KWA ˗BHA ˗KË KLETIƐN ˈKA ˗SÜ

**˗Kwa yö kë Zuʋ̈gblüdhi ꞊slɔɔ ˗toëpö ˈka! ˈka ˗zlanwopödhɛ ˈgü**

ˈSëëdhɛ ˗be ˈnën waa ˈsëëdhɛ ˗be ˗dɛɛ ˗nu ˈkwa ˗an ꞊slɔɔ kö ˈkwa Biblö ˗zɔn ˗an ˈgü mɛn ˗nu ˗dhɛ bhë, ˗wo kwa zuʋ̈ˈˈ ꞊nii ˗da ꞊dedewo. Kwa ˗bhɛɛ Zoova ˗dhɛ kö ˗yö ˈdhuëë˗ ˈkpɔ yö ˈö ˈkwa dho ˗a kë kö ˈkwa mɛn ꞊va kë ˈzü Yesu ˗bha gwëëˈˈ ˗nu ˈka bhë, ˗a ˗bha. (Mt 28:18-20; 1Ko 3:6-9) Kwa ˗dho yö ˗kë ˗an ˈka ˗kɔ ˗kë ꞊dhɛ?

˗Dhɛ ˈö ˗kë ꞊dhɛ mɛn ꞊klaŋ kë ˗kɔ ˗dɛɛ ˈnën ˈsëëdhɛ Zuʋ̈gblüdhi ꞊slɔɔ ˗toëpö ˈka!, Biblö draanˈˈ ˈgü bhë, ˗kɔ ˈö ˈkwa dho kwa ˗de baaˈˈ kö ˈkwa mɛn ˗nu ꞊klaŋ kë ˗a ˈka, yö ꞊nɛn.a

˗Kwa ˗wo ˗bhüöö kpö ˗nu ˗wo pö, kö ˈkwa dhɛɛˈˈ ˗nu ˗yɔ mɛɛnˈˈ.
˗Kwa Biblö ˈˈɲan ˗nu ˈö «˗wo pö» ˈdhö ˗an ˈˈdhiʋ̈ bhë ˗an ˗wo pö, kö ˈkwa Biblö ꞊klaŋnën ˗takun kö ˗ya ˗ya ꞊bhlëë ˈgü ˗kɔ dɔ.
˗Kwa video ˗nu ˈwo˗ ˈgü ˗an ˈˈwɩ kö ˈkwa ˗an ˈgüwɔn ˈˈdoo dɔ ˗bɔ dhɛɛˈˈ ˗nu ˈwo ˗gban ˗an ˗bha, ˗an ˗ta ˗sü ˈka.
˗Kwa kwa ˈgü dɔ ˈˈgbɩɩ˗ kö ˈwɔn ˗gɔ ˗dhɛ ˈö ˈdhö ˈkwa˗ draansü ˈˈdhiʋ̈ta ˗dhɛkpaɔyi do ˈgü.

˗Zlan ˗dhɔ ˗ya kë mɛn ˈbha ˗bha ˗zlanwopödhɛ ˈgü, ˗kwa ˈsëëdhɛ ˗be ˈnën bhë ꞊nën˗ nu˗ ˗dhɛ ˗blɛɛsü. (Kpɔɔˈˈ ˈkɔnën «Kwa ˗dho ˈsëëdhɛ ˗be ˈnën Zuʋ̈gblüdhi ꞊slɔɔ ˗toëpö ˈka! ˗zɔn ˗kɔ ˗kë ꞊dhɛ ˗womɛndhɛsü ˗blɛɛsü ˈˈtʋ̈ŋ ˈka? ˗bha.») ˈKwa kwa bo ˗a draansü ˈka ˗a ˈˈpiʋ̈, ˈö˗ ˈˈpiʋ̈ kö ˗yö ˈdho˗ ˈka ˈˈdhiʋ̈, ˗kwaa ˈsëëdhɛ ˗be nu ˗a ˗dhɛ kö ˈkwa˗ draansü züdɔ ˗a ˈwɔn ˗gɔ 04 ˗naan ˗ta. ˈKwa Biblö draanˈˈ ˗ni ˈgü mɛn ˈbha ˈˈpiʋ̈ ˈsëëdhɛ ˗be Biblö ˗ya ˗pö ꞊dhɛ ɛɛnˈˈ ˗Zlan ˗dhɔ ˗bha ˗kplawo ˈgü, ˗kwaa ˈduaannu kö ˈkwa ˈdho ˈsëëdhɛ ˗be Zuʋ̈gblüdhi ꞊slɔɔ ˗toëpö ˈka! ˈgü. ˗Dhɛ ˈö ˈkwa dho ˗a züdɔ ˗a ˗bha, ˗kwaa mɛɛnˈˈ.

Dhe waa ö ꞊gɔn do ˈö bhë, ˗wo Biblö draanˈˈ ˗ni ˈgü mɛn do ˈö bhë˗ ˈˈpiʋ̈ ˈsëëdhɛ ˗be ‹Zuʋ̈gblüdhi ꞊slɔɔ ˗toëpö ˈka!› ˈgü ˗a ˗gɔ ˈkɔɔ.

˗BHÖ VIDEO PRÉSENTATION DU COURS BIBLIQUE INTERACTIF ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

ˈMën Biblö ꞊klaŋnën ˗nu ˈwo dho ˗a draanˈˈ ˈsëëdhɛ ˗be ˗dɛɛ ˈö bhë, ˗a ˈgü?
ˈMën ˗kë kwa dua ˈdhö ˗mü kö ˈkwa video bhë˗ ˗zɔn kwa ˗bha Biblö ꞊klaŋ ˗dɛɛ ˗nu ˗dhɛ?
ˈMën kwa dua ˈdhö ˗mü kö ˈkwa kwa ˗bha Biblö ꞊klaŋ ˗nu ꞊faan dɔ ˗a ˗ya ˗wo ˗zo ˈˈpiʋ̈ ˗sü ˗bha, kö ˗wa kë?—Kpɔɔˈˈ ˈkɔnën «˗Kɔ ˈˈpian ˗dhɛ ˈö ˈdhö ˗a ˗gɔ waa ˈpë ꞊klaŋnën dho ˗a kë» ˗bha.

a ˗ZOTO ˗A ˈˈPIƲ̈ ˗WƆN: ˈKö ꞊dee ˈsëëdhɛ ˗be ˈö bhë, ˗a ˈˈpian ˈö ˗kë «˗An ˗ga ˈpö» ˈka bhë ˗a draansü ˈyaa ˈˈgbɩɩdhɛ ˈka, ˈkwa kwa ˗de baaˈˈ ˗ni ˈgü, ˗kwa kwa ˗bha ˈˈtʋ̈ŋ ˈsü kö pë ˗nu ˈwo˗ ˈgü ˈkwa ˗an ˗wo pö ɛɛnˈˈ ˈkwa ˗an ˗ga. ˗A ˗kë ˈˈdhʋ̈ ˗sü ˗dho kwa ˗takun kö ˗a ˗dhɛ ˈö ˗dho kë kwa ˗bha Biblö ꞊klaŋ ˗dhɛ ˗së ˈö ˗dho ˗a ˗takun, ˈkwa˗ dɔ. ˗A ˗be ˗dhɛ ˈö ɛntɛnɛtö ˗ta ɛɛnˈˈ parɛɛ ˗nu ˈgü, video waa ˈsëëdhɛ ˈbha ˗nu ˗bha pë ˈˈbudhaŋsü ˗ya ˈgü.

˗KƆ ˈˈPIAN ˗DHƐ ˈÖ ˈDHÖ ˗A ˗GƆ WAA ˈPË ꞊KLAŊNËN DHO ˗A KË
	ˈWƆN ˗GƆ ˗NU	˗A ˗GƆ	ˈPË ꞊KLAŊNËN DHO ˗A KË
1	01-12	˗Kɔ ˈö Biblö ˈö ꞊mɔɔn˗ ˗bha ˈö kwa ˗takun ˗a ˈka, waa ˈpë ˈkwa dho ˗a kë kö ˈkwa kwa ˗Damɛn dɔ.	ˈPë ˈö ˗Zlan ˈö˗ ˗kë kwa ˗dhɛ waa˗ ˗dhɔkë ˗kɔ ˈö ˗dhi ˗a ˗dhɛ.
2	13-33	ˈPë ˗Zlan ˈdhö˗ ˈˈpiʋ̈ kö˗ ˗dhɔkëmɛn ˗nu ˗wa kë.	˗Kɔ ˈö ˈkwa dho ˗klu ˗a ˈka ˗Zlan ˗dhɔ ˗bha.
3	34-47	˗Yö Biblö ˗wo pö, ˗yö ö ˗de baaˈˈ ö ˗bha Biblö ꞊klaŋ ˗bha. ˗Yö ˈdho ˗bhɔkwëë ˗nu ˗ta.	Gagade ˈö˗ draanˈˈ ˗ni ˈgü Biblö ˈgü bhë, ˗ya ˗wɔn blɛɛˈˈ mɛn ˈˈwɛɛ ˗nu ˗dhɛ kö ˗yö kë ˗zlanwopömɛn ˈka.
4	48-60	˗Yö ö ˗de nu Zoova ˗dhɛ, kö ˗yö bɔ ˈˈyi ꞊bhaa.	˗Kɔ ˈö dho ˗a kë˗ ˈka kö ˗yö ˈwɔn yaa waa ˈwɔn ˗së ˗an ˗bhokoo dɔ ˗a ˈka, kö˗ ˗gɛn ˈdho ˈˈdhiʋ̈, ˗ya draanˈˈ.

**KWA ˗DHO ˈSËËDHƐ ˗BE ˈNËN ZUƲ̈GBLÜDHI ꞊SLƆƆ ˗TOËPÖ ˈKA! ˗ZƆN ˗KƆ ˗KË ꞊DHƐ ˗WOMƐNDHƐSÜ ˗BLƐƐSÜ ˈˈTƲ̈Ŋ ˈKA?**

Dhɛɛˈˈ suu do ˈö kwa ˗bha ˈsëëdhɛ ˈˈpɛn ˗nu ˗ta bhë, ˈnën ˈö ˈsëëdhɛ ˗be ˈnën bhë, ˗a ꞊taa. ˈˈDhɛ ˈö ˈˈdhʋ̈, ˗a ˗zɔn ˗kɔ ˈbha ꞊nɛn:

Dhɛɛˈˈ bhë, ˗kwaa ˈkpɔ.
˗A ˗yɔ ˈö Biblö ˗ya nu Psaume 37:29 ˈgü, ˗kwaa ˗wo pö.
ˈWɔn gaga ˗nu ˈwo˗ ˈˈpian «˗A ꞊trɔɔn ˈtɔ˗ ˗mën ka ˗bha ˈka?» ꞊wlöö bhë, ˗kwa ˗an ˈˈdoo dɔ. ˈˈTʋ̈ŋ ˗ya kë kwa ˗gɔ, ˗kwa Biblö ˈˈɲan ˗nu ˈwo˗ ˈgü ˗an ˗wo pö kö ˈkwa pë ˈˈbin ˗nu ˈgü ˈˈpʋ.
˗Kwaa pö ˗a ˗mɛn ˗dhɛ ꞊dhɛ kwa˗ ˈˈpiʋ̈ kö dhɛɛˈˈ ˈö ˈsëëdhɛ ˗be ˈnën bhë ˗a ˈˈpian ˗gɔ ˈˈshiaŋ˗ bhë, ˈkwa ˗a ˗yɔ ˗zɔn ˗a ˗dhɛ. ˗Ya ˈˈwɩ˗ ˗bha, ˗kwaa ˈwɔn ˗gɔ ˗blɛɛsü draansü züdɔ.