ˈWɔn ˗nu bhë ‹꞊në ˗wo kë ka ˗zʋ ˗gɔn ˈka ˗wɔn ˈka›

ˈWɔn ˗nu ˗mɛɛn ˗mü? Fidhipö 4:8 ˗ya ˗pö ˈwɔn ˈˈʋʋ ˈwɔn ˈö tɛanwɔn ˈka, ˈö ꞊bhlëësü, ˈö pö ˈaa˗ ˗bha, ˈö ˈˈpuu, ˈö˗ ˈˈdhia˗ dho ˈman mɛn ˈgü, ˈö mɛn ꞊bhlëë ˈgü ˗wɔn ˈka, ˈö ˗së ˗wo kë kwa ˗zo ˗gɔn ˈka ˈwɔn ˈka. ˗A ˗pö ˈˈdhʋ̈ ˗sü ˗gɛn ˈyaa ˈnën ˗tɔ ꞊dhɛ ˈkwa kwa ˗zota ˗kpɛɛwo Biblö dosɛnŋ ꞊nën˗ ˈgü. ˈˈKɛɛ pë ˗nu ˈö ˈkwa dho kwa ˗zota ˗an ˈgü bhë, ˗wo kë Zoova ˗dhɛ ˗së. ˗An dua ˈyaa ˗mü kö ˗wa kë kö ˈkwa ˈˈkan ˗a ˗bha ˈdɔɔni ˈdɔɔni.​—Ps 19:14.

˗Kan ˗zotadhe yaa ˗nu ˗bha ˗sü ˗wo kwa ˗gɔ ˈˈgbɩɩ˗. Kwa dua ˗mü kö ˈkwa ˈko zë ˈwɔn yaa ˗dhii ˈö kwa ꞊dede kwa ˈgü bhë ˗a ˈka, ˈˈkɛɛ kwa dua ˗mü ˈzü kö ˈkwa ˈko zë Sɔtraan ˈö «ˈˈkpʋng ˗taa yö bha ꞊në wo ˗zë ˗a ˗nu ˗bha ˗zlan ˈka» bhë ˗a ˈka. (2Ko 4:4) ˗Dhɛ ˈö ˗kë ꞊dhɛ ˗a ˗kɔ ˗yö pë ˗nu ˈwo yö ˈˈkpɛnŋ ɛntɛnɛtö ˗ta, ö ˈwo yö ˈˈkpɛnŋ ˈpö tele ˗nu, ladio ˗nu, waa ˈsëëdhɛ ˗nu ˈgü bhë, ˗an ˈgü pë ꞊vadhɛ ˈwaa ˗së. ꞊Ya kë ꞊dhɛ ˈkwii kwa ˗kɔ ˈˈyɛ ˗së ˈka pë ˗nu ˈwo ˗da kwa zuʋ̈ˈˈ ˈˈpiʋ̈ ˗an ˗bha, kwa ˗bha ˗zotadhe ꞊mɔɔn˗ ˗bha kö ˗yö kë ˈya˗, ˈö kwa ˈˈta ˗kɔ ˗yö ꞊shiö.—Zk 1:14, 15.

˗BHÖ VIDEO ˗KWA ˈˈKAN PË ˈÖ ˗DHO KWA ˗BHA ˗TO ˗WO ˗TA ˗SÜ SHIƲ̈ˈˈ ˗A ˗BHA: TRƲƲˈˈ YAA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  ˗Mën ˈö kwa ꞊dhegblü bhë ˈö kun ˗a ˗ga ˗ni ˈgü ö ˗bha telefɔnö ˈgü? ˗Yö ˗yɛ ˗a ˗bha ˗kɔ ˗kë ꞊dhɛ?

• 

  Gadhatö 6:7, 8 waa Psaume 119:37 ˗wa ˗takun ˗kɔ ˗kë ꞊dhɛ?