˗Kwa kwa ˗bha ˈsëëdhɛ ˗nu ˈkun ˗së

Yesu ˗ya ˗pö :‘˗Ya ˗gbaɔ ka ˗gɔ ˈˈwɛɛwɛɛ. Kaa ˗dɩ ˈpö, ˗kaa nu mɛ ˗nu ˗dhɛ ˈˈwɛɛwɛɛ.’ (Mt 10:8) ˗Wo ˈö bhë, ˗to ˗a ˈˈpiʋ̈ ˗sü ˈka, ˈkwa Biblö ɛɛnˈˈ ˈsëëdhɛ ˗nu ˈwo ˗gban ˗a ˗ta, ˗a nu mɛn ˗nu ˗dhɛ, ˈkwaa˗ pö ˗an ˗dhɛ ˗wa ˈˈdhɔ. (2Ko 2:17) ˈˈKɛɛ, ˈsëëdhɛ ˗nu ˈwo bhë, gagade ˗tiaandhö ˗nu ˗wo ˗an ˈgü. ꞊Ya ˈgo mü, yö ˈˈgbɩɩ˗ ˈnën ˈkwa˗ ˗kë, ˈyö ˈwëëga ꞊va ˈnën ˈkwa˗ sü kö ˈkwa ˗an ˗pë ˗kë, kö ˈkwa ˗an bɔ ˗zlanwokɔdhi ˗nu ˈwo ˈˈsɛ ˗todhʋ̈sü ˈgü, ˗an ˈgü. ˗Dhɛ ˈö ˈˈdhʋ̈, ˗a ˗dhɛ ˈö ˈkwa ˗bhawɔn ˈö˗ ˗bha ˈnën ˈkwa˗ ˈsü.

ˈKwa ˈsëëdhɛ ˗nu ˗gblü ˗ni ˈgü mɛn ˗nu ˗ta, ˗a ˗de ˗ʒian ˗zlanwopösü ˈö ˗kan mɛn ˈgü ˗a ˈˈtʋ̈ŋ ˈka, ˗kwaa kë kwa ꞊suan ˈka. (Mt 7:6) ˈKwa ˈdho ˗a nu dosɛnŋ mɛn ˗dhɛ. ˗Kwa kwa ˈgü dɔ ˈˈgbɩɩ˗ kö ˈkwa ˈˈdoo dɔ ˗an ˈˈpiʋ̈ kö ꞊ya kë ꞊dhɛ ˗a ˗dhɔ ˈdhö ˗an ˗bha, ˈkwa˗ dɔ. Dhɛɛˈˈ ˗nu ˈwo ˈkɔnën ˈgü yö, kwa ꞊mɔɔn˗ ˗bha ˈkwa dosɛnŋ ˗yɔ bɔ ꞊ii ˈka ˗ee? ꞊Ya kë ꞊dhɛ ˈkwaa ꞊mɔɔn˗ ˗bha kö ˈkwa˗ ˗wɔn dɔ ꞊ya kë ꞊dhɛ ˗a ˗dhɔ ˗ya ˗bha, ˗kwa ˈsëëdhɛ ˈˈpɛn nu ˗a ˗dhɛ. ˈˈKɛɛ, ˗a mɛn ˗ya pö ˗yö ˈsëëdhɛ ˈbhaˈˈpiʋ̈, ˗kwaa nu ˗a ˗dhɛ zuʋ̈blüdhi ˈka.—Pr 3:27, 28.