Kwa dua ˗mü kö ˈkwa ˈˈdoo ˈˈkan ˗ee?

Pë ˈbha ˈö ˈkwa˗ pö mɛn ˈbha ˈö ˗Zlan ˗wo ˗dhɔ ꞊dede ˈdhö˗ ˈbha ˗a ˗dhɛ ˈyii˗ ˗zokun ɛɛnˈˈ ꞊yaa˗ pö ˈkwa ˈwɔn ˈbha ˈgü ˈˈpʋ, ˗dho ˈˈdoo ˈka ˈˈdhiʋ̈ ˗sü ˗yö kwa zuʋ̈ˈˈ ˈˈgblü ˗dhi. ˈPë ˈkwa˗ ˈˈpiʋ̈ ˈyö ˗tɔ kö ˈkwa ˈˈdoo dɔ «mɛn ˗nu ˈö ˈwo˗ ˈˈpiʋ̈ kö ˗wo ˗tosɛta ˈö ˈyaa ɲën ˗a ꞊slɔɔ» ˗an ˈˈpiʋ̈.—Këw. 13:48.

ˈˈKɛɛ ˗ya kë ꞊dhɛ mɛn ˈbha ˈö ˈkwa ˈˈdoo dɔ ˗ni ˈgü ˗a ˈˈpiʋ̈, ˈwɔn ꞊ya ꞊shiö ˗a ˗dhɛ ɛɛnˈˈ ˈyaa˗ ˈˈpiʋ̈ kö ˈö ˈˈdoo dɔ kwa ˈˈpiʋ̈, kwa ˗dho ˗a kë ꞊dhɛ? ˗Kwa ˈˈdoo ˈö bhë ˗a ˈˈkan ˈˈnɛɛnnɛn ˈka, ˗a ˗mɛn ꞊bhlëë ˈgü. (Prov. 17:14) ˈPë ˈkwa ˗dho ˗a kë kö ˈkwa ˈˈkan ˈkwëë˗ ˗së ˈka, ˗kwaa kë. ˈYö ˗tɔ ˗a ˈbha ꞊ya kë, ˈˈdoo ˗dɔ kwa ˈˈpiʋ̈ ˗sü ˗dhɔ ꞊mɔɔn˗ ˗bha ˈö ˗da ˗a ˈgü ꞊taabha.—1 Piɛ. 2:12.