˗Zlan ˈö mɛn ˈˈɲan ˈyaa˗ yö bhë, ü ˗kpan ˗a ˗bha ˈˈklʋʋsë ˗nu ˗bha ˗ee?

ˈKwa blëë ˈˈbin ˗sɛŋbɔ ˗nu, ˈˈsusënŋ ˗nu ˈwo dhaŋ˗ ˈgü ɛɛnˈˈ ˈˈyi ꞊gwaadhö ˗nu ˗ga, ˈkwa ˗kpan yö ˗tiaandhö ˈö kwa ˗Damɛn ˗ya ˗kë bhë, ˗a ˗bha ˗ee? Pë ˗nu ˈwo kwa ˗züzü ˗wo Zoova ˈö mɛn ˈˈɲan ˈyaa˗ yö bhë, ˗a ˗bha ˈˈklʋʋsë ˗nu ˗zɔn kwa ˗dhɛ. (Wlɔ 1:20) ˈKwa ˈduannu, ˈkwa kwa ˗zota pë ˗nu ˈkwa ˗an yö bhë ˗an ˈgü ˗së ˈka, kwa ˗dho ˗Zlan ˗bha ˈˈpiigbɩɩdhɛ, ˗a ˗bha ˗dhɔ, ˗a ˗bha ˈˈkpaakpadhɛ, ˗a ˗bha kpɛnŋdhödhɛ waa˗ ˗bha ˈˈgblüsëdhɛ ˗nu yö ˗an ˗bha.—Ps 104:24.

Zoova ˗bha yö ˗së ˗mɛɛn ˗nu ˈö ˈkwa˗ ˗an ˈˈsuanbho yi ꞊gban ˈka? ˈKö ꞊dee kwa ˈpö ˈˈgblʋ̈gblʋ̈ ˗nu ˈgü, kwa ꞊mɔɔn˗ ˗bha ˈkwa ˗kpan ˗maan ˗nu waa ˈˈdhü ˗nu ˗bha mü. Zoova ˗dapë ˗nu ˗ga ˗sü ꞊mɔɔn˗ ˗bha ˈö kwa ˗bha zuʋ̈dhiʋ̈tɛɛ ˗nu ˗dho ˈˈshia˗, ˈö˗ ˗kë ˈö ˈkwa kwa ˈˈtʋ̈ŋ ˗kë pë ˗nu ˈwo ꞊bhlëësü ˗an ˈgü. ˗An ˗ga ˗sü ꞊mɔɔn˗ ˗bha ˈzü kö ˗yö kwa ˗takun kö ˈkwa kwa ˗zoyö ꞊dhɛ Zoova ꞊mɔɔn˗ ˗bha kö ˗yö ö ˗zo kë kwa ˈˈpiʋ̈ ˗tokpa ˈka. (Mt 6:25-32) ꞊Ya kë ꞊dhɛ ˈnën ˗nu ˗wo kwa ˗gɔ, ˗kwa ˗an ˗takun kö ˗wo ˗kpan Zoova ˗bha ˈˈklʋʋsë ˗nu ˈö ˗an ˗zɔn ˈka ˈyaa ˈdhö bhë, ˗an ˗bha. ˗Zlan ˗dapë ˗nu ˈwo kwa ˗züzü ˗an ˗dhɔ ˗ya kwa ˗kë, kwa ˗dho ꞊ɲɔɔn kwa ˗Damɛn ˈˈsɔɔ.—Ps 8:3, 4.

˗BHÖ VIDEO LES MERVEILLES DE LA CRÉATION RÉVÈLENT LA GLOIRE DE DIEU: LA LUMIÈRE ET LES COULEURS ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• Pë ˈbha ˗nu ˈwo wü ˗nu waa blëë ˗nu ˈgü, ˗wo kwa ˗takun ˗kɔ ˗kë ꞊dhɛ kö ˈkwa pë ˈˈɲan ˗nu yö?

• ˈMën ˗kë ˈkwa pë ˈbha ˗nu ˗ga, ˈyö ˗an kwi ˈˈɲan ˈbhü ˗yö go ˈˈgblʋʋ?

• ˈMën ˗kë ˈö dhaŋ˗ ˈgü ˗dhɛ ˈˈɲan ˗yö ˗kë ꞊va?

• Pë ˈˈɲan ˗së suu ˗mɛɛn ˈü ˗kpan ˗a ˗bha ü ˗bha ˈˈkwɛɛngdhɛ ˈˈsue?

• ˈMën ˗kë ˈö ˗së kö ˈkwa kwa ˈˈtʋ̈ŋ ˈsü kö ˈkwa ˗Zlan ˗dapë ˗nu ˗ga?