Kwa ˈsëëdhɛ draanˈˈ ˗ni ˈgü, ˗kwa kwa zuʋ̈ˈˈ ˈˈpʋ

Kwa kwa ˗de baaˈˈ ˗ni ˈgü ˈsëëdhɛ draansü ˗bha, ˗kwa kwa ˗de dhɛɛˈˈ ˈkpɔ ˈkwa˗ pö: ‹ˈMën ˈa˗ ˈˈpiʋ̈ kö ˈa draanˈˈ?› Kwa˗ draanˈˈ ˗ni ˈgü, ˗kwa kë kwa ˈsuaan˗ ˈka ˈyö sü ꞊dhɛ Zoova ꞊mɔɔn˗ ˗bha ˈö bɔ ˗a ˗ta ˈö pë ˗dɛɛ ˗nu ˗zɔn kwa ˗dhɛ. Kwa ˗dho kwa ˈˈtʋ ˈto ˗Zlan ˗bha ˗kɔ ˗kë ꞊dhɛ?

˗Kwa ꞊kpɔɔdhɛ ˗dhɛ Zoova ˗gɔ. ˗Kwaa pö ˗a ˗dhɛ ˗yö kwa ˗takun kö pë ˈö˗ ˈˈpiʋ̈ ˈkwa˗ dɔ bhë, ˈkwa ˈto mü ˈkwa˗ ˈgüman. (Zak. 1:5) ˈKwa ˗dho ˈto ˗a ˈgüman ˗kɔ ˈö ˈˈdhiʋ̈ ˗be ˗a ˗ta ˗kplawo.—Prov. 3:​5, 6.

˗Kwa kwa ꞊kwaa Biblö ˗bha ˈˈpiigbɩɩdhɛ ˗zü kö ˗yö kwa dɔɔˈˈ. «[˗Zlan] ˗wʋ bha pë ˈˈyaandhe ˗mü.» (Ebl. 4:12) ˗A ˗wɔn ˈgü ˈˈtʋ̈ŋ ˈˈpɛpɛ ˈkwa Biblö ˗wo pö ˗a ˈka, kwa ꞊mɔɔn˗ ˗bha ˈkwa pë ˗dɛɛ ˈö dho kwa ˗takun ˗kɔ ˈˈwɛɛ ˈgü ˗a yö. ˈKwa˗ pö ˗yö kë ˈˈdhʋ̈, ˗kwaa ˈwɔn dɔ ꞊dhɛ kwa ˗bhawɔn ˗yö pë ˈö ˈkwa˗ draanˈˈ ˗ni ˈgü bhë ˗a ˗bha.

˗Kwa Zoova ˈˈnuɛ bho pë ˈˈpɛpɛ ˈö bɔ ˗a ˗ta kö ˈö kwa ꞊klaŋkë ˗a ˗bha. Pë ˗nu ˈwo ˈˈdhʋ̈, ˗wo ꞊dhɛ ‹˗bhöpë ꞊sɛŋbɔ ˗nu› ˈdhö. (Is. 25:6) ˈWɔn ˗gɔ ˗nu ˈö ˈwaa kwa ˈgü ˗së bhë, ˈkwa ˗dho ˗lö ˗an ˗zü. ˗Kwa ˗an draanˈˈ, kë ˈˈdhʋ̈ kö ˗Zlan ˗yö kwa ˗takun kö ˈkwa kë mɛn ˗tiaandhö ˈka, ˈgo mü ˈzü ˈkwa zuʋ̈gblüdhi ꞊dede ꞊slɔɔ ˗an ˈgü.