˗Kwa ꞊nënŋ mɛn ˗nu ˈö Zoova ˗dhɔ ˗yö ˗an ˗kë, ˗an ˗bha

ˈMën ˗kë ˈkwa dho ꞊nënŋ Zoova ˈˈtɔŋdë ˗nu ˗bha? Kwa dua ˗mü ˈyö ˗tɔ ꞊dhɛ kwa ˗nënŋ ˗bha ˗mɛn ˗nu ꞊mɔɔn˗ ˗bha ˈö ˈwo kwa ˈˈta ˗kɔ ꞊shiö ɛɛnˈˈ ˈwo˗ ˗kë ˗së. (Pr 13:20) ˗A ˈwɔnzuan ꞊nɛn: ˗Gblüdë Zoasö ˗yö «ˈwɔn ˈö ˗së Zoova wëëdhö» ˗a ˗kë ˈyö ˗tɔ ꞊dhɛ ˗yö ˗nënŋ ˈˈsaabhomɛn ˈkpii˗ Zoadö ˗bha. (2Ch 24:2) ˈˈKɛɛ ˗dhɛ ˈö Zoadö ˗yö ga, ˗yo ˗kan Zoova ˗bha, ˈyö ˗tɔ ꞊dhɛ ˗yö ˗nënŋ mɛn yaa ˗nu ˗bha.​—2Ch 24:17-19.

˗Kwɛ këŋ do ˗blɛɛsü ˈgü, bɔmɛn Pɔdhö ˗yö Kletiɛn ˗nu ˗bha ˗zlanwokɔdhi ˗zɔn «˗gblüdë ˗gɔ ˈkɔɔdhɛ» ˈka. ˈYö ˗zlanwokɔdhigümɛn ˗nu ˗zɔn ˗a «pë ˈˈfië» ˗nu ˈka. ˈKwa ˈˈkan mɛn ˈˈʋʋ mɛn ˈö kwa ˗bha ˈkɔdhi ɛɛnˈˈ kwa ˗bha ˗zlanwokɔdhi ˈgü, ˈö pë yaa ˗kë ˗a ˗bha, kwa dho kë «yë ꞊bhlëësü ˗nu ˗kë ˈka ˗pë ˈka.» (2Ti 2:20, 21) ˗Dhɛ ˈö ˈˈdhʋ̈, ˗kwa ꞊nënŋ ˗kpɛɛwo Zoova ˈˈtɔŋdë ˗nu waa mɛn ˗nu ˈwo dho kwa ꞊faan dɔ ˗a ˗dhɔkë ˗sü ˗bha, ˗an ˗bha.

˗BHÖ VIDEO APPRENEZ À REJETER LES MAUVAISES COMPAGNIES ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• Kwa ꞊mɔɔn˗ ˗bha ˈkwa ꞊nënŋ mɛn yaa ˗nu ˗bha kwa ˗de ˈtii ˈka ˗kɔ ˗kë ꞊dhɛ?

• ˗Mën ˈö Kletiɛn ˗yaaga ˗takun ˈö ˈwo ˗kan mɛn yaa ˗nu ˗bha fimö bhë˗ ˈgü?

• Biblö ˗bha ˈtɔŋ˗ ˗gɛngbandhɛ ˗mɛɛn ˈö dho ü ˗takun kö ˈü ü ˗kɔ ˈˈyɛ ˗së ˈka ü ˗nënŋ ˗bha ˗mɛn ˗nu ˗bha?