PË ˗SƐŊBƆ ˗NU ˈWO ˗ZLAN ˗WO ˈGÜ

˗Gleŋ ˈö ˈkɔ ˗gɛn ꞊plɛ ˈbhaa ˈwo˗ ˗da kwa ˗bha

˗Wo ˈkɔ ˗gɛn ˈˈgblʋ̈gblʋ̈ ꞊plɛ ˗dɔ ˗dhɛ ˈö ˈwo ꞊mɔɔn˗ ˗bha kö ˗wo ˗kpan ˗an ˗bha ˗Zlan ˗dhɔkëgükɔ ˈgü, ˗a ˗dhɛ ˈgü. (1R 7:15, 16; w13-F 1/12 13 § 3)

˗Wo ˈtɔ ˈö ˗gɛn ˈdhö ˈdhö ˗a nu ˗an ˗dhɛ. (1R 7:21; it-1-F 355)

Zoova ˗dhɔkëmɛn ˗nu ˗wa wo ˗zoyö ˗a ˗dhɛ ˈˈtʋ̈ŋ ꞊gban ˈka, ˗yö ˗dho ˗an ˗takun ˈö ˈwo ˗a ˗dhɔkëgükɔ «˗gɛn ˗gban.» (1R 7:21, ztw; Ps 127:1)

˗A ˈbha ꞊ya kë ˈwɔn ˈˈgbɩɩ˗ ꞊va ˈnën Zoova ˈö kwa ˗takun ˗an ˈgü kë ˈˈdhʋ̈ kö ˈkwa gagade dɔ. ˈˈKɛɛ kwa dua ˗mü kö ˈkwa kwa ˗zoyö ˗a ˗dhɛ ˗kpɛɛwo kö kwa «ˈgü ˈya ˈdho ga ˗zʋ ˗yö [˗a] ˗dhɛ ˗sü ˈka.»—1Ko 16:13.

Pë ˈˈbin ˗nu: 1. Dhebɔnën do ˈbha ˈö ˈˈdhookwëë ˗ya ˈˈwɩ ˈsëëdhɛ ˗be ˈnën «Zuʋ̈gblüdhi ꞊slɔɔ ˗toëpö ˈka!» ˈö kwa ꞊dhegblüdhe do ˗ya nu ˗a ˗dhɛ bhë, ˗a ˗bha. 2. Dhebɔnën ˈbha ˗yö «Zuʋ̈gblüdhi ꞊slɔɔ ˗toëpö ˈka!» ˗wo pö ˗ni ˈkɔɔ, ˈyö ˗yö ö ˗zota ˗ni ˈgü ö ˗bha ꞊shiɛti mü ˗sü ˈgü. 3. ˗Wa bɔ ˗ni ˈgü ˈˈyi ꞊bhaa.

˗BHÖ Ü ˗DE DHƐƐˈˈ ˈKPƆ: ‹˗Kɔ ˗mɛɛn ˈa˗ ˗zɔn ˗ni ˈgü ˗a ˈka ꞊dhɛ a n ˗zoyö Zoova ˗dhɛ?›