Mɛn ˗nu ˈö ˗dhii ˈyaa ˗an ˗bha ˗an ˗dhɔ Zoova ˗kë

« ˗Kwa kwa ˗kɔ ˈˈzu. ˗Kwa kwa ˗bha ˈkɔɔdhɛ ˈˈzu. ˗Kwa kwa ˗bha ˈˈkwɛɛnŋdhɛ ˗glo. ˗Kwa ˈˈgblu ˗nu ꞊lö. » ˈNënmɛn ꞊vadhɛ ˗wo ˗kɔ ˈö ˗an ˗bha ˈnën ˗nu dho ˈto ˗a ˈka ˈˈpuu ˗a ˗zɔn ˗an ˗dhɛ. ˈˈKɛɛ ˈtɔŋ˗ ˈö ˗gban ˗de ˗kun ˗së ˗sü ˗bha bhë, ˗yö ˗go kwa ˗bha ˗Zlan ˈˈslʋ̈ʋ̈slʋ̈ bhë ꞊nën˗ ˈˈpiʋ̈. (Ex 30:18-20; Dt 23:14; 2Ko 7:1) ˈKwa kwa bunbhadhɛ waa kwa ꞊kwɛɛ˗ ˗nu ˈkun ˗së, ˗yö Zoova ˈtɔ ˗bhɔ. (1P 1:14-16) ˈYö ˗a ˗dhɛ ˈö ˗gban kwa ˗bha ˈkɔ waa kwa ˗züzü ˗dhɛ ˗nu ˗bha ꞊wɛ? Kletiɛn ˗nu ˗wo wo ˈgü ˗dɔ ˈˈgbɩɩ˗ kö ˈwa ˈdho ˗dhɛ ˗dhii ˈkun. ˈWaa ˈˈgblu ˗nu ˗ʒuö ˈˈshia˗ ꞊dhɛ mɛn ˗nu ˈwo to ˗an ˈdhö. (Ps 115:16; ˗Dh 11:18) ˗Kɔ ˈö ˈkwa kwa ˗bha sɔ ꞊kwɛɛ˗ ˗nu, ˈtɛɛ˗ ꞊kwɛɛ˗ waa kwa ˗bha ˈˈsabha ˗nu ˗lo ˗a ˈka, ˗yö kɔ ˈö ˈkwa ˗dhii ˗yö ˈka ˗a ˗zɔn. Pë ˈˈʋʋ pë ˈö ˈkwa dho˗ kë kwa ˗bha ˗tosɛta ˈgü, mɛn ˗nu dua ˗mü kö ˗wa ˈwɔn « dɔ ꞊dhɛ ˗Zlan ˗bha yëkëmɛ ˗mü [kwa] ˈka. »—2Ko 6:3, 4.

˗BHÖ VIDEO DIEU AIME QUE L’ON SOIT PROPRE ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˗Mën ˈö mɛn ˈbhaa ˗nu ˈwo˗ pö kö ˗wa ˈdho wo ˗bha ꞊kwɛɛ˗ ˗nu ˈkun ˗së?

• ˗Zlan ˗bha ˈtɔŋ˗ ˈsëëdhɛ ˈö Moizö ˗ya ˗bɛn zë bhë ˗yö ˗kɔ ˈö Zoova ˗yö ˗de ˗kun ˗së ˗sü yö ˗a ˈka ˗a ˗zɔn ˗kɔ ˗kë ꞊dhɛ?

• Kwa dho Zoova ˈtɔ bhɔ ˗kɔ ˗kë ꞊dhɛ kwa ˈˈta ˗kɔ ˈgü?