˗Kwa ˗klu Zoova ˗bha ˈyö ˗tɔ ꞊dhɛ ˈˈsɛ ɲën ˈˈtʋ̈ŋ ˗ya yö ꞊klöö˗

˗MËN ˈÖ ˗KË ˈÖ˗ ˗WƆN ˈDHÖ ˈˈGBƖƖ˗?: ˗A ˈˈtʋ̈ŋ ˈyaa ꞊gblɛɛn ˈzü kö ˈwɔn ˗ziisü ˗nu ˈwo dho kwa ˗bha ˈgügbɩɩdhɛ waa kwa ˗bha ˗zoyö Zoova ˗dhɛ ˗sü ˗nu ˗da ˈgüdandhe ˈgü, ˗wo kë. ˈˈKlʋʋbhɔdhe ˈkpii˗ zü ˗dho bho ꞊sua ˗zlanwo ˗nu ˈgüshiʋ̈ ˗sü ꞊nën˗ ˗ta. (Mt 24:21; ˗Dh 17:16, 17) ˗A ˈˈtʋ̈ŋ bhë˗ ˈka, ˗a ˈbha ꞊ya kë kö za ˈö ˗Zlan ˗dho ˗a dɔ mɛn ˗nu ˗bha bhë ꞊nën ˈkwa dho ˗a ˗nɔɔn dɔ. (˗Dh 16:21) Gɔgö ˈö go Magɔgö ˗yö ˗dho nu kwa ˗gɔ. (Éz 38:10-12, 14-16) ˗Ya nu kwa ˗gɔ, Zoova ˗dho «˗glu ˈö dho kë ˗Zlan ˈpiigbeezë ˗bha yi ꞊va ˈka bhë» ˗a ˗da. (˗Dh 16:14, 16, NTBL) ˈKwa˗ ˈˈpiʋ̈ kö kwa ˈgü ˗yö kë ˈˈgbɩɩ˗ ˈwɔn ˗ziisü ˗nu bhë ˗an kë ˈˈtʋ̈ŋ ˈka, kwa dua ˗mü kö ˈkwa ˗klu Zoova ˗bha ˈwɔn ˈˈgbɩɩ˗ ˗nu ˈkwa ˗an ˈgü ꞊dɛɛ yö, ˗an ˈgü.

KWA ˗DHO ˗A KË ˗KƆ ˗KË ꞊DHƐ?:

• Zoova ˗bha ˈtɔŋ˗ ˗nu ˈwo ˗gban ˈˈtakɔ ˗së ˗bha, ˗kwa ˗an ˗wɔn ꞊faan ˈsü ˈkwa ˗an ˗ya ꞊bhlëë ˈgü.​—Is 5:20

• ˗Kwa ˗Zlan ˗dhɔkë ˗kpɛɛwo kwa ꞊dhegblü ˗nu ˈˈpiʋ̈.​—Eb 10:24, 25

• Zoova ˗bha ˗kɔlokota ˗ya pë ˈbha pö, ˗kwa ˈto ˈkwa˗ ˗ya ꞊bhlëë ˈgü.​—Eb 13:17

• ˗Kɔ ˈö Zoova ˗yö ö ˗dhɔkëmɛn ˗nu dha ˗a ˈka ꞊kwɛŋzü, ˗kwa kwa ˗zota ˗a ˈgü.​—2P 2:9

• ˗Kwa bhɛɛˈˈ Zoova ˗dhɛ. ˗Kwa ˈdhaŋ bho˗ ˈˈdhiʋ̈.​—Ps 112:7, 8

˗BHÖ VIDEO DES ÉVÈNEMENTS QUI DEMANDERONT DU COURAGE (EXTRAIT) ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  ˗Dhɛ ˈwo ˗zlanwokɔdhi do ˈgümɛn ˗nu ˗gblü ˗zlanwokɔdhi ˗nu ˈgü, ˗yö ˗kë ˈgüdandhe ˈka ˗an ˗gɔ ˗kɔ ˗kë ꞊dhɛ?

• 

  ˈGügbɩɩdhɛ waa ˗gɔ ˗dho ˈˈshia˗ ˗sü ˗wo ˗gban ˗sü ˈka wo ˈkwëë˗ ˗kɔ ˗kë ꞊dhɛ?

• 

  ˈMën ˗kë kwa ˗bhawɔn ˈö dho yö ˈgügbɩɩdhɛ ˗bha Aamagedɔn ˈˈtʋ̈ŋ ˈka?

• 

  ˗Kwɛzlan ˗mɛɛn ˈö Biblö ˈgü ˈö ꞊mɔɔn˗ ˗bha ˈö kwa ˗zogban ꞊dhɛ Zoova ꞊mɔɔn˗ ˗bha ˈö kwa dha?​—2Ch 20:1-24