Ka ˗zo ˗yö ˗büö Lɔtö bɔɔ ˗wun ˈka

Lɔtö bɔɔ ˈö kun ˈgo ˗ni ˈgü Sodɔmö ˗pö ˈgü, pë ˈö ˗kë ˈö ˗dhɛga ö ꞊taabha Biblö ˈyaa˗ pö. (ˈWn 19:17, 26) Pë ˈö Yesu ˗ya pö bhë ꞊ya ˗zɔn ꞊dhɛ ˗a ˈbha ꞊ya kë kö ˗a zuʋ̈ˈˈ ˗yö ˗bhɔ pë ˈö˗ to ö ꞊taabha bhë, ˗a ˗bha. (Dk 17:31, 32) Kwa ˗dho ˗a kë ꞊dhɛ kö ˈkwa ˈdho ˗da ˗Zlan ˈˈdhiʋ̈ ꞊dhɛ Lɔtö bɔɔ ˈdhö? Kwa dua ˈyaa ˗mü kö ˈkwa ꞊nɔɔn mɛɛnˈˈ ˗sü ˗wɔn bɔ ˈˈdhiʋ̈ kwa ˗bha ˗tosɛta ˈgü. (Mt 6:33) Yesu ˗ya ˗pö “mɛ do ˈyaa ꞊mɔɔ˗ ˗bha kö ˗yö yë kë mɛ ꞊plɛ ˈˈpiʋ̈.” (Mt 6:24) ˈˈKɛɛ ꞊ya kë ꞊dhɛ ˈkwa˗ ˈsuan bho ꞊dhɛ ꞊nɔɔn ˗dhɔ ˗yö kwa ˗bha ˗Zlan ˗dhɔ ˈdho ˗ni ˈgü ˈˈshia˗ ˗mën ˈkwa ˗dho ˗a ˗kë? ˗Kwa bhɛɛˈˈ Zoova ˗dhɛ kö ˗yö kwa ˗takun kö pë ˈö ˈkwa ˗dho ˗a bho ˈˈgblʋʋ, ˈkwa˗ dɔ. ˗Kwa bhɛɛˈˈ ˗a ˗dhɛ ˈpö kö ˗ya ˗bho ˈˈgblʋʋ ˗sü ꞊faan nu kwa ˗dhɛ.

PË ˈWO˗ ˗KË KA ˗ZO ˗YÖ ˗BÜÖ LƆTÖ BƆƆ ˗WUN ˈKA ˈˈPIAN ˗YAAGA ˗NU ˈGÜ BHË, ˗BHÖ Ü ˗ZO ˗BO ˗A ˈKA KÖ ˈÜ DHƐƐˈˈ ˗NU ˈWO YÖ ˗AN ˗YƆ BƆ:

• 

  ˈˈGbɩɩdhɛ ˈwo˗ wɔ Dhɔyi ˗ta kö ˗yö ꞊nɔɔn ꞊va mɛɛnˈˈ bhë, ˗wa ˗yö ˗kɔ ˗kë ꞊dhɛ ˗a ˗bha ˗zotadhe, ˗a ˗bha dhiaŋzë ˗kɔ ˗nu waa˗ ˗bha ˈwɔn ˗kë ˗kɔ ˗nu ˈgü?

• ˗Gleŋ ˗mɛɛn ˈö Lɔtö bɔɔ ˗bha ˈwɔnzuan ˗ya ˗da kwa ˗bha ꞊dɛɛ?

• Biblö ˗bha ˈtɔŋ˗ ˗gɛngbandhɛ ˗nu ˗ya ꞊bhlëë ˈgü ˗sü ˗yö Zoh waa ö ˗bha ˈkɔdhigümɛn ˗nu ˗takun ˗kɔ ˗kë ꞊dhɛ?

• Anö ˈˈtɛɛbɔ ˗nu ˗wa ˗bha ˗Zlan ˗wɔn ˗dho ˈˈshia˗ ˗kɔ ˗kë ꞊dhɛ?

• ꞊Ya kë ꞊dhɛ mɛn ˈbha ˗ya ˈˈgbɩɩdhɛ wɔ kwa ˗ta kö ˈkwa ˈwëëga mɛɛnˈˈ ˗sü ˗wɔn bɔ ˈˈdhiʋ̈, ˈmën ˗kë ˈö ˈkwa ˗bhawɔn ˈdhö ˈgügbɩɩdhɛ ˗bha?

• Ban waa Dhɔyi ˗wa ˗kë ˗mü ꞊dhɛ ˈö ˈwo ˗zlanwɔn bɔ ˈˈdhiʋ̈ ˈzü wo ˗bha ˗tosɛta ˈgü?

• Biblö ˗bha ˈtɔŋ˗ ˗gɛngbandhɛ ˗mɛɛn ˗nu ˈwo go video bhë˗ ˈgü?