Watchtower ˗bha 'SËËDHƐ ˗LO ˗DHƐ 'Ö ƐNTƐNƐTÖ ˗TA

'SËËDHƐ ˗LO ˗DHƐ 'Ö ƐNTƐNƐTÖ ˗TA

mwb16 Avlidhö ˈˈp. 3
˗Kwa mɛn ˗nu ꞊faan ˈmën ˗wo ˈˈnɛɛnnɛn ˈka

Kwa ˗bha ˗kë Kletiɛn ˈka ˗sü waa kwa ˗bha ˗zlanwopö ˗yö bhɔkwëë ˗kë ˗a ˈka ˈsëedhɛ—2016

mwb16 Avlidhö ˈˈp. 3

PË ˗SƐŊBƆ ˗NU ˈWO ˗ZLAN ˗WO ˈGÜ | JOB 16-20

˗Kwa mɛn ˗nu ꞊faan ˈmën ˗wo ˈˈnɛɛnnɛn ˈka

˗Dhioodɔmɛntamɛn ˗bha ˗dhioo dua ˗mü kö ˗yö mɛn ꞊faan ˈmën

16:4, 5

Zɔbö ˗bha zuʋ̈dhiʋ̈tɛɛ waa˗ ˗bha ˈˈklʋʋbhɔdhe ˈnën ˗an ˗wɔn ˈgü ˈö˗ ˗bhawɔn ˗yö ˗yö mɛn ˈˈwɛɛ ˗bha kö ˗wa ꞊faan ˈmën.
Zɔbö ˈˈtɛɛbɔ ˗nu ˈwii dhiaŋ ˈö ˗dho ˗a ꞊faan ˈmën ˗a zë. Za ˈnën ˈwo˗ ˗ya ˗a ˗bha, ˈyö ˈwo˗ ˗bha zuʋdhiʋ̈tɛɛ ˗dadhiʋ̈.

Bildadö ˗bha ˗wo ˈˈdhiʋ̈dhɛ ˗ya ˗kë ˈö Zɔbö ˗yö ˗wëëwo kpɔ.

19:2, 25

Zɔbö ˗yö ˗wëëwo ˗kpɔ kö ˗Zlan ˗ya bho saanˈˈ ˈgü, ˈkö ˗kë ꞊dhɛ ˗a ˈˈdhɛ ˗kë ga ˈka ˗ʒiaanwo.
Zɔbö ˗yö ö ˗zo ˗to ˗gogagüsü ˈˈpiʋ̈, ˈyö bɔ ö ˗bha ˈwɔn ˈˈgbɩɩ˗ ˗nu ˈgü zuʋ̈saadhɛ ˈka.

Edhifazö ˗yö dhiaŋ zë ˗ni ˈgü Zɔbö ˗dhɛ. Bildadö waa Sofaa ˗wa ˗ga ˗ni ˈgü.

MƐN ˗NU ˈWO ZA ˗YA ZƆBÖ ˗BHA

Edhifazö:

˗Yö ˗go Temanö, Edɔmö ˈˈsɛ ˈgü. Temanö ˗pö ˗wɔn ˗yö blɛɛˈˈ ˗sü ˈka Jérémie 49:7 ˈgü ꞊dhɛ Edɔmö mɛn ˗nu ˗bha ˗kpɔɔdhɛ godhɛ ˈdhö.
Edhifazö ˈnën dhiaŋ züdɔ. ˗Yö ˗kë ꞊dhɛ ˗yö ˈnën kun “˗dhioodɔmɛntamɛn” ˗nu bhë, ˗a mɛn ˈkpii˗ ˈö ˗wogbiindhɛ ˗kë ˗a ˗gɔ, ˗a ˈka. ˗Yö dhiaŋ sü ˗gɛnɲan ˈka ˗yaaga. ˗Ya ˗zë ꞊va ˈö ˗ʒiëë˗ ö ˈˈtɛɛbɔ ˗nu ˗ta.

Za ˈö˗ ˗ya Zɔbö ˗bha:

˗Yö ˈˈyɩɩ ˗to Zɔbö ˗bha, ˈyö˗ pö ꞊dhɛ ˗Zlan ˈyaa ˈdhaŋ bho ö ˗dhɔkëmɛn ˗nu ˈˈdhiʋ̈. (Job 4, 5)
˗Ya ˗pö Zɔbö ˗yö ö ˗de ˗sü ꞊va, ˈö˗ këwɔn ˗nu ˈdhö ˈya˗. ˗Ya pö Zɔbö ˈyaa ˈˈsuʋ̈ ˗Zlan ˗gɔ. (Job 15)
˗Ya ˗pö Zɔbö ˈyaa kpɛnŋdhö, pë ˈyaa˗ ˗zokun. ˗Ya ˗pö mɛnbhɩɩdhe ˗yö ˗a ˗bha pë ˈyaa ˈdhö ˗Zlan ˗gɔ. (Job 22)

Bildadö:

Shua suu ˗ta ˈnën ˗mü. ˗Yö ˗gun ˈˈsɛ ˈö Eflatö ˈˈkpɔnŋdhiʋ̈ bhë ˗a ˈgü.
Mɛn ꞊plɛ ˗naan ˈö dhiaŋ sü ˗yö ˗mü. Dhiaŋ ˗yaaga ˈö ˗an zë gun ꞊klöö˗ ˈwo ˗ʒiö ˗a ˈka Edhifazö ˗bhaa ˗ta. ˈWaa gun ˈˈdhiʋ̈ ꞊dhɛ Edhifazö ˗bhaa ˈdhö.

Za ˈö˗ ˗ya Zɔbö ˗bha:

˗Ya ˗pö Zɔbö gbö ˗nu dua ˗mü kö ˗wo ga, ˈyö ˗tɔ ꞊dhɛ ˗wo ˈwɔn yaa ˗kë. ˗Ya ˗pö ˈpö Zɔbö ˈyaa ˈdhaŋ bho ˗Zlan ˈˈdhiʋ. (Job 8)
˗Ya ˗pö Zɔbö ˗yö ˈwɔnyaakëmɛn ˈka. (Job 18)
˗Ya ˗pö mɛnbhɩɩdhe ˗bha ˗to kpɛnŋdhösü ꞊trɔɔn ˈyaa ˈdhö. (Job 25)

Sofaa:

˗Yö ˗go Naama ˗pö ˈgü, Adhabö ˈˈdhʋŋ ˗ʒian ˈka.
Mɛn ˗yaaga ˗naan ˈö dhiaŋ sü ˗yö ˗mü. ˗Yö ˈnën ˈö˗ ˗bha dhiaŋ ˗wo ˈö gun ˈˈdhiʋ̈sü ꞊dedewo. ˗Yö dhiaŋ sü ˗gɛnɲan ˈka ꞊plɛ ˈˈkpaan.

Za ˈö˗ ˗ya Zɔbö ˗bha:

˗Ya ˗pö dhiaŋ ˈö Zɔbö ˗ya zë bhë, ˗a ˗gɛn ˈyaa ˈdhö. ˈYö˗ pö ˗a ˗dhɛ ˗yö ö ꞊kwaa˗ ˈwɔnyaa ˈzü. (Job 11)
˗Ya ˗pö Zɔbö ˈˈgblü ˗yö ˈya˗, ˈö ˈwɔn yaa kë ˗sü ˗dhɔ ˗ya ˗kë. (Job 20)