˈˈyua ˈˈgbɩɩ˗ dosɛnŋ ˗bha.

PË ˗NU ˈWO ꞊DHIƆŊ, ˗AN ꞊SLƆƆDHƐ Pë ˈˈpɛpɛ ˈö ꞊dhiɔŋ, ˗wa ˗slɔɔ pë ˗nu ˈwo ꞊dhiɔŋ, ˗an ꞊slɔɔdhɛ ˈwɔnyëë˗ ˗nu ˈˈpiʋ̈. Kö ka ˗bha pë suu ˈˈoo ˗suu ˗yö ꞊dhiɔŋ, ˗ka ˈdho ˈdhɛ bhë ˗a ˈwɔnyëë˗ ˗nu ˈˈpiʋ̈ kö ˈka˗ pö ˗an ˗dhɛ. ˈNën ˗nu ˈwo ꞊dhiɔŋ wo ˗mɛn ˗nu ˗gɔ, ˗wo ꞊mɔɔn˗ ˗bha ˈwo ˗kpan ˗an ˗bha ˈdhɛ bhë ˗a ˈgü. ˈˈKɛɛ ˈya ˗dho kë ka ˈgü ꞊dhɛ ˈnën ˈsɛɛn˗ ˗nu ˗maankëdhɛ ˈdhö. ˗Ka dɔ ˈˈgbɩɩ˗ ˈka ka ˗zoto ka ˗bha ˈnën ˗nu ˈˈpiʋ̈, ˈka ˗an ˗ya ka ˈˈsuee.

˗YADHƐ ˗Ka dɔ ˈˈgbɩɩ˗ ˈka ka ˗zota mɛn ˈˈwɛɛ ˗nu ˗wɔn ˈgü. ˗Yö kë ka ˈˈɲaan ꞊dhɛ ka ˗bha ˈkɔɔmɛn, ˈmɛn ka˗ ˗nu ˈka go ˗dhɛ do ˗bha, ˈmɛn ˈka ˈkɔ do ˈgü ɛɛnˈˈ ka ˗bha Biblö ꞊klaŋ ˗nu ˈnën ˈka ˗dho ˗an ˗bha ˗yɛɛ ˈsü. ˈDhɛ ka ˈti˗ ˈsü, ˗ka dɔ ˈˈgbɩɩ˗ ˈka ˗dho pë ˈbha ˗ya mü.

˗DE ˗NU YÖ ˗DHƐ ˗MƐN ˗NU Mɛn ˈü˗ ˈˈpiʋ̈ ˈü ü ˗kɔ ˗da yö ˈbha ˈgü ˗bhɔkwëë ˈö yö ˗a ˗ta, ˗bhö dɔ ˈˈgbɩɩ˗ ˈü ü ˈtɔ ˗ya ˗de ˗nu yö ˗dhɛ ˗mɛn ˗nu ˗bha ˈwɔnyëë˗ ˈˈpiʋ̈.