꞊Ya kë ꞊dhɛ ü bɔ ˈˈyi ꞊bhaa ˗ʒian ˗ta, ˈbha ˗wo ˈˈmɛn?
KWA ˗BHA ˗KË KLETIƐN ˈKA ˗SÜ
˗Bhö ˈˈwɩ Zoova ˗dhɔkësü ˗bha
꞊Ya kë ꞊dhɛ ˈü ˗zlanwopömɛn ˈö ˈyii bɔ ˈˈyi ꞊bhaa ꞊köŋ ɛɛnˈˈ Biblö ꞊klaŋnën ˈka, ü˗ ˈˈpiʋ̈ ˈü bɔ ˈˈyi ꞊bhaa ˗ee? ˈMën ˗kë ˈö ˗bɔ ˈˈyi ꞊bhaa ˗sü ˗dhɔ dua ˈdhö ˗mü kö ˗yö kë ü ˗bha? ˈBha ü ˗de nu Zoova ˗dhɛ, ˈbha bɔ ˈˈyi ꞊bhaa ˗mlɛɛn ˗së ꞊mɔɔn˗ ˗bha ˈö ˗da kaa Zoova ka ꞊zinŋ ˈgü. (Ps 91:1) ꞊Ya ˈgo mü ˈzü ˗wo ꞊mɔɔn˗ ˗bha ˈwo ü dha. (1P 3:21) Ü ˗dho ˗a kë ꞊dhɛ kö ˈü bɔ ˈˈyi ꞊bhaa?
Pë ˗nu ˈü ˗an draanˈˈ ˗ni ˈgü bhë, ˗an ˗bhaa ˗kë gagade ˈka ˗sü ˗yö ga ü ˈgü. Dhɛɛˈˈ ˈbha ˗nu ˗wa nu ü ˗gɔ ˈgü, bhi ꞊dede ˗bhö ˗dhɛga kwa ˗bha ˈsëëdhɛ ˗nu ˈgü kö ˈü ˗an ˗yɔ mɛɛnˈˈ. (Wlɔ 12:2) Pë ˗nu ˈö ˗an ˗bho ˈˈgblʋʋ ˗wɔn ˈö ˈdhö ü ˗bha ˗tosɛta ˈgü, ˗bhö ˗an bho ˈˈgblʋʋ. ˈˈKɛɛ ˗bhö ˗a kë ˈˈdhʋ̈ ˗kë Zoova ˗dhɛ ˗së ˗sü ꞊nën ˈkosɔn. (Pr 27:11; Ef 4:23, 24) Bhɛɛˈˈ ˗a ˗dhɛ yi ꞊gban ˈka kö ˗yö ü ˗takun. ˈBha˗ kë ˈˈdhʋ̈, ˗a ˈwɔn kë ü ˈˈɲaan ꞊dhɛ ˗yö ˗dho ꞊faan nu ü ˗dhɛ, ˈö ü ˗takun ˗a ˗bha ˗zuu ˈˈslʋ̈ʋ̈slʋ̈ ˈka. (1P 5:10, 11) Ü ˈgü ˈü dho ˗a dɔ ˈˈgbɩɩ˗ bhë ˈyaa ˈˈwɛɛwɛ. Zoova ˗dhɔkësü ˈnën ˗tɔ ˗tosɛta kë ˗kɔ ˗së, ˈö ˈdhö.—Ps 16:11.
˗BHÖ VIDEO LE CHEMIN MENANT AU BAPTÊME ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
˗Mën ˈö mɛn ˈbhaa ˗nu ˈwo bɔ ˗an ˈgü kö ˗wo bɔ ˈˈyi ꞊bhaa?
Ü ˗dho ˗a kë ꞊dhɛ kö ˗zoyödhe ˈö ˈü ˗bhawɔn ˈdhö˗ ˗bha kö ˈü bɔ ˈˈyi ꞊bhaa ˗yö kë ü ˗gɔ?
˗Mën ˈö mɛn ˈbhaa ˗nu ˗blü ˈwɔn ˈbha ˗nu kë ˗sü ˗bha kö ˗wo ꞊mɔɔn ˗bɔ ˈˈyi ꞊bhaa ˗sü ˗bha?
ˈDhuëë˗ ˗mɛɛn ˈö Zoova ˗ya kpɔ mɛn ˗nu ˈwo ˗we ˗a ˗dhɔkësü ˗bha ˗an ˗bha?
˗De ˗nu ˗Zlan ˗dhɛ ˗sü waa ˗bɔyibhaasü ˗gɛn ˈnën ˗tɔ ˗mën?