KWA ˗BHA ˗KË KLETIƐN ˈKA ˗SÜ

˗Kwa kwa ˗kɔ ˈˈyɛ ˗së ˈka kwa ˗bha trʋʋˈˈ ˗nu ˗bha

ˈMën ˗kë ˈkwa dho ˈkwa ˗kɔ ˈˈyɛ ˗së ˈka kwa ˗bha trʋʋˈˈ ˗nu ˗bha? ˈPë ˗kë ˈkwa dho ˗a kë ˈˈdhʋ̈, ˈyö ˗tɔ ꞊dhɛ fimö ˈkwa˗ ˗ga, ˈˈtan ˈkwa kwa ˈˈtʋ ˈto ˗a ˗bha, ɛntɛnɛtö ˈˈnimlɔn ˈkwa dho ˗a ˗ta, ˈsëëdhɛ ˈkwa˗ ˗wo pö ɛɛnˈˈ video ˈkwa˗ ˗zuö, ˗an ꞊gban ˈˈpɛpɛ ˗dho kwa ˗gɔ ˈgü, ˈö ˈwo kwa ˈˈta ˗kɔ ꞊slëë˗ ˈgü. ˈWɔn yaa ˈö ˈdhö ˈyö ˗tɔ trʋʋˈˈ ꞊vadhɛ ˈö ꞊dɛɛ, ˈpë ˗nu ˈö ˗an ˗san ˗yö Zoova ˗kë, ˗wo ˗an ˈgü. (Ps 11:5; Ga 5:19-21) ˗A ˗wɔn ˈgü, Biblö ˗yö kwa ꞊faan mën kö ˈkwa kwa ˗zota ˗kpɛɛwo pë ˗nu ˈwo Zoova ˈtɔ bhɔ ˗an ˈgü.—Fdh 4:8.

˗BHÖ VIDEO COMMENT BIEN CHOISIR NOS DIVERTISSEMENTS ? ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

Mɛn zë trʋʋˈˈ ˗nu ˈwo kun ꞊kwɛŋzü Wlɔmö ˗sɛ ˈgü bhë, ˗wo ˗bhɔ ˗kɔ ˗kë ꞊dhɛ trʋʋˈˈ ˗nu ˈwo ꞊dɛɛ ˗an ˗bha?
˗Zlanwokɔdhigümɛn ˗nu ˗dho wlüünën ˗nu ˗takun ˗kɔ ˗kë ꞊dhɛ kö ˗wo wo ˗kɔ ˈˈyɛ ˗së ˈka ˗an ˗bha trʋʋˈˈ ˗nu ˗bha?
ˈKwa˗ pö ˈkwa kwa ˗kɔ ˈˈyɛ trʋʋˈˈ ˈbha ˗bha, Wlɔmö 12:9 ˗dho kwa ˗takun ˗kɔ ˗kë ꞊dhɛ?
Trʋʋˈˈ ˗së ˗mɛɛn ˗nu ˈwo ˗an ˗kë kwa ˗bha ˈˈpian ˈˈpiʋ̈?

TRƲƲˈˈ ˗NU ˈÖ KWA ˗KƆ ˈYAA ˗AN ˈGÜ ƐƐNˈˈ ˗A ˗DHƐ ˗NU ˈÖ KWA ˗KƆ ˈDHÖ ˗AN ˈGÜ

Trʋʋˈˈ ꞊vadhɛ ˈwo ꞊dɛɛ ˗wa ˗kë ˈö mɛn ˗nu ˗wo ˈwɔn ˗nu ˈö mɛn ˈˈwɛɛ ˗nu ˗wa ˗kë ˗an ˗wo pö ɛɛnˈˈ ˗an ˗ga ˈˈwɛɛwɛ. Fimö ˗nu, ˈsëëdhɛ ˗be ˗nu waa pë ˗nu ˈwo ˗an ˗zɔn tele ˈgü bhë, ˗wo ˈwɔn ˗nu ˈö mɛn ˈˈwɛɛ ˗ya ˗kë ꞊nën ˗an ˗zɔn. ˈKö ꞊dee trʋʋˈˈ ˗nu ˈö ˗an këmɛn ˗kɔ ˈyaa ˗an ˈgü ˗wo ˈdhö, mɛn ꞊vadhɛ ˗wa yö ˗sü ˈka ꞊dhɛ ˗a ˗dhɛ ˈö˗ këmɛn ꞊dede ˗kɔ ˈdhö˗ ˈgü ꞊nën ˈö ˗së. ˗A ˈwɔnzuan ˈö ˈdhö ˈyö ˗tɔ ˈˈtan ˗bho ˈˈtan ˗bho ˗a ˈka pë ˈka ˗sü ɛɛnˈˈ pë ˈˈbin kë ˗sü ˗nu ˗dhɔ ˗yö mɛn ˈbha ˗nu ˗kë. Mɛn ˈbha ˗nu ꞊dee ˈpö balɔn ˗zuö ˗sü, ˗bia ꞊löö ˗sü ɛɛnˈˈ ˗dho ꞊niëën ˗sü ˈö ˈˈblü ˗a ˗dhɔ ˗yö ˗an ˗kë. ˈˈKɛɛ ˗yö ˗kë trʋʋˈˈ suu ˈˈʋʋ su ˈö ˈkwa kwa ˗kɔ ˗yɛ ˗a ˗bha ˗a ˈka, «˗k[w]aa kë ˗Zlan ˈtɔ bhɔ ˗dhɔ ˗dhɛ.»—1Ko 10:31.