Pë ˗dɛɛ ˈö ˈkwa ˗dho ˈˈdoo züdɔ ˗a ˗ta

ˈÖ sü 2016 Zanvie ˗bha, ˈwɔn ˗gɔ ˗dɛɛ ˈbha ˈö ˗gɔ ˗kë “Biblö ˗ya ˗pö ꞊dhɛ?” ˈka bhë, ˗yö La Tour de Garde ˗dhɛ ˈö ˈkwa˗ nu mɛn ˗nu ˗dhɛ, ˗a ˈˈpian ˗totaabhasü ˗ta. ˗Wa pë ˗kë kö ˈkwa ˈˈdoo ˈö ˗gɛn ˗gban Biblö ˗ta, ˗a züdɔ ˗a ˗ta. ˗Yö ˗bhɔ ˗a ˗dhɛ ˗nu ˈwo kwa ˗bha ˈsëëdhɛ ˈˈpɛn ˗nu ˗ta ˗an ˗bha. Dhɛɛˈˈ ˈö ˗a ˗mɛn dho ö ˗bha ˗yɔ nu ˗ya ˗ta. ꞊Ya ˈgo mü Biblö ˗bha ˗yɔ waa ˈwɔn ˗gɔ ˈˈsɛɛn˗ ˗nu ˈwo draanˈˈ ˗bhaa ˈka ˗wo ˗yö ˗a ˈˈpiʋ̈.

ˈˈDoo ˈˈnɛɛnnɛn ˗nu ˈwo ˗gban Biblö ˗bha, ˗an ˈˈdhiʋ̈ ˗yö ˗ta ꞊shiöŋ ꞊shiöŋ Biblö draansü ˗ta. Pë ˗dɛɛ ˈö bhë˗ ˈsü kö ˈü mɛn ˗nu ˗takun kö ˗wo ꞊ɲɔɔn ˗Zlan ˈˈsuee.​—Mt 5:6.

KWA ˗DHO YÖ KË˗ ˈKA ˗KƆ ˗KË ꞊DHƐ?

1. ˗A pö ˈkɔɔmɛn ˗dhɛ kö dhɛɛˈˈ ˗nu bhë, ˗yö ö ˗bha ˗yɔ bɔ.

2. Ü ˈˈtʋ ˈto ˗a ˗wo ˗bha, kö ˈü˗ ˗bha ˗yɔ dɔ.

3. Biblö ˈˈɲan ˈö ˈwɔn ˗gɔ “˗Mën ˈö Biblö ˗ya pö?” ꞊wlöö bhë, ˗a ˗wo pö, kö ˈü˗ dhɛɛˈˈ ˈkpɔ ꞊dhɛ ˗mën ˈö Biblö ˈˈɲan bhë ˗ya pö. ˈˈTʋ̈ŋ ˗ya kë ˗a ˗gɔ, ˗ka ˈdho ˈˈdoo bhë˗ ˈka ˈˈdhiʋ̈ ˈwɔn ga ˗nu ˈwo ˈwɔn ˗gɔ “˗Mën ˈˈwɛɛ ˈbha ˈkwa ꞊mɔɔn˗ ˗bha ˈkwa˗ ꞊draan Biblö ˈgü?” ꞊wlöö bhë, ˗a do draanˈˈ ˗sü ˈka.

4. ˈSëëdhɛ bhë˗ nu ˗a ˗dhɛ.

5. ˗A kë kö ˈü ü yee kë ˗a ˗mɛn ˈˈpiʋ̈ kö ˈka˗ dhɛɛˈˈ ꞊plɛ ˗naan draanˈˈ.