˗Kwa ˗dhɔ ˗zɔn kwaa ˈkɔdhi ˈgü

˗Dhɔ ˈnën ˗tɔ pë ˈö ˈkɔdhigümɛn ꞊nënŋ wo ˈko ˗bha. ˗Dhɔ ˈyii kë ˈkɔdhi ˈbha ˈgü, ˗a ˈgümɛn ˗nu ˗bha wo ˈko ˗wo ˈgü man ˗sü waa yö ˗kë wo ˈˈkwëë ˗sü ˗kë ˈˈgbɩɩ˗. ˗Kɔ ˗mɛɛn ˈö dhegɔndë ˗nu, gwanbhadhe ˗nu waa ˈnënmɛn ˗nu ˈwo dho ˗dhɔ ˗zɔn ˗a ˈka wo ˗bha ˈkɔdhi ˈgü?

Dhegɔndë ˈö˗ ˈbɔɔ ˗dhɔ ˗ya ˗kë, ˗yö ö ˗zoto ˗a ˗bhawɔn ˗nu waa˗ zuʋ̈piʋ̈wɔn ˗nu ˈˈpiʋ̈. ˗Yö ö ˈˈtʋ ˗to ˗a ˗bha ˈpö. (Ef 5:28, 29) ˗Yö ö ˗bha ˈkɔdhigümɛn ˗nu ˈˈdhiʋ̈ ˗gba ˈö˗ ˗kë ˈwo ꞊ɲɔɔn Zoova ˗bha. ˈGo mü ˈzü ˗wo ˗Zlan ˗dhɔkë ˈkɔɔsü ˗kë yi ꞊gban ˈka. (1Ti 5:8) Gwanbhadhe ˈö˗ ˗bha ˈkɔdhigümɛn ˗nu ˗dhɔ ˗ya ˗kë, ˗yö ö ˗gɔ ˗dho ö ˗gɔn ˗dhɛ ˈˈshia˗ ˈö˗ «꞊bhlëë ˗ya.» (Ef 5:22, 33; 1P 3:1-6) ˗An ꞊gban ꞊plɛ dua ˗mü kö ˗wo wo ˈko ˗bhawɔn ˈto yi ꞊gban ˈka. (Ef 4:32) ˈNënmɛn ˗nu ˈö ˗an ˗bha ˈnën ˗nu ˗dhɔ ˗yö ˗an ˗kë, ˗wo wo ˈˈtʋ̈ŋ ˗kë ˗an ˈgü, ˈyö ˈwo ˗an ˗takun kö Zoova ˗dhɔ ˗yö ˗an kë. (Dt 6:6, 7; Ef 6:4) ˈWɔn ˈˈgbɩɩ˗ ˗mɛɛn ˈö ˗an ˗bha ˈnën ˗nu ˈwo bɔ ˗ni ˈgü ˗an ˈgü ꞊klaŋplöö? ˗An ˈˈtɛɛbɔ ˗nu ˗wa ˈˈgbɩɩdhɛ wɔ ˗an ˗ta ˗wa ˗kë ˗kɔ ˗kë ꞊dhɛ? ˗Dhɔ ꞊dede ˗ya kë ˈkɔdhigümɛn ˗nu ꞊zinŋ ˈgü, ˗wo ˗kë wo ˗de ˈgü ˗së ˈyö ˈwo ˗kë wo ˈflëë˗ ˈgü.

˗BHÖ VIDEO MANIFESTEZ L’AMOUR INDÉFECTIBLE DANS VOTRE FAMILLE ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  Dhegɔndë ˈö˗ ˈbɔɔ ˗dhɔ ˗ya ˗kë, ˗yö ö zoto ˗a ˈˈpiʋ̈ ˈö˗ kun ˗kɔ ˗kë ꞊dhɛ?

• 

  Gwanbhadhe ˈö˗ ˗gɔn ˗dhɔ ˗ya ˗kë, ˗yö ꞊bhlëë ˗zɔn ö ˗gɔn ˗dhɛ ˗kɔ ˗kë ꞊dhɛ?

• 

  ˈNënmɛn ˗nu ˈö ˗an ˗bha ˈnën ˗nu ˗dhɔ ˗yö ˗an ˗kë, ˗wo ˗Zlan ˗Wo ˗zɔn ˗an ˗dhɛ ˗kɔ ˗kë ꞊dhɛ?