PË ˗SƐŊBƆ ˗NU ˈWO ˗ZLAN ˗WO ˈGÜ | LÉVITIQUE 4-5

ˈPë kwa ˗kɔ ꞊mɔɔn˗ ˗bha ˗kwaa nu Zoova ˗dhɛ

5:5-7, 11

Izraɛdhö ˈˈsɛ ˈgü, ˈˈflɛɛdhɛ ˈyaa kun mɛn ˈbha ˗kɔ ꞊nënŋ ˗ni ˈgü gbɔɔdhe ˗kë Zoova ˗gɔ ˗sü ˗bha. Izraɛdhömɛn ˗nu ˈwo kun ˈˈflɛɛsü, ˗a ˗sɩ ˗kun ˗an ˗dhɛ ˗ʒiaanwo kö ˗wo pë ˈbha ˈö ˗dho kë Zoova ˗dhɛ ˗së ˗a ꞊gbɔɔ ˗a ˗gɔ. ˗Wo ꞊mɔɔn˗ ˗bha ˗be ˈwo ˈbluu˗ ˗bi nu. ˈˈKɛɛ Zoova ˗kun ˗a ˈˈpiʋ̈ kö ˗a ˈbluu˗ ˗bi ˈö ˈˈdhʋ̈ ˗yö kë «˗së», ˗yö kë ˗a ˗dhɛ ˈö ˈwo˗ sü ˈwo wo ˗kɔ ˗ya ˗a ˈka ˗dhɛŋ ˈkpii˗ ˗nu ˗gɔ, ˗a ˈka. (ˈWn 18:6) ꞊Dɛɛ, ˗yö ˗kë pë ˈˈʋʋ ˗pë ˈö kwa ˗kɔ ˗yö ꞊mɔɔn ˗a kë ˗sü ˗bha ˗a ˈka, pë ˈˈpɛpɛ ˈkwa ˗an ˗kë kö ˈkwa «Zoova nuɛˈˈ bho» kö «ˈkwa˗ ˈtɔ bhɔ» ˗wa ˗dhɛ ˗së.—Eb 13:15.

Pë ˗nu ˈü kun ˗an kë ˗ni ˈgü zii ˈka ꞊ya kë ꞊dhɛ ˈbhaa ꞊mɔɔn ˗an kë ˗sü ˗bha ˗zü ˈˈyua ɛɛnˈˈ pë ˈˈwɛɛ ˈbha ˈkosɔn, ˗wo ˗nu ˈwo bhë ˗wo ü ꞊faan ˗dɔ ˗kɔ ˗kë ꞊dhɛ?

Pë ˈˈbin ˗nu: Kwa ꞊dhegblüdhe ꞊plɛ ˗wo ‹Zoova nuɛˈˈ bho› ˗ni ˈgü ˈö ‹ˈwo˗ ˈtɔ bhɔ› ˗ni ˈgü ˈpö. 1. Kwa ꞊dhegblüdhe do ˗yö ˗zlanwopö ˗ni ˈgü dhebɔ do ˗dhɛ ˈˈdhookwëë ˗an ˗wo ˈö˗ ꞊draan ˗a ˈgü. 2. Kwa ꞊dhegblüdhe do ˈö ꞊ya kë zii ˗yö ˈsëëdhɛ ˗ya ˗ni ˈgü ˗a ˗gɔ ˈkɔɔ kö ˗ya bɔ.