Kwa ˗dho ˈwɔn ˗daa ˗së kë ˗kɔ ˗kë ꞊dhɛ ˗bhɔkwëë ˗nu ˗ta?

ˈWɔn ˗daa ˗së ˗yö ˗zlanwokɔdhigümɛn ˗nu ꞊faan ˗dɔ. (Wlɔ 14:19) ˗Yö ˗a këmɛn ꞊dede ꞊faan ˗dɔ ˈpö. (Pr 15:23, 28) ˗Dhɛ ˈö ˈˈdhʋ̈, ˗kwa kwa ˈgü dɔ ˈˈgbɩɩ˗ kö ˗bhɔkwëë ˈˈpɛpɛ ˗ta, ˈkwa ˈwɔn ˗daa do kë. ˈˈKɛɛ ˗yö kë kwa ˈˈɲaan ꞊dhɛ ˈˈtʋ̈ŋ ˈˈpɛpɛ ˈka, ˈyaa ˈnën ˈwo ˗dho ˗kɔ ˈˈyɛ kwa ˗bha. ˗Dhɛ ˈö ˈˈdhʋ̈, ˗yö ˗së kö ˈkwa kwa ˗de baaˈˈ dhɛɛˈˈ ˗yɔ ꞊va ˗bha.

ˈWɔn ˗daa ˗së. . .

• ˗yö ˗bhaasü. ˗A ˈgümandhɛ ˗yö ˗së. ˗Yö ꞊klöö˗. ˗Wo ꞊mɔɔn˗ ˗bha kö ˗wa kë minitö ˈˈgbʋ ɛɛnˈˈ ˈö to ˗a ꞊wlöö, ˗a ˈˈpiʋ̈.

• ꞊ya kë kwa ˗de ˗bha ˈwɔn blɛɛˈˈ ˗wo ˈgü, ˗yö ˗kë ˗së.

• ˈyaa ʒiö mɛn ˈˈwɛɛ ˗nu ˗bha ˗yɔ ˈö ˗waa bɔ ˈsaadhö, ˗a ˈgü.

꞊Ya kë ꞊dhɛ ꞊wa ˗kɔ ˈˈyɛ ü ˗bha ꞊blɛɛsü. . .

• ˗bhö dhɛɛˈˈ bhë, ˗a ˗yɔ bɔ vɛɛdhö. ˗Yö kë ˗bhaasü.

꞊Ya kë ꞊dhɛ ꞊wa dhɛɛˈˈ bhë, ˗a ˗yɔ bɔ, ü ꞊mɔɔn˗ ˗bha kö. . .

• ˗kɔ ˈö ˗gban ˗a ˈka Biblö ˈˈɲan ˈö mü ˗a ˗bha, ˈü˗ ˗zɔn.

• ˗kɔ ˈö dhɛɛˈˈ bhë ˈö ˗gban ˗a ˈka kwa ˗bha ˗tosɛta ˗bha, ˈü˗ blɛɛˈˈ.

• ˗kɔ ˈkwa ˗dho ˈto˗ ˈka ˗a ˈˈpiʋ̈, ˈü˗ ˗bhokota kë.

• ˈwɔn ˈbha ˈö ˗kë ˈö ˗gban ˗a ˈwɔn ga ˗bha, ˈü˗ ˗wɔn blɛɛˈˈ.