Kwa ˗Zlan ˗Wo ꞊bhlëë ˗ya ꞊dedewo ˗ee?

Zoova ˗Zlan ˗zopiʋ̈wɔn waa˗ ˈˈdhiwo ˗nu ꞊nën ˗wo Biblö ˈgü. Yö ˈnën ˗tɔ ˈsëëdhɛ ˗be ˈˈslʋ̈ʋ̈slʋ̈ ˈö bhë ˗a Dëmɛn. (2P 1:20, 21) Biblö ˗ya ˗zɔn ꞊dhɛ ˗Zlan ˗dho bɔ ö ˗bha ˗Gblüdëdhɛ ˗ta kö ˗ya ˗zɔn ꞊dhɛ yö ꞊nën dua ˈdhö ˗mü kö ˗yö kë ˈˈkpɔnŋtaadhɛ ˗todhʋ̈sü ꞊Kɔɔnmɛn ˈka. ˗A ˗zɔn ˈö Biblö ˗ya ˗wo ˈˈdhʋ̈ bhë, ˗yö ˗zoyödhe ˗së ˗nu kwa ˗dhɛ. Biblö ˗yö kwa ˗bha ˗Zlan Zoova, ˈö dhaŋ˗ ˈgü ˗a ˗bha ˈˈklʋʋsë ˗nu ˗zɔn ˈpö.​—Ps 86:15.

Pë ˈö ˗kë ˈö mɛn ꞊gban ˈˈpɛpɛ ˈkwa Zoova ˗Wo ꞊bhlëë ˗ya ˗a ˗gɛn ˗yö ˗dhö. ˈˈKɛɛ ˈkwa˗ ˗zɔn ꞊dhɛ ˈkwa ꞊bhlëë ˗ya gbɔɔdhe ˗së ˈö bhë ˗a ˗bha, ˗a ˗wo pö yi ꞊gban ˈˈpɛpɛ ˈka ˗sü, waa pë ˈö˗ pö ˗a ˗ya ꞊bhlëë ˈgü ˗sü ˈka ˗ee? Psaume ˗bɛnzëmɛn do ˗ya ˗pö: « Ü ˗bha ˈtɔŋ˗ ˗dhɔ ˗yö n ˗kë ꞊dedewo! » Kö kwa këwɔn ˗nu ˗wa ˗zɔn ꞊dhɛ kwa Biblö ˗sü ꞊dhɛ ˗a ˈdhö bhë, ˈaa ˗yö kë!​—Ps 119:97.

˗BHÖ VIDEO ILS ATTACHAIENT DE LA VALEUR A LA BIBLE ˗ EXTRAIT (WILLIAM TYNDALE) ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  ˈMën ˗kë ˈö William Tyndale ˗yö Biblö ˈˈpian ˈbha ꞊dhiëë˗ ˗ta?

• ˈMën ˗kë ˈö˗ ˗bha ˈgüdɔgbɩɩsü kö ˗yö Biblö ꞊dhiëë˗ ˗ta bhë, ˈö˗ ˗wɔn mɛn kun?

• Biblö ˈö Tyndale ˗ya ꞊dhiëëta bhë, ˗a ˗be ˗nu ˗wo ˗wo Angletɛɛ ˗kɔ ˗kë ꞊dhɛ?

• Mɛn ˈö ˈdhö ˗dho ˗a ˗zɔn ˗kɔ ˗kë ꞊dhɛ ꞊dhɛ ˗yö ꞊bhlëë ˗ya ꞊dedewo ˗Zlan ˗Wo ˗bha?