˗Kwa ˈwɔn ga ga ˗nu ˈgü ˈˈpʋ

ˈKwa ˗womɛndhɛsü kë ˗ni ˈgü ɛɛnˈˈ ˈkwa Biblö ˗zɔn ˗ni ˈgü mɛn ˈbha ˗dhɛ, kwa dua ˗mü kö ˈkwa˗ kë kö ˗ya ˈwɔn ga ga ˗nu ˈgüman. ˈKwa ˈwɔn ga ga ˗nu ˈgü ˈˈpʋ, kwa dho ˈpa ˗a zuʋ̈ˈˈ ˈka ˈö pë ˗nu ˈö ˗an ꞊draan ˈwo to ˗a ˈˈɲaan.

ˈKwa kwa ˗de baaˈˈ ˗ni ˈgü ˗womɛndhɛsü ɛɛnˈˈ Biblö ˗zɔn mɛn ˈbha ˗dhɛ ˗sü ˗bha, ˗kwa kwa ˗kɔ ˈˈyɛ ˈwɔn ga ga ˗nu ˈkwa˗ ˈˈpiʋ̈ kö ˈkwa ˗an ˈgü ˈˈpʋ wo ꞊nën ˗an ˗bha. ˈKwa kwa bo, ˗kwa ˈwɔnzuan ˗bhaasü ˗nu ˈwo ˗gban ˗tosɛadhe ˗bha, ˗an mɛɛnˈˈ. (Mt 5:14-16; Mk 2:21; Dk 14:7-11) ˗Kwa kwa ˗zota ˈmɛn ˈkwa dho ˗a draanˈˈ bhë, ˗a ˗bha ˗tosɛta ˈgü. (Dk 5:2-11; Zn 4:7-15) ˈWɔn ga ga ˗nu ˈkwa dho ˗an ˈgü ˈˈpʋ, ˈkwa˗ yö ꞊dhɛ ˗an ˈgümansü ˗ya ˗mɛn zuʋ̈ˈˈ ꞊nii ˗da, kwa ꞊dee kwa zuʋ̈ˈˈ ꞊nii ˗dho ˗da ˈpö.

˗BHÖ VIDEO ˗KWAA KË KÖ KWA ˗GƐN ˈDHO ˈˈDHIƲ̈, KÖ ZUƲ̈GBLÜDHI ˈÖ MƐN ˗NU ˗KË YESU ˗BHA GWËËˈˈ ˈKA ˗SÜ ˈGÜ, ˈKWA˗ ꞊SLƆƆ: ˗KWA ˈWƆN GA GA ˗NU ˈGÜ ˈˈPƲ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  ˈMën ˗kë ˈö kwaa Biblö ꞊klaŋnën ˗nu ˗bhawɔn ˈdhö ˗takundhe ˗bha ꞊shiöŋ kö ˗wo Biblö ˈˈɲan ˈbha ˗nu ˈgüman?

• 

  Nita ˗yö Wlɔmö 5:12 ˈgü ˗pʋ ˗kɔ ˗kë ꞊dhɛ ˈwɔnzuan ˈka?

• 

  ˈMën ˈwɔnzuan ˗së ˗nu ˗wa ˗kë ˈˈtʋ ˗to kwa ˗bha ˗mɛn ˗nu ˗dhɛ?

• ˈKwa ˗zlanwopö ˗ni ˈgü, ˈmën ˗kë ˈö ˗së kö ˈkwa yö kë video waa mɛn ꞊klaŋ ˗kë ˗a ˈka pë ˗nu ˈö Zoova ˗bha ˗kɔlokota ˗yö ˗an pë ˗kë bhë, ˗an ˈka?