Ü ˗zo ꞊kun ˗a ˈˈpiʋ̈ ˗ee?
ˈˈGlaadhiʋ̈ ˗Tɔn ˗nu ˈwo yö ˈˈkpɛɛn ˗kwɛ ˈö yö ˗a ˈgü ü ˗an ˗wo ˗pö ˗së ˈka ˗ee? Ü ꞊mɔɔn˗ ˗bha ˈü dhɛɛˈˈ ˗nu ˈwo yö ˗an ˗yɔ bɔ ˗ee?:
Zakö 5:11 ˗ya ˗pö kwa ‹˗wɔn ˗yö Zoova ˗gɔ ˈˈgbɩɩ˗,› ˈgo mü ‹kwa ˗wëë ˗ya ˗kë ꞊dedewo.› ˗Yö kwa ˗zo ˗gban ˗kɔ ˗kë ꞊dhɛ?
Kwa˗ ˈwɔn ˗dɔ ꞊dhɛ Zoova ˗bha mɛn ˗wëëzësü ˗ya ˗kë ˈö kwa ˗bha ˈwɔn yaa ˗nu ˗bhawɔn to. Zakö 5:11 ˗yö kwa ˗zo ˗gban ˈpö ꞊dhɛ kwa ˗dhɔ ˗ya ˗kë, ˗ya ˈˈpiʋ̈ ˈö kwa ˗takun. ˗Kwaa kë ꞊dhɛ ˗a ˈdhö.—w21.01, ˈˈp. 21.
ˈMën ˗kë ˈö Zoova ˗yö ˗gɔmɛndhɛ ˗ya?
Kwa ˗dhɔ ˈnën˗ ˗kë. ˗Ya ˗kë ˈyö ˈkɔdhigümɛn ˗nu ˗kë wo ˈko ꞊bhaa zuʋ̈waannudhe ˈgü, ˈyö ˗bhluubhludhe ˈyaa kë ˗an ˗bha ˈkɔdhi ˈgü. ˈKɔdhigümɛn ˗dhɛ ˈö ˈdhö ˗ya ö ˗duɛɛ dɔ, ˗wo ˗dho mɛn ˈö˗ dua ˈdhö ˗mü kö ˗yö ˗wo ˗kaanta pö, ˗a dɔ.—w21.02, ˈˈp. 3.
Aplikashiɔn ˗nu ˈwo nɔɔn˗ ˗nu bɔ ˗an ˗ta bhë, ˈmën ˗kë ˈö kletiɛn ˗nu dua ˈdhö ˗mü kö ˗wo yökë ˗an ˈka wo ˈsuan˗ ˈka?
Mɛn ˈö yö ˗kë Aplikashiɔn suu ˗nu ˈwo ˈˈdhʋ̈ ˗an ˈka, ˗a dua ˗mü kö ˗yö ö ˗kɔ ˈˈyɛ ö ˈˈtɔŋdë ˗nu ˗bha ˗së ˈka. ˗Ya kë mɛn kpö ˈbha ˈwo nɔɔn˗ ˗nu bɔ wo ˈko ˗dhɛ ɛntɛnɛtö ˗ta ˗a ˈgü, ˗a kë ˗sü ˗dho kë ˈˈgbɩɩ˗. (1 Tim. 5:13) ˗A dua ˗mü ˈpö kö ˗yö ö ˗de ˈkun, kö ˈya ˗dho nɔɔn˗ ˗nu ˈö ˈwaa gagade ˈka ˗an ˗pɛn, ɛɛnˈˈ ˈzü kö ˈya ˗dho kwa ˗bha ꞊dhegblüdhɛ kë ˈˈdhoo ˗dɔ ˗a ˈgü ˗pë ˈka.—w21.03, ˈˈp. 31.
ˈMën ˗kë ˈö ˗Zlan ö ꞊kwaa Yesu ˗zü ˈö saanˈˈ sü, ˈö ga?
˗A ˗gɛn ˗blɛɛsü ˈnën ˗tɔ Yesu ˗yö ˗ga ˈˈdhü ˗bha kö ˗yö Zuifö ˗nu dha ˈˈdhaŋga do ˈkpii˗ ˗gɔ. (Ga. 3:10, 13) ˗A ꞊plɛ ˗bha ˗naan ˈnën ˗tɔ ˗yö ˗kun Yesu ˗kian ˗ni ˈgü kö ˗yö kë kwa ˗bha ˈˈSaabhomɛn ˈkpii˗ ˈka. ˈYö˗ ˗yaaga ˗bha ˗naan ˗kë ꞊dhɛ Yesu ˗bha ˗towotasü ˈö ga ˗a ˈka bhë, ˗ya ˗zɔn ꞊dhɛ mɛnbhɩɩdhe ꞊mɔɔn˗ ˗bha ˈö to ˗klu ˗sü ˈka ˗Zlan ˗bha ˈwɔn ˈˈgbɩɩ˗ ˗nu ˈgü. (Job 1:9˗11)—w21.04, ˈˈp. 16˗17.
˗Kpan mɛn ˗nu ˗bha ˗an ˗gɔ ˈkɔɔ ˗sü kö ˈü ˗zlanwopö ˗an ˗dhɛ ˗ya kë ˈˈgbɩɩ˗, ü ˗dho ˗a kë ꞊dhɛ?
Ü ꞊mɔɔn˗ ˗bha ˈü dho ˗an ˈˈpiʋ̈ ˈˈtʋ̈ŋ ˈwo ꞊mɔɔn˗ ˗bha ˗wo kë˗ ˈka ˈkɔɔ, ˗a ˈgü. Ü ꞊mɔɔn˗ ˗bha ˈpö ˈü ˗zlanwo ˗pö ˗dhɛ ˈˈwɛɛ ˈgü ˗sü ˈgüdan. Ɛɛnˈˈ ˈzü ü ꞊mɔɔn˗ ˗bha ˈü ˗zlanwopö ˗kɔ ˗nu, ˈö ˈbha ˗nu ˗kë ˈsëëdhɛ bɔ ˗sü ˈka bhë, ˗an ˗kë.—w21.05, ˈˈp. 15˗16.
˗A pö ˈö Pɔdhö ˗ya ˗wo ꞊dhɛ: «˗Zlan ˗bha ˈtɔng˗ ˗zë ˈma ga ˈnu˗ ˗gɔ» bhë, ˗mën ˈö kun˗ ˈˈpiʋ̈ kö ˗ya pö? (Ga. 2:19)
˗Zlan ˗bha ˈtɔŋ˗ ˈö Moizö ˗ya ˗bɛn zë bhë ˗ya ˗zɔn ꞊dhɛ ˈwɔn yaa kë ˗dhii ˗yö mɛnbhɩɩdhe ˗nu ˗bha, ˈö ʒian bho ˈzü Izraɛdhömɛn ˗nu ˈka ˈö yö˗ ˈka Klito nu ˗sü ˗bha. (Ga. 3:19, 24) ˗Ya ˗kë ˈö Pɔdhö ˗yö ˗we Klito ˗wɔn ˗bha. ˈDhɛ ˈˈdhʋ̈, ꞊yaa˗ pö ˈya ‹ga ˗Zlan ˗bha ˈtɔŋ˗ ˗nu ˗gɔ,› ˗a ˗gɛn ˈnën ˗tɔ ꞊dhɛ ˈtɔŋ˗ ˈö Moizö ˗ya ˗bɛn zë bhë, ˗a ꞊faan ˈbhaa ˈyaa ö ˗ta ˈzü.—w21.06, ˈˈp. 31.
Zuʋ̈saadhɛ ˗gleŋ ˗mɛɛn ˈö Zoova ˗ya ˗da kwa ˗bha?
˗Wa ˗dhii ˗ya ˗a ˈtɔ ˗bha, mɛn ꞊vadhɛ ˗wa ˗gban ˗a ˗gɔ, ˗a ˗de ˗bha ˈnën ˈbhaa ˗nu ˗wo ˗gban ˗a ˗gɔ, Sɔtraan ꞊sua ˗nu ˗kë ˗a ˗bha ˗kplawo, ˗a dhɔɔbhaamɛn ˗nu ˗wo saanˈˈ ˈsü ˗ni ˈgü, ˗a ˈˈtɔŋdë ˗nu ˗wa ga, zuʋ̈yaamɛn ˗nu ˗wo mɛnbhɩɩdhe ˗nu ˈˈklʋʋ bhɔ ˗ni ˈgü, mɛnbhɩɩdhe ˗nu ˗wa ˗dapë ˗nu shiʋ̈ˈˈ ˗ni ˈgü. ˈˈKɛɛ Zoova ˗ya ꞊gban ˈkun ˗ni ˈgü ö ˗bha.—w21.07, ˈˈp. 9˗12.
Zuʋ̈saadhɛ ˈwɔnzuan ˗mɛɛn ˈö Zozɛfö ˗ya to kwa ˗gɔ?
˗A ꞊dhegblü ˗nu ˗wo ˈwɔn yaa ˗kë ˗a ˈka. Mɛn ˗nu ˗wo ꞊sua ˗wɔn ˗dɔ ˗a ˗bha, ˈö ˗kwɛ ꞊va ˗kë ˗kasho ˈgü Ezitö.—w21.08, ˈˈp. 12.
ˈˈSɛgɔ ˗nu ˗zuzuu ˗sü ˗mɛɛn ˈö Aggée 2:6-9, 20-22 ˗wa ˗wɔn ꞊blɛɛ?
ˈˈSɛgɔ ˗nu ˈˈpɛpɛ ˗lokotasü ˈwaa ˈˈwɩ ˗Zlan ˗bha ˗Gblüdëdhɛ ˗nɔɔn ˗bha. ˈˈKɛɛ mɛn ꞊vadhɛ ˗wa ˗da gagade ˗ʒian ˗ta. ˗A ˈˈtʋ̈ŋ ˗ya ˈto ˈˈtɩtɩ kö ˈˈsɛgɔ ˗nu ˗zuzuu ˗sü ˗totaabhasü ˗yö kë, kö ˗an ˈgü ˗yö shiʋ̈ˈˈ.—w21.09, ˈˈp. 15˗19.
ˈMën ˗kë ˈö kwa ˈgü dua ˈyaa ˗mü kö ˗yö ga ˗zlanwopösü ˈka?
Zoova kwa ˗bha ˈgüdɔgbɩɩsü ˗yö, ˈö˗ zuʋ̈ˈˈ ꞊nii ˈdhö ˗da ˗sü ˈka kwa ˗bha. Kwa ˈgü ˈti ga ˗zlanwopösü ˈka, kwa ˈti ˈˈkan ˗a ˗bha, kwa ˗dho ˗tosɛta ˈö ˈyaa ɲën ˗a ꞊slɔɔ˗.—w21.10, ˈˈp. 25˗26.
‹˗Ka ˈto ˈˈslʋ̈ʋ̈slʋ̈ ˈka ka ˗bha ˗tosɛa kë ˗kɔ ꞊gban ˈˈpɛpɛ ˈgü.› (1 Piɛ. 1:15) Lévitique 19 kwa ˗takun ˗a ˗ya ꞊bhlëë ˈgü ˗sü ˗bha ˗kɔ ˗kë ꞊dhɛ?
˗Wo ˈö Lévitique 19:2 ˈgü bhë, ˈyö Piɛdhö ˗ʒiö ˗a ˈˈpiʋ̈ ˈö˗ pö. Lévitique 19 ˗yö 1 Piɛdhö 1:15 ˗ya ꞊bhëë ˈgü ˗kɔ ˈö kwa ˗bha ˗tosɛta ˈgü yi ꞊gban ˈka, ˗a ꞊va ˗zɔn.—w21.12, ˈˈp. 3˗4.