˗Kwa kë ˗zlanwopömɛn ˗tiaandhö ˈka—Mɛn ˗dɛɛ ˗nu ˗kian ˗sü ˈka
˗Mën ˈö ˗kë ˈö˗ ˗wɔn ˈdhö ˈˈgbɩɩ˗?: Yesu ˗bha gwëëˈˈ ˗dɛɛ ˗nu dua ˗mü kö ˗wo wo ˗zo kë “pë ˈˈpɛpɛ” ˈö˗ pö ˈö˗ ˈbhaa ˗kë mɛn ˈwɛɛ ˗nu ꞊klaŋ ˗kë gagade ˈka ˗sü ˈka bhë, ˗an ˈˈpiʋ̈. (Mat. 28:19, 20) Mɛn ˗dɛɛ ˈbhaa ˗nu ˗wa ˗kian ˈsaadhö kö ˗wo wo ˈtɔ ˗ya ˗Zlan bha yö ꞊klaŋ ˗bha, ˈö˗ ˈbha ꞊ya kë kö ˗wa ˗zlanwopö ˗wo ˗bha ˈkɔdhigümɛn ɛɛnˈˈ wo ˈtɔŋdë ˗nu ˗dhɛ wo ˗de ˗ta. ˈˈKɛɛ ˗wo ˈdho ˗ni ˈgü ˈˈdhiʋ̈ Zoova dɔ ˗sü ˈgü, ˈö ˈwo˗ ˈwɔn dɔ ˗ni ˈgü ꞊dhɛ ˗ya ˈˈpiʋ̈ kö mɛn ꞊gban ˈˈpɛpɛ nɔɔn˗ ˗së man bhë, ˗wo ꞊mɔɔn˗ ˗bha ˈwo wo ˗bha ˗zlanwopösü ˗dhɔ ˗zɔn. (Wlɔ. 10:13, 14) ꞊Ya kë ꞊dhɛ ˗wa ˈˈwɩɩ˗ ˗bha ˈkö mɛn ˗dɛɛ ˈbhaa ˗nu ˗wö kë ˗zlanwopömɛn ˗nu ˈö wo ˈti bɔ ˈˈyi ꞊bhaa ꞊köŋ ˗an ˈka, ˗an ˗kian ˗kɔ ˗së ꞊dede ˗dho ˗an ˗takun kö ˗an zuʋ̈ˈˈ ˗yö kë ˗saa ˗zlanwopösü ˈgü, kö ˗wo bɔ ˗a ˗ta ˗an ˗gɛn ˗yö ˈdho ˈˈdhiʋ̈ ˗Zlan ˗bha yö ˈgü.—Dhu. 6:40.
Kwa ˗dho ˗a kë ˗kɔ ˗kë ꞊dhɛ?
• ˗Kwa ˗zlanwopömɛn ˗dɛɛ ˗takun kö ˈsëëdhɛ ˗nu ˈö ˗dho ˗zlanwopö ˗an ˈka ɛɛnˈˈ ˈö ˗dho mɛn ˗nu ꞊klaŋ kë ˗an ˈka ˗yö kë ˗a ˗gɔ. ˗Kɔ ˈö ˈkwa kwa ˗de ꞊baa ˗zlanwopösü ˗bha ˗a ˈka, ˗kwaa ˗zɔn ˗a ˗dhɛ, kö ˈsëëdhɛ ˈˈpɛpɛ ˈwo kwa ˗gɔ ˈkwa yö ˗kë ˗an ˈka ˗gɛn pö ˗a ˗dhɛ.
• Kwa˗ ˗nu ˗kwa kwa ˗kɔ ˈˈyɛ ˈsëëdhɛ nu ˗kɔ ˈˈslö do ˈö Kwa ˗bha ˗Gblüdëdhɛ ˗yö ˈsëëdhɛ ˈgü ˗a ˗bha, kö ˈkwa˗ kë. ˗Kwa mɛn ˗dɛɛ ꞊faan ˈmën kö ˗wo ˗nu ˈwo ˈsëëdhɛ nu ˗kɔ ˈˈslö ˈö bhë ˗a ˈgü, ˗ya pö ˗kɔ ˈö ꞊mɔɔn˗ ˗bha ˗a ˈka. ˗Gleŋ ˗nu ˈwo ˈsëëdhɛ ˗be École du ministère ˈˈpian 82 ˗ta bhë, ˗a ˗dhɛ ˗nu ˈwo ˗bɛ ka ˗bha ˗zlanwopödhɛ ˗bha, ˗ka ka ˗kɔ ˈˈyɛ ˗an ˗bha. ˗Bhö ꞊gbɔɔn ˗a ˗ta ꞊dhɛ sɔ ˗da ˗kɔ ˗së waa ˗de ˗kun ˗së ˗sü ˗wɔn ˗yö ˈˈgbɩɩ˗.—2 Kod. 6:3, 4.
• ˗Ka ˗an ˗kian ˈka ˗dho ˗a ˈka ˈˈdhiʋ̈. ˗Ka ˗zlanwopödhɛ ˈˈbin ˈsëëdhɛ ˗zɔn ˗a ˗dhɛ, kö ˗kɔ ˈwo˗ sü ˈwo ˗zlanwopö ˗a ˈka ˈkɔ ˈgü ˈkɔ ˈgü ˈka˗ pö ˗a ˗dhɛ. Mɛn ˈbhaa ˈö kwa ˗bha nɔɔn˗ ˗yö ˗kë ˗a ˗dhɛ ˗së, ˗kɔ ˈö ˗dho ˗a ˗bha ˈˈnimlɔn ˗nu ˈsü˗ ˗bha, ˗kaa ˈˈslö ˗zɔn ˗a ˗dhɛ. ˗Kɔ ˈwo ˗dho ˗zlanwopö jw.org waa ˈsëëdhɛ ˗be ˈnën Une bonne nouvelle pour des gens de toutes nations ˈka ˗a ˗bha, ˗kaa ˈˈslö ˗zɔn ˗a ˗dhɛ. ˗Kaa ˗takun kö mɛn nu ˈwo ˗we nɔɔnwo ˗bha ˗yö ö ˗zo kë ˗an ˈˈpiʋ̈.—1 Kod. 3:6.
• ˗Ka ka zuʋ̈ˈˈ kë ˗saa, ˈka ˗an nuɛˈˈ ˗nu bho. (Prov. 25:11) ˗Ka kë ˈwɔnzuan ˗së ˈka. Ka ˗bha ˗zlanwopö ꞊faan ˈka ˗sü waa ka ˗bha ˈˈtʋ̈ŋ ˗kë mɛn ˗nu ˈgü ˗sü ꞊trɔɔn ˗së ˗dho kë ˗kwɛ ˗nu ˈwo ˗dho nu ˈˈdhiʋ̈ bhë ˗an ˈgü.
˗Ka pë ˈö yö˗ ˈgüdan ˈˈsu yö˗ ˈgü:
• Kaa ü ˗bha ꞊klaŋdhiʋ̈nën ˗ka yökë ka ˈkwëë˗ ˗zlanwopö ˈkɔ ˈgü ˈkɔ ˈgü ˈˈtʋ̈ŋ ˈka, kö ˈü˗ ˈsü kö ˈka ˈdho ˗wo mɛn ˗nu ˗dhɛ ɛɛnˈˈ kö ˈka Biblö ˗zɔn mɛn ˗nu ˗dhɛ. ꞊Ya kë ꞊dhɛ ü ˗bha ꞊klaŋdhiʋ̈nën ˈö ˗dho ˗zlanwopö ˈyaa ˈdhö, ˗bhö ˗a pö ˗zlanwopömɛn do ˈö yö ˈti ˗kian ꞊köŋ ˗a ˗dhɛ kö ˈka ˗zlanwopö ka ˈkwëë˗.