˗Kwa kë ˗zlanwopömɛn ˗tiaandhö ˈka: Biblö draanˈˈ ˗kɔ ˗tiaandhö ˗zɔn ˗sü ˈka kwa ˗bha ꞊klaŋ ˗nu ˗dhɛ
˗Mën ˈö ˗kë ˈö˗ ˗wɔn ˈdhö ˈˈgbɩɩ˗?: Biblö ꞊klaŋ ˗nu ˈwo˗ ˈˈpiʋ̈ kö ˗an ˗gɛn ˗yö ˈdho ˈˈdhiʋ̈ ˗Zlan ˗bha ʒiaan ˗ta, kö ˗wo ˗kian, ˗an dua ˗mü kö ˗wo pë ˗nu ˈwo ˗gban ˗Zlan ˗Wo ˗bha, ˈö ˈwo ˗ʒiö ˗a ˈdhɛ ˗nu ˈö ˈwo˗ ꞊draan kö ꞊wa ˗da ˗Zlan ʒian ˗ta ˗dɛɛ ˈgü bhë˗ ˗ta, ꞊nën˗ draanˈˈ. (Ebl. 5:12-6:1) Biblö draansü ˈyaa ˈwɔn ˈˈplëëplë ˈka. Mɛn ˈö Biblö draanˈˈ ˗ni ˈgü, ˗a dua ˗mü kö ˗yö pë ˗dɛɛ ˗nu ˈö ˗an draanˈˈ ˗ni ˈgü waa ˗a ˈdhɛ ˈö ˗an ꞊draan zii ˗be ˗an ˗zɔn ˈkwëë˗, kö ˗yö ˗gleŋ ˈö ˗go ˗a ˈgü ˗a ˗bho ˈˈkoo dɔ. (Prov. 2:1-6) Pë ˗mɛɛn ˗an ˗de ˗ta ˗sü ˗dho ꞊klaŋ ˗nu ˗takun kö ˈwo dhɛɛˈˈ ˗nu ˈwo ˗gban Biblö ˗bha ˗an ˗yɔ ꞊slɔɔ kwa ˗bha ˈsëëdhɛ ˗nu ˈgü. Wo ꞊faan ˈwo ˗dho ˗a dɔ ˈˈgbɩɩ˗ pë ˗nu ˈwo ˗an ꞊draan ˗an ˗ya ꞊bhlëë ˈgü ˗sü ˗bha bhë, ˗yö ˗dho ˗an ˗takun kö ˗wo ˗gban ˈwɔn ˈˈgbɩɩ˗ ˗nu ˗gɔ.—Dhu. 6:47, 48.
˗Ka pë ˈö yö˗ ˈgüdan ˈˈsu yö˗ ˈgü:
꞊Ya kë ꞊dhɛ ˈka ka bo ˈwɔn ˗gɔ ˈsɛɛn˗ ɛɛnˈˈ ˈwɔn ˗gɔ do ˈbha draansü ˈka, ˗bhö ˗a pö ü ˗bha ꞊klaŋ ˗dhɛ kö ˗yö ˗a ˈdhɛ ˈö to ˗a ˈˈɲaan ˗a ˗wɔn blɛɛˈˈ. ꞊Ya kë ꞊dhɛ ꞊klaŋdhiʋ̈nën ˈyaa ü ˗gɔ, ˗bhö Biblö ˈˈpian ɛɛnˈˈ La Tour de Garde ˗wo ˗bhüöö ˈkpö ˈbha ˗wo pö kö ˈü ˗a ˈdhɛ ˈö to ü ˈˈtʋdhö ˗a ˗wɔn blɛɛˈˈ kö ü ˗bha ˈwɔn ˈgüman ˗kɔ ˗yö ˗dadhiʋ̈.