˗Kwa ˈˈwɩ kwa ꞊dhegblü ˗nu ˗bha ˗takundhe ˗bha

Zoova ˗yö kwa «dheebhaŋ ˗nu» ˗nu kwa ˗dhɛ kö ˗wo kwa ˗takun. (1P 5:9) ˗Wo ꞊mɔɔn˗ ˗bha ˈwo kwa ˗takun kö ˈwɔn ˈˈgbɩɩ˗ ˗nu ˈwo ˗zlanwopödhɛ ˗nu ˈgü, ˈkwa bɔ ˗an ˈgü. ˗A ˈwɔnzuan ˈö ˈdhö ˈyö ˗tɔ Akila waa Plisidhö, Sidhasö, Timote waa mɛn ˈˈwɛɛ ˈbha ˗nu ˗wo bɔmɛn Pɔdhö ˗takun.​—Kë 18:1-5.

Kwa ꞊dhegblü ˗nu ꞊mɔɔn˗ ˗bha ˈwo kwa ˗takun ˗kɔ ˗kë ꞊dhɛ ˗zlanwopödhɛ ˈgü? ˗Wo ꞊mɔɔn˗ ˗bha ˈwo ˗dhioo ˗nu ˈwo ˗gban ˗kɔ ˈö ˈkwa dho bɔ ˗a ˈka pë ˈö mɛn ˗nu ˈwo˗ pö kö ˈkwa ˈdho ˗zlanwopö ˗an ˗dhɛ ˗an ˗ta, ˗kɔ ˈö ˈkwa dho ˗womɛndhɛsü ˗dɛɛ ˗nu kë˗ ˈka ɛɛnˈˈ ˈkwa dho Biblö draansü ˗dhɛ mɛn ˈbha ˗gɔ ˗an ˗bha, ˗an ˗zɔn kwa ˗dhɛ. ꞊Ya kë ꞊dhɛ mɛn ˈbha ˗yö ü ˗bha ˗zlanwokɔdhi ˈgü ˈö ꞊mɔɔn˗ ˗bha ˈö ü ˗takun ˗zlanwopödhɛ ˈgü, ˗bhö ˗takundhe ˗dhɛ ˗a ˗gɔ. ˈBha˗ ˗kë ˈˈdhʋ̈ ˗yö ˗dho ˈwɔn ˗së kë mɛn ꞊gban ꞊plɛ ka ˗dhɛ, ˈö ka ˗bha zuʋ̈gblüdhi ˗yö ˗dadhiʋ̈.​—Fdh 1:25.

˗BHÖ VIDEO ˗KWA ˈˈWƖ ZOOVA ˗BHA ˗TAKUNDHE ˗BHA, KÖ ˈKWA ZUƲ̈GBLÜDHI ꞊SLƆƆ MƐN ˗NU ˗KË YESU ˗BHA GWËËˈˈ ˗NU ˈKA ˗SÜ ˈGÜ: KWA ꞊DHEGBLÜ ˗NU ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  Nita ˗yö ˈˈSënŋ ꞊faan ˗mën ˗kɔ ˗kë ꞊dhɛ kö ˗yö ˈdho ˗bhɔkwëë ˗nu ˗ta?

• 

  ˈMën ˗kë ˈö ˗së kö ˈkwa ˗zlanwopömɛn ˈˈwɛɛ ˗nu ˗dhɛ kwa ˗bha Biblö ꞊klaŋ ˗nu ˗ta?

• 

  ˈWɔn do ˗mɛɛn ˈö˗ ˗dhɔ ˈö kun ˈˈSënŋ waa Abigai ˗an kë ˗ni ˈgü?

• ˈMën kwa ꞊dhegblü ˗nu ˈwo ꞊mɔɔn˗ ˗bha ˈwo˗ ˗gleŋ ˗da kwa ˗bha ˗zlanwopödhɛ ˈgü?