ˈKwa mɛn ˗nu ꞊klaŋ kë ˗ni ˈgü, ˗kwa ˈˈkan pë ˗nu yö ˗an ˗bha

ˈWɔn ꞊blɛɛ ꞊va ˗sü: ˈBha ˈdho ü ˗zogɔn ꞊dhɛ ü dua ˗mü kö ˈü ˈwɔn ꞊gban ˈgü ˈˈpʋ. Yesu ˗yö dhɛɛˈˈ ˗kpɔ mɛn ˗nu ˗gɔ kö wo ꞊dede ˗wo wo ˗zota, kö pë ˈö kun ˗a ˗zɔn ˗ni ˈgü ˗an ˗dhɛ bhë, ˗wa ˈgüman. (Mt 17:24-27) ˈKwa Biblö draanˈˈ ˗ni ˈgü mɛn ˗nu ˈˈpiʋ̈, dhɛɛˈˈ ˈkpɔ ˗sü ˗yö ꞊klaŋ ˗kë ˈˈwowosü. ˗Yö kwa ˗takun ˈpö kö ˗ya kë ꞊dhɛ pë ˗nu ˈkwa ˗an ˗zɔn ˗ni ˈgü kwa ˗bha ꞊klaŋdhiʋ̈nën ˗dhɛ bhë, ˗ya ˈgüman, ˈö ö ˗zoyö ˗an ˗dhɛ, ˈkwa˗ ˈwɔn dɔ. (be˗F 253 § 3-4) ˈKwa dhɛɛˈˈ ˈkpɔ kwa ˗bha ꞊klaŋdhiʋ̈nën ˗gɔ, ˗kwa kwa zuʋ̈ˈˈ kë ˗saa kö ˗ya ˗yɔ bɔ. ꞊Ya kë ꞊dhɛ ˈyii ˗a ˗yɔ ꞊slɔɔ, ˈkwa ˈdho ˗a ˗zɔn ˗a ˗dhɛ. ˗Kwa dhɛɛˈˈ ˗nu ˈkpɔ ˗a ˗gɔ kö yö ꞊dede ˗ya ˗yɔ ꞊slɔɔ. (be˗F 238 § 1-2) ˈÜ ˈwɔn blɛɛˈˈ ˗ni ˈgü, ˈbha ˈdho ˗a blɛɛˈˈ ˗bia ˗ta, kë ˈˈdhʋ̈ kö pë ˈü˗ pö ˗ni ˈgü bhë, ꞊klaŋdhiʋ̈nën ˗ya ˈgüman. —be˗F 230 § 4.

ˈKwa ˈdho ꞊klaŋ bhë, ˗a kë ˈˈgbɩɩ˗: Pë ˈˈpɛpɛ ˈkwa˗ dɔ ˈö ˗gban pë ˈkwa˗ ˗zɔn ˗ni ˈgü ˗a ˗dhɛ bhë, ˗a ˗bha, ˈkwa ˈdho ˗a ˗gban ˈgü ˈˈpʋ ˗a ˗dhɛ. (Zn 16:12) ˗Kwa ˈto ˈwɔn ga ˈö˗ ˗wo ˗bhüöö kpö ˈkwa˗ yö ˗ni ˈgü bhë, ˗a ˈgü, ˗a ˗ta. (be˗F 226 § 4-5) ˈKwa ˈwɔn ˗bhokota ꞊va kë, ˗a ˈwɔn ga ꞊dede ˈyi ˈdho ˈto ˗a ˈˈɲaan. (be˗F 235 § 3) ˗A ˈmɛn ˈkwa˗ yö bhë, ˗yaa ˈgüman, ˗kwa ˈdho ˈˈdhiʋ̈.

ˈSëëdhɛ ˈˈpian ꞊va draansü: Pë ˈkwa˗ ˈˈpiʋ̈ ˈyaa ˈnën ˈtɔ˗ ˈsëëdhɛ bhë, ˗a ˈˈpian ꞊va draansü. ˈPë ˈkwa˗ ˈˈpiʋ̈ ˗ʒiaan, ˈyö ˗tɔ kö pë ˈkwa˗ draanˈˈ ˗ni ˈgü bhë, ˗yö ˈˈyɛ ꞊klaŋdhiʋ̈nën zuʋ̈ˈˈ ˗bha. (Dk 24:32) ˗Kwa Biblö ˈˈɲan ˗nu ˈwo ˗gban ˗a ˈwɔn ga ˗bha vɛɛdhö ˗an ˗wo pö, kö ˈkwa ˗Zlan ˗Wo ꞊faan ˗zɔn ˗a ˗dhɛ. (2Ko 10:4; Eb 4:12; be˗F 144 § 1-3) ˗Kwa ˈwɔnzuan ˗bhaasü ˗nu ˈsü kö ˈkwa ˗a ꞊klaŋ kë. (be˗F 245 § 2-4) ˗Kwa kwa ˗zoto pë ˈö kwa ˗bha ꞊klaŋdhiʋ̈nën ö ˗zoyö ˗a ˗dhɛ, waa ˈwɔn ˗nu ˈö bɔ ˗ni ˈgü ˗an ˈgü, ˗an ˈˈpiʋ̈ kö ˈkwa˗ ꞊klaŋ kë ˗kɔ ˈsü ˗an ˗bha. Dhɛɛˈˈ ˗nu ˈwo yö, ˗kwaa ˈkpɔ ˗a ˗gɔ: “Pë ˗nu ˈü ˗an draanˈˈ ˗ni ˈgü bhë, ü ˗an ˗yö ˗kɔ ˗kë ꞊dhɛ? ˗Mën ˈwo˗ ˗zɔn ü ꞊dhɛ ˈö ˗gban Zoova ˗bha? ˈBha ˗dhioo ˗nu bhë, ˗an ˗ya ꞊bhlëë ˈgü, ꞊trɔɔn ˗mɛɛn ˈü ˗dho ˗a ꞊slɔɔ?”—be˗F 238 § 3-5; 259 § 1