˗Kwa kwa ˗zogban

Pë ˈö Yesu ˗ya ˗kë

VIDEO: Yesu ˗yö ˗zlanwopö Zase ˗dhɛ

1. VIDEO ˈö yö ˗a ˗ga ɛɛnˈˈ Dhukö 19:​1-7 ˗wo pö. ˈBha ü bo, ˗bhö ü ˗zota dhɛɛˈˈ ˗nu ˈö ˈwo yö ˗an ˈgü:

1. ˈMën ˗kë ˈö mɛn ˈbha ˗nu ˈwo ˈˈkan Zase ˗bha?

2. ˗Mën ˈö Yesu ˗zë ˗blü ˈö ˈwɔn ˗taɔŋ ˗së pö ˗a ˗dhɛ?

˗Gleŋ ˗mɛɛn ˈö Yesu ˗ya ˗da kwa ˗bha?

2. Kwa ˗bhawɔn ˗yö ˗zogbandhe ˗bha kö ˈkwa ˗zlanwopö mɛn suu ꞊gban ˗dhɛ.

˗Kwa ʒiö Yesu ˗bha ˈwɔnzuan ˈˈpiʋ̈

3. ˗Kwa kwa ˗zoyö Zoova ˗dhɛ. ˗Zlan ˗bha ˗zuu ˗yö ˗zlanwopösü ˗faan ˗nu Yesu ˗dhɛ. ˗Yö ꞊mɔɔn˗ ˗bha ˈö ꞊faan do ˈö ˈˈdhʋ̈ ˗a nu kwa ˗dhɛ ˈpö. (Mat. 10:​19, 20; Dhu. 4:18) ˗Kwa bhɛɛˈˈ Zoova ˗dhɛ kö ˗yö ˗zogbandhe nu kwa ˗dhɛ kö ˈkwa ꞊mɔɔn ˗zlanwopösü ˗bha mɛn ˗nu ˈö ˈwo kwa ˈgü ˈˈsuʋ̈sü ˗an ˗dhɛ.—Këw. 4:29.

4. ˈKwa ˈdho mɛn ˗nu ˗ga kö ˈkwa za dɔ ˗an ˗bha. ˗Zlanwo ˗pö mɛn ˈbha ˗nu ˗dhɛ ˗sü ˈˈsuʋ̈ ꞊mɔɔn˗ ˗bha ˈö kwa ˗kë ˗kɔ ˈö ˈwo˗ ˗bha, ˗an ˗duɛɛ, ˈwëëga ˈö ˗an ˗gɔ, ˗an ˗bha ˗tosɛta kë ˗kɔ ɛɛnˈˈ ˗zlanwo ˈwo˗ ˈgü ˗an ˗wɔn ˈgü. ˈˈKɛɛ kwa ˗zo ˈya ˈdho bhɔ ꞊dhɛ:

1. Zoova waa Yesu ˗wo ˗dhɛ yö mɛn ˗nu zuʋ̈ˈˈ ˈˈpiʋ̈; kwa ˗zë ˈkwaa ꞊mɔɔn˗ ˗bha.

2. Zoova ꞊mɔɔn˗ ˗bha ˈö ˗gasitɛ ˗kë mɛn suu ꞊gban ˗dhɛ.

5. Kwa ˗zo ˗yö kë ˗gban ˗sü ˈka ˈˈkɛɛ ˗kwa mɛn ˗nu ꞊bhlëë ˗ya kö ˈkwa ˈwɔn ˗nu kë kwa ˈsuan˗ ˈka. (Mat. 10:16) ˗Kwa ˈˈkan zɔɔdhe ˗bha. ꞊Ya kë ꞊dhɛ mɛn ˗nu ˈwaa˗ ˈˈpiʋ̈ kö ˗wo wo ˈˈtʋ ˈto kwa ˗wo ˗bha ɛɛnˈˈ ˗dhɛ ˈö ˈkwa˗ ˗bha bhë pë ˈˈdhiʋ̈˗ ꞊mɔɔn˗ ˗bha ˈö kwa ˗kë mü, ˗kwa ˈˈdoo ˈˈkan ˗së ˈka kö ˈkwa ʒiö.—Prov. 17:14.