Pë draansü ˈˈslö ˈbha ˗nu

Pë ˗sɛŋbɔ ˗nu ˈwo ˗gban Zoova ˗bha

Kwa Biblö ˗wo pö ˗ni ˈgü, pë ˗mɛɛn ˗a ˈgü ˗pë ꞊va ˈwo dho kwa ˗takun kö ˈkwa˗ ˈgüman ˗së ˈka ˗wo ˗dhö. Kwa ˈti Biblö draanˈˈ dosɛnŋ kö ˈkwa pë dɔ ˗së ˈka. Kwa˗ ˈˈpiʋ̈ kö pë ˗sɛŋbɔ ˗nu ˈwo dho kwa ˗takun kö ˈkwa Zoova dɔ, ˗a ˗dhɔ ˈö kwa ˈgü ˗yö ˗dadhiʋ̈, ˈkwa ˗kpan ˗an ˗bha. ˗A ˗wɔn ˈgü, kwa ꞊mɔɔn˗ ˗bha ˈkwa kwa ˗de dhɛɛˈˈ kpɔ: «Biblö ˈˈɲan ˈö yö, ˈmën ˗zɔn n ˗dhɛ ˈö ˗gban Zoova ˗bha?»

Kwa ꞊mɔɔn˗ ˗bha ˈpö kö ˗kɔ ˈö Zoova ˗yö ö ˗bha ˗dhɔ, ö ˗bha ꞊kpɔɔdhɛ, ö ˗bha ˗kë kpɛnŋdhösü waa ö ˗bha ˈˈpiigbɩɩdhɛ ˗zɔn ˗a ˈka, ˈkwa˗ mɛɛnˈˈ. ˈˈKɛɛ ˗kwaa ˈwɔn ˗dɔ ꞊dhɛ Zoova ˗bha ˈˈklʋʋsë ˗nu ꞊gban ˈyaa ˈnën bhë. ˗A ˗sɛŋbɔ ˈbha ˗nu ˗wo ˗dhö ˈzü. Kwa ˗dho ˗kpan ˗an ˗bha ˈˈmɛn?

Zoova ˗bha ˈˈklʋʋsë ˗nu ˈwo ˗ʒiö 50 ˗ta ˗wo kwa ˗bha ˈsëëdhɛ Guide de recherche pour les Témoins de Jéhovah ˈgü, ˗wo kpö ˈö ˗kë « Jéhovah Dieu » ˈka waa ˈwɔn ˗gɔ ˈsɛɛn˗ ˈö ˗kë « Qualités de Jéhovah » ˈka bhë, ˗an ˈgü. ˗Ya ˈgo mü, Zoova ˗bha ˈˈklʋʋsë ˗nu ˈü ˗an ˗wo pö ˗ni ˈgü Biblö ˈgü ˈˈdhʋ̈, ü ˈˈtʋ̈ŋ kë ˗an ˈgü.