Biblö ˗wo ˗pö yi ꞊gban ˈka ˗sü waa ꞊kpɔɔdhɛ mɛɛnˈˈ ˗sü

꞊Kpɔɔdhɛ ˈö go ˗Zlan ˈˈpiʋ̈ ˗yö ꞊bhlëësü ˗dhɛ ˈˈsënŋ ˈö ˗bin ˗sü ˈka ˗a ˈdhö. (Pr 2:1-6) ꞊kpɔɔdhɛ ˗yö kwa ˗takun kö ˈwɔnbhokoodɔdhe ˗yö kë kwa ˗gɔ, ˈgo mü ˈzü kö ˈkwa ˗da ˈwɔn ˗së ˗ʒian ˗ta. ˗Yö kwa ˗takpa. Yö ꞊nën˗ ˈö «pë ˗wɔngbɩɩsü» ˈka. (Pr 4:5-7) ˗A ˗dhɛ ˗ya ˗bha kö ˈkwa kwa ˈgü dɔ ˈˈgbɩɩ˗ kö pë ˗sɛŋbɔ ˗nu ˈwo ˗bin ˗sü ˈka ˗Zlan ˗Wo ˈgü ˈkwa ˗an mɛɛnˈˈ. Kwa ꞊mɔɔn˗ ˗bha ˈkwa˗ zübho Biblö ˗wopösü ˈka «ˈˈɲënŋ˗ ˈgü waa gbeŋ ꞊gban ˈˈpɛpɛ ˈka.» (Jos 1:8) Pë ˈˈwɛɛ ˈbha ˗nu ˈwo ꞊mɔɔn˗ ˗bha ˈwo kwa ˗takun kö ˈkwa ˗Zlan ˈˈDhiwo ˗wo ˗pö yi ꞊gban ˈka kö ˈkwa˗ din yö, ˗kwa ˗an ˗ga.

˗BHÖ VIDEO WLÜÜNËN -NU ˈWO- ˈˈPIƲ̈ KÖ -ZLAN -WO -DHƆ -YÖ DA -WO ˈGÜ ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

Wlüünën ˗nu ˈwo bhë ˗wo kun ˗a ˈˈpiʋ̈ ˈwo Biblö ˗wo pö yi ꞊gban ˈka. ˈˈKɛɛ ˗mën ˈö ꞊gbɔɔn ˗an ˗ta ˗a zübhodhɛ ˈgü? ˗Mën ˈö ˗an ˗takun?

• 

  Melani

  Your answer

• 

  Samiɛdhö

  Your answer

• 

  Selinö

  Your answer

• 

  Lafaɛlö

  Your answer

MAN BIBLÖ ˗WOPÖSÜ PLOGLAMÖ