ˈKwa bɔ ˗ni ˈgü ˈwɔn ˈˈgbɩɩ˗ ˗nu ˈgü Zoova kwa ˗takun

ˈWɔn ˈˈgbɩɩ˗ ꞊va ꞊dede ꞊nën ˈkwa bɔ ˗ni ˈgü ˗an ˈgü ˈˈkpɔnŋtaadhɛ ɲën ˈˈtʋ̈ŋ ˈö yö ˗a ˈgü. ꞊Ya kë ꞊shiöŋ, ˗yö ꞊mɔɔn˗ ˗bha ˈö ˗kë kwa ˈgü ꞊dhɛ ˈkwaa ꞊mɔɔn˗ ˗bha kö ˈkwa kwa ˗bha ˈwɔn ˈˈgbɩɩ˗ bun. ˈˈKɛɛ ˈkwa ꞊ɲɔɔn Zoova ˗bha ˗kplawo, ˗yö ꞊mɔɔn˗ ˗bha ˈö kwa ˗takun kwa ˗bha ˈwɔn ˈˈgbɩɩ˗ ˗nu ɛɛnˈˈ zuʋ̈klʋʋbhɔdhe ˗nu ˈgü. (Is 43:2, 4) ˗Dhɛ ˈö ˈˈdhʋ̈ kwa ˗dho ꞊ɲɔɔn Zoova ˗bha ˗kɔ ˗kë ꞊dhɛ?

˗Kwa bhɛɛˈˈ. ˈKwa kwa zuʋ̈ˈˈ ˈˈpʋ Zoova ˗dhɛ, ˗yö zuʋ̈waannusü waa ꞊faan ˈö kwa ˗bhawɔn ˈdhö˗ ˗bha kö ˈkwa bɔ ˈwɔn ˈˈgbɩɩ˗ ˗nu ˈgü zuʋ̈saadhɛ ˈka ˗an ˗nu kwa ˗dhɛ.—Fdh 4:6, 7; 1Te 5:17.

˗Kwa ˈdho ˗bhɔkwëë ˗nu ˗ta. Kwa ˗bhawɔn ˗yö ˗zuu ˈgü ˗bhöpë waa kwa ꞊dhegblü ˗nu ˈö Zoova ˗yö ˗an nu kwa ˗dhɛ ˗bhɔkwëë ˗nu ˗ta bhë, ˗an ˗bha ꞊dedewo ˈˈtʋ̈ŋ yö˗ ˈgü. (Eb 10:24, 25) ˈKwa kwa ˗de baaˈˈ ˗bhɔkwëë ˗nu ˗bha, ˈkwa ˈwɔn ˗daa ˗nu kë ˗an ˗ta, ˗wo ˈwɔn ˗së ꞊va ꞊dede ˗kë kwa ˗dhɛ.—˗Dh 2:29.

˗Kwa ˗zlanwopö. ˈKwa ˈwɔn ꞊gban kë kö kwa ˗kɔ ˗yö kë ˗zlanwopösü ˈgü, ˗yö ˗dho ꞊mɔɔn˗ ˗bha ˈö kwa ˗takun ˈö ˈkwa kwa ˗zo ˗së gɔn. ˗Yö ˗dho ˗a kë ˈpö ˈö ˗mlɛɛn ˈö kwaa kwa ꞊dhegblü ˗nu waa Zoova ˗nu kwa ꞊zinŋ ˈgü ˈö˗ ˗gɛn ˗yö ˗gban.—1Ko 3:5-10.

˗BHÖ VIDEO ZOOVA ˗DHO Ü ˗TAKUN ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˗Mën ˈö Malu ˗takun ˈö to ˗klu ˗sü ˈka Zoova ˗bha ˈwɔn ˈˈgbɩɩ˗ ˗nu ˈgü?

  Your answer

• ˗Wo ˈö Psaume 34:18 ˈgü ꞊mɔɔn˗ ˗bha ˈö kwa zuʋ̈ˈˈ kë ˗saa ˗kɔ ˗kë ꞊dhɛ ˈwɔn ˈˈgbɩɩ˗ ˗nu ˈgü ꞊dhɛ ˗kɔ ˈö Malu ˗takun ˗a ˈka ˗a ˈdhö?

  Your answer

• ˈWɔn ˈö Malu ˗yö bɔ ˗a ˈgü bhë, ˗ya ˗zɔn ˗kɔ ˗kë ꞊dhɛ ꞊dhɛ ˈkwa bɔ ˗ni ˈgü ˈwɔn ˈˈgbɩɩ˗ ˗nu ˈgü Zoova ˗yö «ˈgügbɩɩdhɛ ˗ziisü» ˗nu kwa ˗dhɛ?—2Ko 4:7

  Your answer