Kwa ˗dho yö kë ˗zlanwopö ˗kɔ ˈˈslö ˈbhaa ˗nu ˈka ˗kɔ ˗kë ꞊dhɛ?

Kwa ꞊dhegblü ˗nu ˈwo ˗zlanwopö ˗kɔ ˈˈslö ˈbhaa ˗nu ꞊baa bhë, yö ˈˈgbɩɩ˗ ꞊dede ˈnën ˈwo˗ ˗kë. ˈYö mɛn ꞊va ꞊dede ˗wa ˗pö ꞊dhɛ ˗wo ˗së ˗an ˗bha ˗zlanwopödhɛ ˈgü. ˈˈKɛɛ ˗dhɛ ˈö ˗kë ꞊dhɛ ˈwɔn ˗nu ˈwaa do ˗dhɛ ꞊gban ˈgü bhë, kwa ꞊dhegblü ˗nu ꞊mɔɔn˗ ˗bha ˈwo˗ ˈˈwɛɛ ˗kë ɛɛnˈˈ ˈwo ˈwɔn ˗gɔ ˈbha ˈö mɛn ˗nu ˗dhɛ ˗së ˗an ˈˈpian ˈˈpiʋ̈ ˗an ˈˈdoo dɔ wo ˗bha ˗zlanwopösü ˈgü. ˈˈKɛɛ ˈkö ˗kë ˈˈdhʋ̈, ˗zlanwopö ˈˈtʋ̈ŋ ˈkpii˗ ˈö ö ˗de ˗ta ˗a ˈˈtʋ̈ŋ ˈka, kwa ꞊dhegblü ˗nu dua ˗mü kö ˗wo ˈto ˗dhioo ˈˈpɛpɛ ˈwo dho ˗a dɔ ˗an ˗ta bhë, ˗an ˈˈpiʋ̈. ˈPë ˈkwa˗ ˈˈpiʋ̈ ˈyö ˗tɔ ˈwɔn ˗taɔŋ ˗së ˈö ˗gban ˗Zlan ˗bha ˗Gbüdëdhɛ ˗bha ˈkwa˗ pö ꞊dhɛ ˗kɔ ˈö Yesu ˗ya pö˗ ˈka bhë, ˗a ˈdhö.—Mt 24:14.

Kwa ꞊dhegblü ˗nu ˈwo ꞊klaŋnën ˗nu ˗bha yö kë ˗ni ˈgü, ˗an dua ˗mü kö ˗wo ˗zlanwopö ˗kɔ ˈˈslö ˈö ˈwo ˗Kë kletiɛn ˈka ˗sü waa ˗zlanwopö ˗yö ˗bhɔkwëë ˈsëëdhɛ ˈgü bhë, ˗a ˈwɔn ˗gɔ ꞊nën˗ ˈˈdoo dɔ. ˈˈKɛɛ ꞊ya kë ꞊dhɛ ˈwii pë ˈbha zë˗ pö ˗an ˗dhɛ, ˗wo ꞊mɔɔn˗ ˗bha ˈwo dhɛɛˈˈ, Biblö ˈˈɲan, dhɛɛˈˈ ˈö˗ ˗yɔ dho bɔ ꞊taabha ɛɛnˈˈ ˗zlanwopökɔ ˈwo dho kë ˗së ˗an ˗bha ˈˈyasa ˈgü, ˗a ˗dhɛ ˈö ˗dhi ˗an ˗dhɛ ˗a sü. ˗Dhioo ˗dɛɛ ˈö ˗a ˗dhɛ ˈö ˗kwɛ 2020 Ʒuɛn ˗bha ˗bhɔkwëë ˗kë ˗a ˈka ˈsëëdhɛ ˈˈpian 8 ˈgü, ˗a bho ˈˈgblʋʋ yö ˗mü.