PË ˗SƐŊBƆ ˗NU ˈWO ˗ZLAN ˗WO ˈGÜ

«N zuʋ̈ga ˗dho kë ˗dhɛ ˈö bhë ˗a ˈgü ˗kplawo»

Zoova ˗yö ö ˗kɔ ˗yɛ ˈkɔ ˈö Sadhomɔn ˗ya dɔ bhë ˗a ˗bha kö ˗yö kë ö ˗bha ˈka. (2Ch 7:11, 12)

Zoova ˗ya ˗pö ꞊dhɛ ö zuʋ̈ga ˗dho kë ˗dhɛ ˈö bhë ˗a ˈgü ˗kplawo. ˗A pö ˈö˗ ˗wo ˈˈdhʋ̈ bhë ˗ya ˗zɔn ꞊dhɛ ˗yö ˗dho ö ˈˈtʋ̈ŋ kë ꞊dedewo ˈwɔn ˈˈpɛpɛ ˈö dho kë ö ˗dhɔkëgükɔ bhë ˗a ˈgü, ˗an ˈgü. (2Ch 7:16; w02-F 15/11 5 § 1)

Mɛn ˗nu ˈwii Zoova ˗dhɔkë ˈzü «wo zuʋ̈ˈˈ ꞊gban ˈka,» ˗yö ˗dho ö ꞊kwaa ˗a ˗dhɔkëgükɔ bhë ˗a ˗zü ˈö ˈwo ˗a ꞊shiö. (2Ch 6:14; 7:19-21; it-2-F 1048 § 5)

Pë ˈˈbin ˗nu: ˗Zlan ˗dhɔkë ˗kɔ ˈbhaa ˗nu. 1. Kwa ꞊dhegblü do ˗yö bhɛɛˈˈ ˗ni ˈgü. 2. Kwa ꞊dhegblüdhe do ˈwɔn ˗daa kë ˗ni ˈgü ˗bhɔkwëë ˗ta. 3. Dhe waa ö ˗gɔn ˗wo ˗zlanwopö ˗ni wo ˈˈkwëë. 4. Kwa ꞊dhegblü do ˗yö pë ʒiö ˗ni ˈgü pë ˗bha ˗Bhɔkwëëkëgükɔ ˈgü. 5. Kwa ꞊dhegblü do ˗yö ˈˈdhiʋ̈sü ˗ni ˈgü ˗an ˗bha ˗Zlan ˗dhɔkë ˈkɔɔ ˗sü ˈka. 6. Kwa ꞊dhegblüdhe do ˗yö Biblö ˗wo pö ˗ni ˈgü. 7. Kwa ꞊dhegblüdhe do ˗yö ˈwëëga ˗da ˗ni ˈgü ˈwëëgadagüpë ˈgü.

˗Zlan ˗dhɔkëgükɔ ˈˈdhiʋ̈ ˈˈpʋ ˗yi ˈka, ˗Zlan ˗dhɔkëmɛn ˗nu ˗bhaa ˈgü ˗wo ˗dho Zoova ˗dhɔkë wo zuʋ̈ga ꞊gban ˈka ˗kplawo. ˈˈKɛɛ ˗wëëwɔn ˈö ˗kë ˈyö ˈtɔ˗ ˗an zuʋ̈ga ˗go Zoova ꞊keŋ˗ ˈˈdhiʋ̈ ˈˈdhiʋ̈.

˗BHÖ Ü ˗DE DHƐƐˈˈ ˈKPƆ: ‹˗Kɔ ˗mɛɛn ˈa˗ ˗zɔn ˗ni ˈgü ˗a ˈka ꞊dhɛ a Zoova ˗dhɔkë n zuʋ̈ga ꞊gban ˈka?›